Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Бет бетге къараса, бет да джерге къарар.
  • Баш болса, бёрк табылыр.
  • Ач отунчуну ачыуу – бурнунда.
  • Атадан ёксюз – бир ёксюз, анадан ёксюз – эки ёксюз.
  • Ариу джол аджал келтирмез.
  • Эски джаугъа ышанма.
  • Эри аманны, къатыны – аман.
  • Тойгъа барсанг, тоюб бар, эски тонунгу къоюб бар.
  • Тилчи тилден къаныкъмаз.
  • Айранны сюйген, ийнек тутар.
  • Тюзню ётмеги тюзде къалса да, тас болмаз.
  • Къонакъ хазыр болгъанлыкъгъа, къонакъбай хазыр тюлдю.
  • Ким бла джюрюсенг, аны кёзю бла кёрюнюрсе.
  • Терек ауса, отунчу – кёб.
  • От кюйдюрген, сау болса да, тот кюйдюрген, сау болмаз.
  • Кёб джашагъан – кёб билир.
  • Къыйынлы джети элни къайгъысын этер.
  • Тил бла келеди джыр да.
  • Арбаз сайлама да, хоншу сайла.
  • Къыз тиширыу кеси юйюнде да къонакъды.
  • Хаухну атма, ёнгкючню сатма.
  • Ауузу аманнга «иги», деме.
  • Татлы сёз – балдан татлы.
  • Ауругъанны сау билмез, ач къарынны токъ билмез.
  • Къар – келтирди, суу – элтди.
  • Къарт бла баш аша, джаш бла аякъ аша.
  • Аманнга алтын чыдамаз.
  • Чёбню кёлтюрсенг, тюбюнден сёз чыгъар.
  • Ичимден чыкъды хата, къайры барайым сата?
  • Ханы къызы буюгъа-буюгъа киштик болду.
  • Эшекге миннген – биринчи айыб, андан джыгъылгъан – экинчи айыб.
  • Акъыл къартда, джашда тюйюлдю – башдады.
  • Бир онгсуз адам адет чыгъарды, деб эштирик тюлсе.
  • Къайгъы тюбю – тенгиз.
  • Аман адамны тепсинге олтуртсанг, къызынгы тилер.
  • Ишлегенде эринме, ишде чолакъ кёрюнме.
  • Адеб джокъда, намыс джокъ.
  • Кюл тюбюндеги от кёрюнмейди.
  • Татлы тилде – сёз ариу, чемер къолда – иш ариу.
  • Мураты болгъанны джюрек тебюую башхады.
  • Экеулен сёлеше тура эселе, орталарына барыб кирме.
  • Кёз – сюйген джерде, къол – ауругъан джерде.
  • Къулакъдан эсе, кёзге ышан.
  • Ашаса, ашамаса да, бёрюню ауузу – къан.
  • Джашлыкъ этмеген, башлыкъ этмез.
  • Сакъалы текени да бар, мыйыгъы киштикни да бар.
  • Иши джокъну, сыйы джокъ.
  • Биреуню эскиси биреуге джангы болмайды.
  • Иги сёз – джаннга азыкъ, аман сёз башха – къазыкъ.
  • Бойнуму джети джерден кессенг да, мен ол ишни этеллик тюлме.

Аудио

Чомаев Расул

Файлов: 2

Обновлен: 06.07.2017

  • Чомаев Расул Анам
(Нет голосов)

Описание

Дата: 15.03.2013
Прослушиваний: 2328
Скачиваний: 111
Размер: 3.18 МБ
Текст песни: ногайская песня на карачаево-балкарском

Анам, анам, кесинги аямайса,
Джашаудан арыдым деб, джыламайса.
Кеси ёмюрюнг къайгъыланы кёресе,
Акъ чачынгы къарагъа боямайса.

Анам, анам, кёз аллыма келесе,
Кёз аллымда джарыкъ болуб джюрюйсе.
Анам, анам, сен джумушакъ кюлесе,
Хар заманда къуанганны сюесе.

Тынчаймайса, бир кюнню тынчаймайса,
Кесинг ючюн бир кесек джашамайса.
Джангызлыкъла джар суулагъа турсунмай,
Ана джюрек, джылыуну къызгъанмайса.

Анам, анам, къолларынгы алама,
Къолларынгы джюрегиме салама.
Ол заманда къайгъыланы унутуб,
Кёзлерими ачаргъа мен къоркъама.

Аямайса кесинги, аямайса,
Алгъа бара, ызынга къарамайса.
Бизни ючюн джаныб тургъан джанынгы
Аямайса, ах, неге аямайса?

Комментариев нет

  • Зарегистрируйтесь чтобы пользоваться плейлистом.