Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Татлы сёз – балдан татлы.
  • Игиге айтсанг – билир, аманнга айтсанг – кюлюр.
  • Тил джюрекге джол ишлейди.
  • Сютден ауузу кюйген, суугъа юфгюре эди.
  • Ана – юйню кюн джарыгъы.
  • Къарт айтханны этмеген, къартаймаз.
  • Джаным-тиним – окъуу, билим.
  • Тамырсыз терекге таянма – джыгъылырса.
  • Адамны бетине къарама, адетине къара.
  • Этни бети бла шорпасы.
  • Эртде тургъан бла эртде юйленнген сокъуранмаз.
  • Мал тутхан – май джалар.
  • Телиге от эт десенг, юйюнге от салыр.
  • Игилик игилик бла сингдирилиучю затды.
  • Ашхы тенг джолгъа салыр, аман тенг джолдан тайдырыр.
  • Чыбыкълыкъда бюгюлмеген, къазыкълыкъда бюгюлмей эди.
  • Ышармагъан – кюлмез, кюлмеген – къууанчны билмез.
  • Хунаны тюбюн къазсанг, юсюнге ауар.
  • Аманнга да, игиге да оноусуз къатышма.
  • Ат басханны джер билед.
  • Ашлыкъ – бюртюкден, джюн – тюкден.
  • Айтхан – тынч, этген – къыйын.
  • Тёзгеннге, джабылгъан эшик ачылыр.
  • Сабийни джумушха джибер да, ызындан бар.
  • Къазанчы аман болса, къазаны къайнамаз.
  • Ана къойну – балагъа джандет.
  • Джырына кёре эжиую.
  • Зар адам ашынгы ашар, кесинги сатар.
  • Окъугъанны бети джарыкъ.
  • Тойгъандан сора, ашны сёкме.
  • Адам боллукъ, атламындан белгили болур.
  • Юреннген ауруу къалмаз.
  • Джашда акъыл джокъ, къартда къарыу джокъ.
  • Ким бла джюрюсенг, аны кёзю бла кёрюнюрсе.
  • Шапа кёб болса, аш татымсыз болур.
  • Эте билген, этген этеди, эте билмеген, юретген этеди!
  • Кёз – сюйген джерде, къол – ауругъан джерде.
  • Чомартха хар кюн да байрамды.
  • Акъыллы айтыр эди, акъылсыз къоймайды.
  • Джыйырма къойну юч джыйырма эбзе кюте эди.
  • Айырылгъанланы айю ашар, бёлюннгенлени бёрю ашар.
  • Тил – миллетни джаны.
  • Къонагъы джокъну – шоху джокъ.
  • Къуллукъчума, деб махтанма, къуллукъ – хаух джамчыды!
  • Аджашханны ызындагъы кёреди, джангылгъанны джанындагъы биледи.
  • Агъач – джерни чырайы, кийим – эрни чырайы.
  • Уясында не кёрсе, учханында аны этер.
  • Чакъырылмагъан къонакъ – орунсуз.
  • Босагъа таш юйге кирмей эди, тыбыр таш эшикге чыкъмай эди.
  • Ишни ахырын ойламай, аллын башлама.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачайны къобаны
(Голосов: 6, Рейтинг: 4.5)

Описание

Дата: 12.09.2012
Прослушиваний: 6193
Скачиваний: 1047
Размер: 6.36 МБ
Текст песни:
сл. и муз. Узденова Альберта

Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Къарачайны Къобаны,
Минги Тауну кёк къаны,
Алгъышлары къартланы,
Таркъайма минг джылланы!

Джайда-боза, къачда - таза,
Къыш болса уа - мияла.
Джаз башында кемсиз аза,
Къулакъ суудан уяла,

Сени суунг - мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Энди халкъым термилмесин
Сенден уртлам уртларгъа!
Ачлыкъ джетиб кюсемесин
Ташларынгы джаларгъа!

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Комментариев нет

  • Зарегистрируйтесь чтобы пользоваться плейлистом.