Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Къонакъ аман болса, къонакъбай джунчур
  • Кёз – сюйген джерде, къол – ауругъан джерде.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ким бла джюрюсенг, аны кёзю бла кёрюнюрсе.
  • Чакъырылмагъан къонакъ тёрге атламаз.
  • Сёз – кюмюш, джыр – алтын.
  • Ауругъаннга – кийик саулукъ, джетген къызгъа – чилле джаулукъ.
  • Тулпарлыкъ, билекден тюл – джюрекден.
  • Ашхы – джыяр, аман – джояр.
  • Эл ауузу – элия.
  • Тынгылагъан тынгы бузар.
  • Ауузу аманнга «иги», деме.
  • Аманны тукъумуна къарама, игини тукъумун сорма.
  • Ёмюрлюк шохлукъну джел элтмез.
  • Окъуусуз билим – джокъ, билимсиз кюнюнг – джокъ.
  • Джумушакъ терекни къурт ашар.
  • Чомарт джарлы болмаз.
  • Джиби бир къат джетмей эди да, эки къат тарта эди.
  • Ётюрюкню къуйругъу – бир тутум.
  • Арбаз сайлама да, хоншу сайла.
  • Джаралыны джастыгъында сау ёлюр.
  • Чабакъ башындан чирийди.
  • Аман хансны – урлугъу кёб.
  • Бастасын ашагъан, хантусун да ичер.
  • Ач къарынны, токъ билмез
  • Ишленмеклик адамлыкъды.
  • Аман адамны тепсинге олтуртсанг, къызынгы тилер.
  • Дуния аламаты сен эсенг да, игиме деб айтма.
  • Ауузу бла къуш тута айланады.
  • Душманны тышы – акъ, ичи – къара.
  • Адебсиз адам – джюгенсиз ат.
  • Ишни аллы бла къууанма да, арты бла къууан.
  • Малны кют, джерни тюрт.
  • Азыкълы ат арымаз, къатыны аман джарымаз.
  • Къан бла кирген, джан бла чыгъар.
  • Тау башында, тау болмаз, джангыз терек, бау болмаз.
  • Ашхылыкъ джерде джатмайды, аманлыкъ суугъа батмайды.
  • Билим ат болуб да чабар, къуш болуб да учар.
  • Керек ташны ауурлугъу джокъ.
  • Эркишини аманы тиширыуну джылатыр.
  • Ачыкъ джюрекге джол – ачыкъ.
  • Босагъа таш юйге кирмей эди, тыбыр таш эшикге чыкъмай эди.
  • Чомартны къолун джокълукъ байлар.
  • Тёрдеги кюлсе, эшикдеги ышарыр.
  • Хоншуну тауугъу къаз кёрюнюр, келини къыз кёрюнюр.
  • Айтхан – тынч, этген – къыйын.
  • Аджаллыгъа окъсуз шкок атылыр.
  • Къонакъ аз олтурур, кёб сынар.
  • Къазанда болса, чолпугъа чыгъар.
  • Кёбню кёрген – кёб билир.

Аудио

Отаров Омар

Файлов: 265

Обновлен: 06.07.2017

  • Отаров Омар Акътамакъ
(Голосов: 3, Рейтинг: 5)

Описание

Дата: 17.12.2012
Прослушиваний: 3072
Скачиваний: 1302
Размер: 7.95 МБ
Текст песни:
музыка и стихи Исмаила Семенова (Джырчы Сымайыла)

...Кел, мин, ариу, файтоннга, 
Байду да минер биргенге. 
Эй, мен джюз файтоннга буйрукъ бергенме 
Сени биргенге тебрерге. 

Джюз файтон бла барырем, 
Юйюнгю аллына джол салыб, 
Эй, отоу терезеден бир къарагъыем, 
Эки джан сюекге къол салыб. 

Къаяда къаплан джатханлай, 
Къамагъа бычакъ такъгъанлай, 
Эй, джазыуунг джетсе, келиб къалырса 
Джалан аякълай, чабханлай, 

Мен таугъа тогъай салмасам, ариу, 
Тюзде файтон бла бармасам, 
Эй, ёлсем, къабырым а эки джарылыр, 
Дуниямда сени алмасам. 

Кел, мин, ариу, фаитоннга, 
Хамут салгъанма сары атха, 
Эй, джай чилледе да безгек боллукъса, 
Алыб кетмесем наратха. 

Тюлкю бла турна уа шох эдиле, 
Ала тюз къамишде къош элле. 
Эй, тауда сюйгенле - ма биз экиси, 
Къалгъан сюйгенле бош элле. 

Бал чибиним бал этер, 
Къанатын джайыб кенг, кетер. 
Эй, аджал инбашда, болджал тау башда, 
Толу муратына ким джетер? 

Мен суу джоргъагъа минейим, ариу, 
Темирден кюбе киейим, 
Эй, этген тузагъыма аягъынга тюшюб, 
Амалсыз кюнюнге тюбейим. 

Тау артында джылкъыла, 
Эбзеде токълу къыркъыла. 
Эй, ариу, алакёзюм, къайдан келесе, 
Базар мамукълай сытыла? 

Тауну артында чилле сюргенме, 
Керекли болсанг, алырса. 
Эй, алтын челеклеринг, кюмюш суу агъачынг, 
Эриксенг, суугъа барырса. 

Кел, мин, ариу, фаитоннга, 
Да къобуз согъа, чайкъала. 
Эй, сол джанынгда кесим барлыкъма, 
Сорсанг а, джууаб къайтара. 

Ой, ариучугъум, къайдан келесе, 
Кесинг кесинги сюйдюрюб? 
Эй, алыб кетерикме ариу алакёзню, 
Автомобильге миндириб...

Комментарии (1)

    Джаратама0
    Bilal
    18.01.2013 07:06:21
    Бу джырны сёзлери, макъамы да Семенланы Сымайылныкъыдыла (Джырчы Сымайылны).
    Башха айтырым джокъду. Отар улу ариу джырлагъанына сёз джокъду, алай а, билгенле, джырын Сымайыл кеси кимден да ариу джырлагъанын айтадыла.
    Ссылка
    • Зарегистрируйтесь чтобы пользоваться плейлистом.