Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Къонакъны къачан кетерин сорма, къачан келлигин сор.
  • Берекет берсин деген джерде, берекет болур.
  • Къарнынг ауруса, ауузунгу тый
  • Айран тёгюлсе, джугъусу къалыр.
  • Кютгени беш эчки, сызгъыргъаны уа, джерни джарады.
  • Аманнга игилик этсенг, юйюнге сау бармазса.
  • Эрни эр этерик да, къара джер этерик да, тиширыуду.
  • Сабий кёргенин унутмаз.
  • Кюн – узун, ёмюр – къысха.
  • Босагъагъа джууукъ орун болса, ашыгъыб тёрге озма.
  • Адамны сабийин сюйген джюреги, бычакъча, джитиди.
  • Уллу къашыкъ эрин джыртар.
  • Чакъырылмагъан къонакъ – орунсуз.
  • Дженгил джетерикме деб, узун джолну къоюб, къысхасын барма.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Миллетни бойну – базыкъ, аны бла кюрешген – джазыкъ.
  • Джылыгъа джылан илешир.
  • Ёгюзню мюйюзюнден тутадыла, адамны сёзюнден тутадыла.
  • Къралынгы – душмандан, башынгы от бла суудан сакъла.
  • Ат да турмайды бир териде.
  • Юреннген ауруу къалмаз.
  • Тёгюлген тюгел джыйылмайды.
  • Айранын берсенг, челегин да къызгъанма.
  • Халкъны джырын джырласанг, халкъ санга эжиу этер.
  • Баш – акъыл ючюн, акъылман – халкъ ючюн.
  • Бойнуму джети джерден кессенг да, мен ол ишни этеллик тюлме.
  • Ариу сёз – къылычдан джити.
  • Билмегенинги, билгеннге сор.
  • Тыш элде солтан болгъандан эсе, кесинги элде олтан болгъан игиди!
  • Ашхы – джыяр, аман – джояр.
  • Эрине къаргъыш этген къатын, эрнин къабар.
  • Тойну къарнашы – харс, джырны къарнашы – эжиу.
  • Аман адам этегингден тутса, кес да къач.
  • Таукел къуру къалмаз.
  • Аш хазыр болса, иш харам болур.
  • Игини сыйлагъан адетди.
  • Къайгъыны сюйген, къайгъы табар.
  • Тин – байлыгъынг, терен саулугъунг.
  • Магъанасыз сёз – тауушсуз сыбызгъы.
  • Суу ичген шауданынга тюкюрме.
  • Байдан умут эте, джарлыдан ёгюз багъасы къорады.
  • Ариу джол аджал келтирмез.
  • Айыбны суу бла джууалмазса.
  • Намыс сатылыб алынмайды.
  • Адебни адебсизден юрен.
  • Къатын къылыкъсыз, эр тынчлыкъсыз.
  • Нарт сёз – тилни бети.
  • Къартха ушагъан джаш – акъыллы, джашха ушагъан къарт – тели.
  • От этилмеген джерден тютюн чыкъмайды.
  • Бастасын ашагъан, хантусун да ичер.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 3517
Скачиваний: 179
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.