Расширенный поиск
26 Июня 2026 года
Логин: Регистрация
Пароль: Забыли пароль?
Навигация
Словарь
  • Джиби бир къат джетмей эди да, эки къат тарта эди.
  • Душманны тышы – акъ, ичи – къара.
  • Чомарт къонакъ юй иесин сыйлар.
  • Ургъан суудан башынгы сакъла.
  • Кесине оноу эте билмеген, халкъына да эте билмез.
  • Аманны къуугъан, аманлыкъ табар.
  • Дуния мал дунияда къалады.
  • Эл элде бирер малынг болгъандан эсе, бирер тенгинг болсун.
  • Тойгъанлыкъ къойгъа джарашады.
  • Бозанг болмагъан джерге, къалагъынгы сукъма.
  • Башда акъыл болмаса, эки аякъгъа кюч джетер.
  • Ишленмеген джаш – джюгенсиз ат, ишленмеген къыз – тузсуз хант.
  • Тай асырагъан, атха минер.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Юреннген ауруу къалмаз.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Бети къызарыучу адамны, джюреги харам болмаз.
  • Ашарыкъда сайлагъаннга – чий гырджын.
  • Къартны сыйын кёрмеген, къартлыгъында сыйлы болмаз.
  • Джырчы джырчыгъа – къарнаш.
  • Игини сыйлагъан адетди.
  • Къозулугъунда тоймагъан, къойлугъунда тоймаз.
  • Иги сёз – джаннга азыкъ, аман сёз башха – къазыкъ.
  • Чакъырылмагъан джерге барма, чакъырылгъан джерден къалма.
  • Телиге от эт десенг, юйюнге от салыр.
  • Эл бла кёргенинг эрелей.
  • Ач келгенни – тойдур, кеч келгенни – къондур.
  • Ач отунчуну ачыуу – бурнунда.
  • Сабий болмагъан джерде, мёлек болмаз.
  • Дуния аламаты сен эсенг да, игиме деб айтма.
  • Билимсиз иш бармаз.
  • Юй ишлеген балта эшикде къалыр.
  • Керек ташны ауурлугъу джокъ.
  • Къатыны харакетли болса, эри къымсыз болур.
  • Билмегенинги, билгеннге сор.
  • Юйюнг бла джау болгъандан эсе, элинг бла джау бол.
  • Онгсузну – джакъла, тенгликни – сакъла.
  • Аллахха ийнаннган кишини, Аллах онгдурур ишин.
  • Ишни аллы бла къууанма да, арты бла къууан.
  • Ёлмесенг да, къарт дамы болмазса?
  • Чыбыкълыкъда бюгюлмеген, къазыкълыкъда бюгюлмей эди.
  • Ана – юйню кюн джарыгъы.
  • Джангызны оту джарыкъ джанмаз!
  • Бети бедерден, намыс сакълама.
  • Ашаса, ашамаса да, бёрюню ауузу – къан.
  • Джолда аягъынга сакъ бол, ушакъда тилинге сакъ бол.
  • Ёлген эшек бёрюден къоркъмайды.
  • Мухардан ач ычхынмаз.
  • Намыс болмагъан джерде, насыб болмаз.
  • Джылар джаш, атасыны сакъалы бла ойнар.

Аудио

Узденов Аслан

Файлов: 4

Обновлен: 06.07.2017

  • Узденов Аслан Юч ёзен
(Голосов: 2, Рейтинг: 5)

Описание

Дата: 04.12.2012
Прослушиваний: 1972
Скачиваний: 112
Размер: 9.37 МБ
Текст песни:
муз. и сл. Альберта Узденова

Кюнню тюбю, джерни башы дунияда,
Ариулукъну сейир джурту - Учкулан,
Джулдузлагъа тие-тие тауларынг,
Джюрегингде джырлаб келген кёк Къобан.

Эки джанынг тизгин-тизгин тийреле, ой, тийреле,
Кёз алдарча ариу-ариу бёлюнюб,
Биченликле, таш хунала, тёбеле,
Урунууну ёмюр ызы кёрюнюб.

Къалай тазад ёзенинги хауасы,
Артыкъсыз да нарат ийис, тау эртден,
Бютюн сейир Махар сууну гарасы,
Аууругъанны ёмюрлюкге сау этген.

Мен да сени тыбырынгда туугъанма,
Киндигими ахлуларым кесгенле.
Суунг бла санларымы джуугъанла,
Чынг тёрюнгде эрке болуб ёсгенме.

Учкуланны анам кибик кёргенме,
Туугъанлы да балсытама мен аны.
Хурзукну да, Къартджуртну да сюеме
Эгечлерим сюйген кибик анамы. 

Комментариев нет

  • Зарегистрируйтесь чтобы пользоваться плейлистом.