Расширенный поиск
9 Сентября 2026 года
Логин: Регистрация
Пароль: Забыли пароль?
Навигация
Словарь
  • Къарнынг бла ёч алма.
  • Таш бла ургъанны, аш бла ур.
  • Атадан ёксюз – бир ёксюз, анадан ёксюз – эки ёксюз.
  • Сангырау къулакъ эл бузар.
  • Ётюрюкчюню шагъаты – къатында.
  • Тик ёргени, тик энгишгеси да болады.
  • Ач къалгъандан, кеч къалгъан къолай.
  • Чыкълы кюнде чыкъмагъан, чыкъса къуру кирмеген.
  • Сёз – кюмюш, джыр – алтын.
  • Хантына кёре тузу, юйюне кёре къызы.
  • Эл ауузу – элия.
  • Азыгъы аз, алгъа къабар, аты аман, алгъа чабар.
  • Чалманны аллы къалай башланса, арты да алай барады.
  • Хатерли къул болур.
  • Ишни ахырын ойламай, аллын башлама.
  • Ичимден чыкъды хата, къайры барайым сата?
  • Кюн – узун, ёмюр – къысха.
  • Ауузу бла къуш тута айланады.
  • Иги адам абынса да, джангылмаз.
  • Айран тёгюлсе, джугъусу къалыр.
  • Бек ашыкъгъан меннге джетсин, дегенди аракъы.
  • Иги сёз – джаннга азыкъ, аман сёз башха – къазыкъ.
  • Таукел тауну аудурур.
  • Джуртун къоругъан озар.
  • Ёлмесенг да, къарт дамы болмазса?
  • Джаз бир кюнню джатсанг, къыш талай кюнню абынырса.
  • Ёзденликни джайгъан – джокълукъ.
  • Джол бла сёзню къыйыры джокъ.
  • Иесиз малны бёрю ашар.
  • Бир абыннган – минг сюрюнюр.
  • Къыйынлы джети элге оноу этер.
  • Джигер – джаннга къыйынлыкъ.
  • Ишлегенден, къарагъан уста.
  • Къонагъы джокъну – шоху джокъ.
  • Кийим тукъум сордурур.
  • Игини сыйлагъан адетди.
  • Къан бла кирген, джан бла чыгъар.
  • Бал – татлы, балдан да бала – татлы.
  • Ач, тоймам, дейди, тойгъан, ач болмам, дейди.
  • Ашхылыкъ джерде джатмайды, аманлыкъ суугъа батмайды.
  • Сёз къанатсыз учар.
  • Билимсиз иш бармаз.
  • Эр сокъур болсун, къатын тилсиз болсун.
  • Айраннга суу къош, телиге джол бош.
  • Къолунгдан къуймакъ ашатсанг да, атаны борчундан къутулмазса.
  • Кесинг сынамагъан затны, адамгъа буюрма.
  • Суугъа – чабакъ, къаягъа – ыргъакъ.
  • Аман эсирсе, юйюн ояр.
  • Кёлю джокъну – джолу джокъ.
  • Къонагъынгы артмагъын алма да, алгъышын ал.

Аудио

Эльбрусоид

Файлов: 2

Обновлен: 06.07.2017

  • Эльбрусоид Къарачайым-Малкъарым
(Голосов: 1, Рейтинг: 5)

Описание

Дата: 28.09.2012
Прослушиваний: 1440
Скачиваний: 88
Размер: 10.04 МБ
Текст песни:
музыка Бориса Турклиева 
слова Норий Созарукова  

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Комментариев нет

  • Зарегистрируйтесь чтобы пользоваться плейлистом.