Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Бети бедерден, намыс сакълама.
  • Аман къатын сабий табса, бий болур…
  • Ашатыргъа иш – ашхы, ишлетирге аш – ашхы.
  • Къолунгдан къуймакъ ашатсанг да, атаны борчундан къутулмазса.
  • Атлыны ашхысы, ат тизгининден билинир
  • Узун джолну барсанг, бюгюн келирсе, къысха джолну барсанг, тамбла келирсе.
  • Душманны тышы – акъ, ичи – къара.
  • Тамырсыз терекге таянма – джыгъылырса.
  • Аманны эки битли тону болур, бирин сеннге кийдирир, бирин кеси киер.
  • Элиб деген, элге болушур.
  • Иши джокъну, сыйы джокъ.
  • Кютгени беш эчки, сызгъыргъаны уа, джерни джарады.
  • Окъугъанны бети джарыкъ.
  • Хата – гитчеден.
  • Джырчы джырчыгъа – къарнаш.
  • Эринчекни аурууу – кёб.
  • Ашда – бёрю, ишде – ёлю.
  • Ашхы сёз таш тешер.
  • Окъуу – билимни ачхычы, окъуу – дунияны бачхычы.
  • Чомарт къолда мал къалмаз.
  • Аманны тукъумуна къарама, игини тукъумун сорма.
  • Окъдан джара эртде-кеч болса да бителир, сёз джара, ёмюрге къалыр.
  • Адеб базарда сатылмаз.
  • Рысхы джалгъанды: келген да этер, кетген да этер.
  • Иги адамны бир сёзю эки болмаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Башда акъыл болмаса, эки аякъгъа кюч джетер.
  • Нафысынгы айтханын этме, намысынгы айтханын эт.
  • Биреуню къыйынлыгъы бла кесинге джол ишлеме.
  • Айтхан – тынч, этген – къыйын.
  • Уясында не кёрсе, учханында аны этер.
  • Атлыны кёрсе, джаяуну буту талыр.
  • Эл ауузу – элия.
  • Айтылгъан буйрукъ, сёгюлмез
  • Къызны минг тилер, бир алыр.
  • Баргъанынга кёре болур келгенинг.
  • Зар адам ашынгы ашар, кесинги сатар.
  • Эр абынмай, эл танымаз.
  • Бал – татлы, балдан да бала – татлы.
  • Къаллай салам берсенг, аллай джууаб алырса.
  • Халкъны юйю – туугъан джери.
  • Тенгинг джокъ эсе – изле, бар эсе – сакъла!
  • Къыйынлы джети элге оноу этер.
  • Акъыллы эркиши атын махтар, акъылсыз эркиши къатынын махтар.
  • Суугъа – таянма, джаугъа – ийнанма.
  • Джахил болса анасы, не билликди баласы?
  • Ашда уялгъан – мухар, ишде уялгъан – хомух.
  • Харам къарнашдан, халал тенг ашхы.
  • Баш – акъыл ючюн, акъылман – халкъ ючюн.
  • Ата – баланы уясы.

Аудио

Узденов Альберт

Файлов: 48

Обновлен: 06.07.2017

  • Узденов Альберт Ийнар
(Голосов: 7, Рейтинг: 4.14)

Описание

Дата: 13.09.2012
Прослушиваний: 6493
Скачиваний: 1214
Размер: 9.95 МБ
Текст песни:
Мен сюймекликден дюккюч болгъанма,
Джаз чырпы болуб чабмазча.
Мени тенгледен кемлигим неди,
Насыбдан юлюш табмазча?

Элекге къуюб бергенча сууну
Бергененг сюймеклигингден,
Челекге къуюб бердинг джарсыуну
Ичдим сени бек сюйгенден

Ариум дедим, наныгъым дедим,
Къалай демедим атынга?
Насыб джюгенни джазыуугъа бериб,
Баралмай къалдым къатынга...

Кемсиз ариу сез башынга джауду,
Мен къоркъуума тюбедим.
Джаз чагъыб келген насып гоккамы
Сууну кеб къуюб тюб этдим...

Джазыуум улуйд къобхан тенгизча,
Къыбламам джокъду, къайдад джол?
Хар кетген кюнюм - батхан кемечад,
Мыдах къарайма, булгъай къол.

Боран шаушалса, джерни джылытыб,
Сенге кюн тийсин менге - ай!
Айгъа къарарма, санга ушатыб,
Къалсам да дайым суукълай...

Комментариев нет

  • Зарегистрируйтесь чтобы пользоваться плейлистом.