Расширенный поиск
24 Июня 2026 года
Логин: Регистрация
Пароль: Забыли пароль?
Навигация
Словарь
  • Иги адам абынса да, джангылмаз.
  • Дуния аламаты сен эсенг да, игиме деб айтма.
  • Алгъанда – джууукъ, бергенде – джау.
  • Телини эшигин, махтау джабар.
  • Аджаллыгъа окъсуз шкок атылыр.
  • Ашда – бёрю, ишде – ёлю.
  • Эрни эр этерик да, къара джер этерик да, тиширыуду.
  • Аманнга да, игиге да оноусуз къатышма.
  • Урунуу – насыбны анасы.
  • Эринчекни аурууу – кёб.
  • Уллу къашыкъ эрин джыртар.
  • Чакъырылмагъан къонакъ къачан кетерин сормаз.
  • Аманнга игилик этсенг, юйюнге сау бармазса.
  • Татлы сёз – балдан татлы.
  • Аууздан келген, къолдан келсе, ким да патчах болур эди.
  • Элни кючю – эмеген.
  • Адамны аманы адамны бети бла ойнар.
  • Келинни – келгинчи, бёркню кийгинчи кёр.
  • Кёкдеги болмаса, джердегин кёрмейди.
  • Тёрдеги кюлсе, эшикдеги ышарыр.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Джукъу тёшек сайламайды.
  • Ишин билген, аны сыйын чыгъарады.
  • Аш берме да, къаш бер.
  • Арбаз сайлама да, хоншу сайла.
  • Айранын берсенг, челегин да къызгъанма.
  • Таугъа чыгъаллыкъ эсенг, тюзде къалма.
  • Ашарыкъда сайлагъаннга – чий гырджын.
  • Адам боллукъ, атламындан белгили болур.
  • Ауругъан – джашаудан умутчу.
  • Кесине оноу эте билмеген, халкъына да эте билмез.
  • Чомартха Тейри да борчлуду.
  • Садакъачыны джаны – къапчыгъында.
  • Тюзлюк тас болмайды.
  • Атлыны ашхысы, ат тизгининден билинир
  • Ашына кёре табагъы, балына кёре къалагъы.
  • Тилчи тилден къаныкъмаз.
  • Ачылгъан эт джабылыр, кёрген кёз унутмаз.
  • Джюрекден джюрекге джол барды.
  • Къарнынг бла ёч алма.
  • Игини сыйлагъан адетди.
  • Къарыусузгъа кюлме, онгсузгъа тийме.
  • Накъырда – кертини келечиси.
  • Сормай – алма, чакъырылмай – барма.
  • Насыблы элин сюер, насыбсыз кесин сюер.
  • Магъанасыз сёз – тауушсуз сыбызгъы.
  • Гугук кесини атын айтыб къычыргъанча, мен, мен деб нек тураса?
  • Джырына кёре эжиую.
  • Джаралыны джастыгъында сау ёлюр.
  • Ёлген аслан – сау чычхан.

Аудио

Отаров Омар

Файлов: 265

Обновлен: 06.07.2017

  • Отаров Омар Анам сакълама
(Голосов: 1, Рейтинг: 5)

Описание

Дата: 19.03.2013
Прослушиваний: 1886
Скачиваний: 1349
Размер: 9.06 МБ
Текст песни:
музыка Мустафира Жеттеева
стихи Иссы Боташева

Ой анам хариб, сен мени аллыма
Кёз къакъмай къарагъанлы азмы болду?
Джюрегинг ийнанмайд тас болгъаныма.
Огъурлу бетинг былай сазмы болду?

Анам хариб, джолгъа бош къараб турма.
Кир юйге, кёремисе кеч болгъанды?
Джюрегингде ашхы умутла къурма,
Джашынг солдат эд, солдатлай къалгъанды.

Анам, энди урушдан къайтыб келиб,
Сени тансыкълай, тору атымдан тюшмем.
"Анам, урушда бек суусаб болдум", - деб,
Халал къолунгдан айран алыб ичмем.

Ол сени аналарына санаучу
Кёб тенгим урушдан къайтхан болмазла.
Зыбыр къолунг бла сылаучу
Башыма окъ тийгенин ала айтхан болмазла.

Эрни иши алайды, алайды, джаным,
Аны къабыры элинде болмайды.
Ата джуртуна къоркъуу тюшсе, анам,
Ол къанын джанында артха салмайды.

Кир юйге, анам, кеч болгъанд, кёресе.
Энди манга сен къурманлыкъла атама.
Энди манга отоу джасаб не этесе?
Белгисиз солдат къабырда джатама. 

Комментариев нет

  • Зарегистрируйтесь чтобы пользоваться плейлистом.