Расширенный поиск
19 Мая 2026 года
Логин: Регистрация
Пароль: Забыли пароль?
Навигация
Словарь
  • Окъугъан – асыу, окъумагъан – джарсыу.
  • Тик ёргени, тик энгишгеси да болады.
  • Хар адамгъа кеси миннген тау кибик.
  • Къолунгдан къуймакъ ашатсанг да, атаны борчундан къутулмазса.
  • Келинин тута билмеген, къул этер, къызын тута билмеген, тул этер.
  • Игини сыйлагъан адетди.
  • Агъач – джерни чырайы, кийим – эрни чырайы.
  • Тамчы таш тешер.
  • Сабий болмагъан джерде, мёлек болмаз.
  • Зарда марда джокъ.
  • Чакъырылмагъан къонакъ тёрге атламаз.
  • Сабийликде юретмесенг, уллу болса – тюзелмез.
  • Байдан умут эте, джарлыдан ёгюз багъасы къорады.
  • Бир абыннган – минг сюрюнюр.
  • Тюз сёз баргъан сууну тыяр.
  • Кёзден кетген, кёлден да кетеди.
  • Нёгерсизни джолу узун.
  • Ашхы адам – халкъ байлыгъы, ашхы джер – джашау байлыгъы.
  • Алма терегинден кери кетмез.
  • Окъугъан озар, окъумагъан тозар.
  • Суугъа – чабакъ, къаягъа – ыргъакъ.
  • Къызны минг тилер, бир алыр.
  • Ариу сёз аурууунгу алыр.
  • Нарт сёз – тилни бети.
  • Айыбны суу бла джууалмазса.
  • Аш иеси бла татлыды.
  • Къыз тиширыу кеси юйюнде да къонакъды.
  • Татлы тилде – сёз ариу, чемер къолда – иш ариу.
  • Тойгъан джерден туугъан джер игиди.
  • Аллахха ийнаннган кишини, Аллах онгдурур ишин.
  • Джаш болсун, къыз болсун, акъылы, саны тюз болсун.
  • Адамны аты башхача, акъылы да башхады.
  • Гитче джилтин уллу элни джандырыр.
  • Адам туугъан джеринде, ит тойгъан джеринде.
  • Айранын берсенг, челегин да къызгъанма.
  • Тёгюлген тюгел джыйылмайды.
  • Къалгъан ишге къар джауар.
  • Аш кетер да бет къалыр.
  • Ач къарынны, токъ билмез
  • Къарны аманнга къазан такъдырма, къолу аманнга от джакъдырма.
  • Ишни аллы бла къууанма да, арты бла къууан.
  • Чомартха Тейри да борчлуду.
  • Бозаны арты дауур болур.
  • Къонакъ хазыр болгъанлыкъгъа, къонакъбай хазыр тюлдю.
  • Мал ёлсе, сюек къалыр, адам ёлсе, иши къалыр.
  • От этилмеген джерден тютюн чыкъмайды.
  • Арбаз сайлама да, хоншу сайла.
  • Аманны къуугъан, аманлыкъ табар.
  • Къарнынг тойгъунчу аша да, белинг талгъынчы ишле.
  • Биреуню эскиси биреуге джангы болмайды.

Аудио

Узденов Сапар

Файлов: 22

Обновлен: 06.07.2017

  • Узденов Сапар Къарт атамы джери
(Голосов: 3, Рейтинг: 5)

Описание

Дата: 10.11.2012
Прослушиваний: 1790
Скачиваний: 329
Размер: 5.57 МБ
Текст песни:
муз. и сл. Сапара Узденова

Къарт атамы атасыны
Белляуун эшитирге Хурзукгъа
Мен келгенме, ма къарайма
Сейирсиниб сейир джуртуна.

Тауланы башлары,
Хурзукну къартлары
Бир кёб затны салалла эсге.
Сылайма бетими,
Къысама кесими
Къарт атамы ёсдюрген джерге.

Миийк кёкге тиреу болуб
Агъаралла къыблада таула.
Къобан суу да келед кём-кёк,
Хыралдаб, баргъан кибик джаугъа.

Кетгенле заманла.
Ёлгенле адамла.
Биягъынлай а турад Хурзук.
Кюнню джарыгъы да,
Айны джарыгъы да
Этмейди бу нарт джуртха джутлукъ.

Тау ёзенде, бек мийикде,
Орналыбды аккамы эли.
Аман кюнле узакъдалла,
Кёрюнмейди насыбны чеги.

Халкъымы джазыуу,
Аккамы белляуу –
Бары да тууралла джюрекге.
Къууанчлы болсам да,
Бетими джабсам да,
Джыламукъ келеди кёзлеге. 

Комментариев нет

  • Зарегистрируйтесь чтобы пользоваться плейлистом.