Расширенный поиск
24 Июня 2026 года
Логин: Регистрация
Пароль: Забыли пароль?
Навигация
Словарь
  • Айырылмаз джууугъунга, унутмаз сёзню айтма.
  • Келлик заман – къартлыкъ келтирир, кетген заман – джашлыкъ ёлтюрюр.
  • Ичимден чыкъды хата, къайры барайым сата?
  • Телиге от эт десенг, юйюнге от салыр.
  • Шайтан алдады, тюзлюк къаргъады.
  • Тойгъан джерден туугъан джер игиди.
  • Ёлген ийнек сютлю болур.
  • Илму – джашауну джолу.
  • Хар зат кесини орнуна иги.
  • Эки итни арасына сюек атма, эки адамны арасында сёз чыгъарма.
  • Джарлы тюеге минсе да, ит къабар.
  • Ауругъаннга – кийик саулукъ, джетген къызгъа – чилле джаулукъ.
  • Мал кёб болса, джууукъ кёб болур.
  • Зар адам ашынгы ашар, кесинги сатар.
  • Берекет берсин деген джерде, берекет болур.
  • Кёзден кетген, кёлден да кетеди.
  • Кютгени беш эчки, сызгъыргъаны уа, джерни джарады.
  • Таякъ этден ётер, тил сюекден ётер.
  • Джаз бир кюнню джатсанг, къыш талай кюнню абынырса.
  • Ачыкъ джюрекге джол – ачыкъ.
  • Ханнга да келеди хариблик.
  • Таукел адам тау тешер.
  • Мухардан ач ычхынмаз.
  • Джумушакъ терекни къурт ашар.
  • Келинни – келгинчи, бёркню кийгинчи кёр.
  • Керти сёзге тёре джокъ.
  • Эртде тургъан джылкъычыны эркек аты тай табар.
  • Эллинг бла джау болсанг да, юйюнг бла джау болма.
  • Болджал ишни бёрю ашар.
  • Сакъалы текени да бар, мыйыгъы киштикни да бар.
  • Ач отунчуну ачыуу – бурнунда.
  • Байлыкъ болгъан джерде, тынчлыкъ джокъду.
  • Тешигини къатында, чычхан да батыр болур.
  • Аууз сакълагъан – джан сакълар.
  • Кийиминг бла танылма, адамлыкъ бла таныл.
  • Акъыл неден да кючлюдю.
  • Къайгъы тюбю – тенгиз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Арбаз къынгырды да, ийнек сауалмайма.
  • Эл ауузу – элия.
  • Акъыл бла адеб эгизледиле.
  • Кёб ант этген, кёб ётюрюк айтыр.
  • Джети тилни билген джети кишиди.
  • Тамбла алтындан бюгюн багъыр ашхы.
  • Чакъырылмай келген къонакъ сыйланмай кетер.
  • Тил джюрекге джол ишлейди.
  • Ишни аллы бла къууанма да, арты бла къууан.
  • Ашлыкъны арба юйге келтирир, чана базаргъа элтир.
  • Адамгъа аман кюн соруб келмейди.
  • Аманнга алтын чыдамаз.

Аудио

Узденов Сапар

Файлов: 22

Обновлен: 06.07.2017

  • Узденов Сапар Къарт атамы джери
(Голосов: 3, Рейтинг: 5)

Описание

Дата: 10.11.2012
Прослушиваний: 1801
Скачиваний: 329
Размер: 5.57 МБ
Текст песни:
муз. и сл. Сапара Узденова

Къарт атамы атасыны
Белляуун эшитирге Хурзукгъа
Мен келгенме, ма къарайма
Сейирсиниб сейир джуртуна.

Тауланы башлары,
Хурзукну къартлары
Бир кёб затны салалла эсге.
Сылайма бетими,
Къысама кесими
Къарт атамы ёсдюрген джерге.

Миийк кёкге тиреу болуб
Агъаралла къыблада таула.
Къобан суу да келед кём-кёк,
Хыралдаб, баргъан кибик джаугъа.

Кетгенле заманла.
Ёлгенле адамла.
Биягъынлай а турад Хурзук.
Кюнню джарыгъы да,
Айны джарыгъы да
Этмейди бу нарт джуртха джутлукъ.

Тау ёзенде, бек мийикде,
Орналыбды аккамы эли.
Аман кюнле узакъдалла,
Кёрюнмейди насыбны чеги.

Халкъымы джазыуу,
Аккамы белляуу –
Бары да тууралла джюрекге.
Къууанчлы болсам да,
Бетими джабсам да,
Джыламукъ келеди кёзлеге. 

Комментариев нет

  • Зарегистрируйтесь чтобы пользоваться плейлистом.