Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Джюрек кёзден алгъа кёрюр.
  • Чомарт къолда мал къалмаз.
  • Айтхан – тынч, этген – къыйын.
  • Сабий кёргенин унутмаз.
  • Ёзденликни джайгъан – джокълукъ.
  • Биреу ашаб къутулур, биреу джалаб тутулур.
  • Уруну арты – къуру.
  • Мадар болса, къадар болур.
  • Илму – джашауну джолу.
  • Ашлыкъны арба юйге келтирир, чана базаргъа элтир.
  • Тюзлюк шохлукъну бегитир.
  • Къайтырыкъ эшигинги, къаты уруб чыкъма.
  • Татлы сёз – балдан татлы.
  • Джукъу тёшек сайламайды.
  • Элни кючю – эмеген.
  • Аллахдан тилесенг, кёб тиле.
  • Телини эшигин, махтау джабар.
  • Ишин билген, аны сыйын чыгъарады.
  • Биреу къой излей, биреу той излей.
  • Ойнай билмеген, уруб къачар.
  • Мен да «сен», дейме, сен да «кесим», дейсе.
  • Кеси юйюмде мен да ханма.
  • Къарнынг бла ёч алма.
  • Бек ашыкъгъан меннге джетсин, дегенди аракъы.
  • Нарт сёз – тилни бети.
  • Атлыны кёрсе, джаяуну буту талыр.
  • Ана – юйню кюн джарыгъы.
  • Юй ишлеген балта эшикде къалыр.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Тулпарлыкъ, билекден тюл – джюрекден.
  • Атадан ёксюз – бир ёксюз, анадан ёксюз – эки ёксюз.
  • Сабийни джумушха джибер да, ызындан бар.
  • Азыкълы ат арымаз, къатыны аман джарымаз.
  • Хоншуну тауугъу къаз кёрюнюр, келини къыз кёрюнюр.
  • Тыш элде солтан болгъандан эсе, кесинги элде олтан болгъан игиди!
  • Джылкъыдан – ат чыгъар, тукъумдан – джаш чыгъар.
  • Къобан да къуру да къобханлай турмайды, адам да къуру да патчахлай турмайды.
  • Насыблы элин сюер, насыбсыз кесин сюер.
  • Гугурук къычырмаса да, тангны атары къалмаз.
  • Байлыкъ тауусулур, билим тауусулмаз.
  • Ёнгкюч къууана барыр, джылай келир.
  • Сёз – кюмюш, джыр – алтын.
  • Этни бети бла шорпасы.
  • Дуния аламаты сен эсенг да, игиме деб айтма.
  • Бёрю да ач къалмасын, эчки да ашалмасын.
  • Олтуруб кёрюнмей эди да, ёрге туруб кёрюне эди.
  • Тёгюлген тюгел джыйылмайды.
  • Къатыны харакетли болса, эри къымсыз болур.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ариу джол аджал келтирмез.

Аудио

Узденов Альберт

Файлов: 48

Обновлен: 06.07.2017

  • Узденов Альберт Не хайыр
(Голосов: 5, Рейтинг: 4.8)

Описание

Дата: 02.11.2012
Прослушиваний: 3027
Скачиваний: 918
Размер: 5.77 МБ
Текст песни:
муз. и сл. Альберта Узденова

Джити балтадан не хайыр, темири къурчдан болмаса?
Джыртыкъ гыбытдан не хайыр, ичи айрандан толмаса?

Хагок аджирден не хайыр, чабыб чарслада, озмаса?
Басхан парийден не хайыр, келген гудуну къабмаса?

Кёкде булутдан не хайыр, ол джангур болуб, джаумаса?
Кука келинден не хайыр, туруб ийнекни саумаса?

Аштапир эрден не хайыр, бет къаны нюрден толмаса?
Санлы кишиден не хайыр, къатыны разы болмаса?

Ариу къызчыкъдан не хайыр, намысын сакълаб турмаса?
Джигит джашчыкъдан не хайыр, джуртну душманын урмаса?

Билек кючден, айт, не хайыр, акъылы толу джетмесе?
Акъыл токъмакъдан не хайыр, халкъына джумуш этмесе?

Комментариев нет

  • Зарегистрируйтесь чтобы пользоваться плейлистом.