Расширенный поиск
9 Сентября 2026 года
Логин: Регистрация
Пароль: Забыли пароль?
Навигация
Словарь
  • Кютгени беш эчки, сызгъыргъаны уа, джерни джарады.
  • Ариу джол аджал келтирмез.
  • Къыйынлы джети элни къайгъысын этер.
  • Айранны сюйген, ийнек тутар.
  • Къазанчы аман болса, къазаны къайнамаз.
  • Ачылгъан эт джабылыр, кёрген кёз унутмаз.
  • Ачлыкъ отха секиртир.
  • Орну джокъну – сыйы джокъ.
  • Ушамагъан – джукъмаз.
  • Башы ишлегенни, ауузу да ишлер.
  • Иги сеники эсе да, сюйген кесимикин этеме.
  • Рысхы джалгъанды: келген да этер, кетген да этер.
  • Суугъа – чабакъ, къаягъа – ыргъакъ.
  • Тулпарлыкъ, билекден тюл – джюрекден.
  • Ана къолу ачытмаз.
  • Таш ата билмеген, башына урур.
  • Тешик этген тынчды, аны джамагъан къыйынды.
  • Ашда – бёрю, ишде – ёлю.
  • Битмегеннге сакъал – танг.
  • Артына баргъанны, къатына барма.
  • Ата Джуртуму башы болмасам да, босагъасында ташы болайым.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Иги джашны ышаны – аз сёлешиб, кёб тынгылар.
  • Тил – кесген бычакъ, сёз – атылгъан окъ.
  • Оюмсуз атлагъан, аджалсыз ёлюр.
  • Халкъгъа джарагъан, джарлы къалмаз.
  • Къонакъ хазыр болгъанлыкъгъа, къонакъбай хазыр тюлдю.
  • Джан саулукъ бермей, сан саулукъ бермезсе.
  • Азыгъы аз, алгъа къабар, аты аман, алгъа чабар.
  • Тойгъан джерге джети къайт.
  • Ашаса, ашамаса да, бёрюню ауузу – къан.
  • Кийим тукъум сордурур.
  • Чакъырылгъанны аты, чакъырылмагъанны багъасы болур.
  • Кесинге джетмегенни, кёб сёлешме.
  • Керти сёзге тёре джокъ.
  • Ауругъан – джашаудан умутчу.
  • Чёбню кёлтюрсенг, тюбюнден сёз чыгъар.
  • Этек чакъмакълары баш джаргъан, сёлешген сёзлери таш джаргъан.
  • Тели турса – той бузар.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ишлегенден, къарагъан уста.
  • Джахил болса анасы, не билликди баласы?
  • Ашхы – джыяр, аман – джояр.
  • Терслик кетер, тюзлюк джетер.
  • Ашыкъгъан cуу, тенгизге джетмез.
  • Чомарт бергенин айтмаз.
  • Байлыкъ болгъан джерде, тынчлыкъ джокъду.
  • Джангыз терек къынгыр ёсер.
  • Телиге акъыл салгъандан эсе, ёлгеннге джан салырса.
  • Кеси юйюмде мен да ханма.

Аудио

Узденов Аслан

Файлов: 4

Обновлен: 06.07.2017

  • Узденов Аслан Юч ёзен
(Голосов: 2, Рейтинг: 5)

Описание

Дата: 04.12.2012
Прослушиваний: 2015
Скачиваний: 112
Размер: 9.37 МБ
Текст песни:
муз. и сл. Альберта Узденова

Кюнню тюбю, джерни башы дунияда,
Ариулукъну сейир джурту - Учкулан,
Джулдузлагъа тие-тие тауларынг,
Джюрегингде джырлаб келген кёк Къобан.

Эки джанынг тизгин-тизгин тийреле, ой, тийреле,
Кёз алдарча ариу-ариу бёлюнюб,
Биченликле, таш хунала, тёбеле,
Урунууну ёмюр ызы кёрюнюб.

Къалай тазад ёзенинги хауасы,
Артыкъсыз да нарат ийис, тау эртден,
Бютюн сейир Махар сууну гарасы,
Аууругъанны ёмюрлюкге сау этген.

Мен да сени тыбырынгда туугъанма,
Киндигими ахлуларым кесгенле.
Суунг бла санларымы джуугъанла,
Чынг тёрюнгде эрке болуб ёсгенме.

Учкуланны анам кибик кёргенме,
Туугъанлы да балсытама мен аны.
Хурзукну да, Къартджуртну да сюеме
Эгечлерим сюйген кибик анамы. 

Комментариев нет

  • Зарегистрируйтесь чтобы пользоваться плейлистом.