Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Билимли ёлмез, билимсиз кёрмез.
  • Тешик этген тынчды, аны джамагъан къыйынды.
  • Телиге от эт десенг, юйюнге от салыр.
  • Къатыны харакетли болса, эри къымсыз болур.
  • Ауругъанны сау билмез, ач къарынны токъ билмез.
  • Ач, тоймам, дейди, тойгъан, ач болмам, дейди.
  • Телиге акъыл салгъандан эсе, ёлгеннге джан салырса.
  • Тилчиден кери бол.
  • Аман эсирсе, юйюн ояр.
  • Акъыллы эркиши атын махтар, акъылсыз эркиши къатынын махтар.
  • Тынгылагъан тынгы бузар.
  • Минг тенг да азды, бир джау да кёбдю.
  • Термилгенинги табмазса, кюлгенинге тюберсе.
  • Ёнгкюч къууана барыр, джылай келир.
  • Тойгъа барсанг, тоюб бар, эски тонунгу къоюб бар.
  • Кечеси – аяз, кюню – къыш, джарлы къаргъагъа бир аш тюш!
  • Гырджын – тепсини тамадасы.
  • Ашын ашагъанынгы, башын да сыйла.
  • Аз сёлешген, къайгъысыз турур.
  • Ашхы – джыяр, аман – джояр.
  • Чоюнну башы ачыкъ болса, итге уят керекди.
  • Этни бети бла шорпасы.
  • Терек ауса, отунчу – кёб.
  • Адебсиз адам – джюгенсиз ат.
  • Тойчу джашха къарама, къойчу джашха къара.
  • Айырылгъанланы айю ашар, бёлюннгенлени бёрю ашар.
  • Билимсиз иш бармаз.
  • Тау башында, тау болмаз, джангыз терек, бау болмаз.
  • Оюмсуз атлагъан, аджалсыз ёлюр.
  • Джарлы джети элни сёзюн этер.
  • Башынга джетмегенни сорма.
  • Уруну арты – къуру.
  • Кёб джашагъан – кёб билир.
  • Узун джолну барсанг, бюгюн келирсе, къысха джолну барсанг, тамбла келирсе.
  • Кесине оноу эте билмеген, халкъына да эте билмез.
  • Адам сёзюнден белгили.
  • Байны къызы баймакъ болса да, юйде къалмаз!
  • Элге къуллукъ этмеген, элге ие болмаз.
  • Ариу сёз джыланны орнундан чыгъарыр.
  • Къоркъакъны кёзю экили кёрюр.
  • Дууулдаса – бал чибин, къонса – къара чибин.
  • Арбаз сайлама да, хоншу сайла.
  • Алтыда кюлмеген, алтмышда кюлмез.
  • Кёзю сокъурдан – къоркъма, кёлю сокъурдан – къоркъ.
  • Тойгъандан сора, ашны сёкме.
  • Сакъ юйюне сау барыр.
  • Иги сеники эсе да, сюйген кесимикин этеме.
  • Халкъны юйю – туугъан джери.
  • Айтхан – тынч, этген – къыйын.
  • Билмезни кёзю кёрмез, этмезни къулагъы эшитмез.

Аудио

Габаев Тенгиз

Файлов: 54

Обновлен: 10.07.2017

  • Габаев Тенгиз Ата-Ана
(Голосов: 1, Рейтинг: 5)

Описание

Дата: 25.10.2012
Прослушиваний: 3363
Скачиваний: 362
Размер: 6.57 МБ
Текст песни:
музыка и стихи Исмаила Семенова

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей,
Джулдуз атлы, балдан татлы, ой анам!..

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Джулдуз атлы, балдан татлы, ой анам!..

Эки джылны акъ сютюнгю ичирдинг,
Ешюнюнгю тёшек этиб ёсдюрдюнг,
Алай-эте талай джылгъа джетдирдинг,
Джулдуз атлы, балдан татлы, ой анам!

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг –
Джанкъылычдан нюр таякъла къакъгъанча...

Элден энчи ат атаенг атыма...
Джанауалда мен болмадым къатынгда,
Джаш тюрсюнюнг агъармагъан чачынгда...
Джулдуз атлы, балдан татлы, ой анам!

Джыллыкъ джолдан келир эдим кёрюрге,
Санга, анам, олджан салам берирге,
Разылыгъынгы алыб ёлюрге...
Джулдуз атлы, балдан татлы, ой анам!..

Кече ёмюрюм бир къарангы тёбеди,
Кюн ёмюрюм джюзюб кетген кемеди,
Ёлюм деген хар адамгъа тёреди...
Джулдуз атлы, балдан татлы, ой анам!

Комментарии (1)

    Джаратама0
    Бурханаддин
    25.03.2015 23:16:31
    АЛЛАh разы болсун Тенгиз.Сени булбул ауузынъ адамланы джуреклерине дарман болсун.
    Ссылка
    • Зарегистрируйтесь чтобы пользоваться плейлистом.