Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Аманнга алтын чыдамаз.
  • Акъдан къара болмаз.
  • «Ма», - дегенни билмесенг, «бер», - дегенни билмезсе.
  • Аякъларынгы джууургъанынга кёре узат.
  • Келинни – келгинчи, бёркню кийгинчи кёр.
  • Алим болгъандан эсе, адам болгъан къыйынды.
  • Сагъыш – къартлыкъгъа сюйюмчю.
  • Башда акъыл болмаса, эки аякъгъа кюч джетер.
  • Адам къаллай бир ишленмесе, аллай бир кесин уллу кёреди.
  • Баш болса, бёрк табылыр.
  • Башланнган иш битер, къымылдагъан тиш тюшер.
  • Къартны бурнун сюрт да, оноугъа тут.
  • Къонакъ болсанг, ийнакъ бол.
  • Иги сеники эсе да, сюйген кесимикин этеме.
  • Сабийликде юретмесенг, уллу болса – тюзелмез.
  • Чоюнну башы ачыкъ болса, итге уят керекди.
  • Ариу – кёзге, акъыл – джюрекге.
  • Кийимни бичсенг, кенг бич, тар этген къыйын тюлдю.
  • Айныгъанлы алты кюн, тогъайгъанлы тогъуз кюн.
  • Арпа, будай – ащды, алтын, кюмюш а – ташды.
  • Адебни адебсизден юрен.
  • Чакъырылмагъан къонакъ тёрге атламаз.
  • Башсыз урчукъ тюзюне айланмаз.
  • Алтыннга тот къонмаз.
  • Биреу къой излей, биреу той излей.
  • Байлыкъ адамны сокъур этер.
  • Этек чакъмакълары баш джаргъан, сёлешген сёзлери таш джаргъан.
  • Къарнынг ауруса, ауузунгу тый
  • Суугъа – чабакъ, къаягъа – ыргъакъ.
  • Джыланны къуйругъундан басарынг келсе, аны башы болгъанын унутма.
  • Ишни ахырын ойламай, аллын башлама.
  • Ариу сёз аурууунгу алыр.
  • Адеби болмагъан къыз – тузсуз хант.
  • Хантына кёре тузу, юйюне кёре къызы.
  • Юйюнг бла джау болгъандан эсе, элинг бла джау бол.
  • Айтхан – тынч, этген – къыйын.
  • Гугук кесини атын айтыб къычыргъанча, мен, мен деб нек тураса?
  • Окъугъан озар, окъумагъан тозар.
  • Бичгенде ашыкъма, тикгенде ашыкъ.
  • Джангызны оту джарыкъ джанмаз!
  • Окъуусуз билим – джокъ, билимсиз кюнюнг – джокъ.
  • Къолу уллу – асыу, аягъы уллу – джарсыу.
  • Намыс сатылыб алынмайды.
  • Гитче джилтин уллу элни джандырыр.
  • Гугурук къычырмаса да, тангны атары къалмаз.
  • Келлик заман – къартлыкъ келтирир, кетген заман – джашлыкъ ёлтюрюр.
  • Къазанда болса, чолпугъа чыгъар.
  • Хар сёзню орну барды.
  • Къонакъ кёб келюучю юйню, къазаны отдан тюшмез.
  • Эл элде бирер малынг болгъандан эсе, бирер тенгинг болсун.

Аудио

Узденов Сапар

Файлов: 22

Обновлен: 06.07.2017

  • Узденов Сапар Алгъыш
(Голосов: 7, Рейтинг: 4.86)

Описание

Дата: 05.12.2012
Прослушиваний: 3802
Скачиваний: 1641
Размер: 6.69 МБ
Текст песни:
муз. и сл. Сапара Узденова

Къартларыбыз аз болгъандан,
Къабырлада кёб болгъандан
Джангы джыл, тилейме, сен сакъла!
Акъ айрандан эрикгенден, 
Тауларыбыз эригенден,
Джангы джыл, тилейме, сен сакъла!

Припев: 
Мен сенден бир бек тилейме, 
Ол болурун бек излейме -
Акъ къарынг бла насыбны бир чач.
Тебмесинле тауларыбыз, ёлмесинле къартларыбыз, 
Тургъаныча турсун таш-агъач.

Адам къыйын ашагъандан,
Тюрленмейин джашагъандан, 
Джангы джыл, тилейме, сен сакъла!
Къарачайым ач болгъандан,
Къобаныбыз джокъ болгъандан,
Джангы джыл, тилейме, сен сакъла!

Припев. 

Джашлыкъ кюнню бош ийгенден, Сюеринги сюймегенден, 
Джангы джыл, тилейме, сен сакъла!
Таулу атны джокъ этгенден,
Кюн джарыкъны сезмегенден,
Джангы джыл, тилейме, сен сакъла!

Припев.

Комментариев нет

  • Зарегистрируйтесь чтобы пользоваться плейлистом.