Расширенный поиск
20 Июля 2026 года
Логин: Регистрация
Пароль: Забыли пароль?
Навигация
Словарь
  • Билимден уллу байлыкъ джокъду.
  • Джашлыкъ этмеген, башлыкъ этмез.
  • Аз айтсам, кёб ангылагъыз.
  • Юйюнгден чыкъдынг – кюнюнгден чыкъдынг.
  • Биреу ашаб къутулур, биреу джалаб тутулур.
  • Билген билмегенни юретген адетди.
  • Намысы джокъну – дуниясы джокъ.
  • Къумурсхала джыйылсала, пилни да джыгъадыла.
  • Чабакъ башындан чирийди.
  • Джахил болса анасы, не билликди баласы?
  • Кёлю джокъну – джолу джокъ.
  • Суу кетер, таш къалыр.
  • Ашыкъгъан cуу, тенгизге джетмез.
  • Ашда – бёрю, ишде – ёлю.
  • Алма терегинден кери кетмез.
  • Баргъанынга кёре болур келгенинг.
  • Дуния аламаты сен эсенг да, игиме деб айтма.
  • Эр абынмай, эл танымаз.
  • Къобан да къуру да къобханлай турмайды, адам да къуру да патчахлай турмайды.
  • Иги адамны бир сёзю эки болмаз.
  • Къонакъ болсанг, ийнакъ бол.
  • Джуртун къоругъан озар.
  • Биреуню эскиси биреуге джангы болмайды.
  • Хунаны тюбюн къазсанг, юсюнге ауар.
  • Джан саулукъ бермей, сан саулукъ бермезсе.
  • Джылыгъа джылан илешир.
  • Джаралыны джастыгъында сау ёлюр.
  • «Ма», - дегенни билмесенг, «бер», - дегенни билмезсе.
  • Аш кетер да бет къалыр.
  • Насыб бютеу халкъны юлюшюдю.
  • Джиби бир къат джетмей эди да, эки къат тарта эди.
  • Билмегенинги, билгеннге сор.
  • Къарны аманнга къазан такъдырма, къолу аманнга от джакъдырма.
  • Дженгил джетерикме деб, узун джолну къоюб, къысхасын барма.
  • Бети – къучакълар, джюреги – бычакълар.
  • Мухардан ач ычхынмаз.
  • Адамгъа аман кюн соруб келмейди.
  • Джыгъылгъанны сырты джерден тоймаз.
  • Ашатыргъа иш – ашхы, ишлетирге аш – ашхы.
  • Тилсиз миллет джокъ болур.
  • Ёнгкюч къууана барыр, джылай келир.
  • Ат басханны джер билед.
  • Сангырау къулакъ эл бузар.
  • Аман адам элни бир-бирине джау этер.
  • Бети бедерден, намыс сакълама.
  • Босагъа таш юйге кирмей эди, тыбыр таш эшикге чыкъмай эди.
  • Башда акъыл болмаса, эки аякъгъа кюч джетер.
  • Харам къарнашдан, халал тенг ашхы.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Бет бетге къараса, бет да джерге къарар.

Аудио

Эркенов Мухаммад-хаджи

Файлов: 2

Обновлен: 06.07.2017

  • Эркенов Мухаммад-хаджи Къарнашым, беш намазны, кел, таны (нашид)
(Голосов: 2, Рейтинг: 5)

Описание

Дата: 10.04.2013
Прослушиваний: 2414
Скачиваний: 242
Размер: 10.65 МБ
Текст песни:
стихи Кязима Мечиева

Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!

Къарнашым, беш намазны, кел, таны, –
Беш намазны къылмаучуну – бил аны, –
Бетинде болмаз аны халал къаны,
Харамдан тыйылмаз аны хар саны.

Не харибди беш намазны этмеген,
Китаб айтхан къулагъына ётмеген,
Бу дунияда муратына джетмеген,
Ёле туруб, ийман бла кетмеген.

Бир сагъатны рахатланыб джашамаз,
Бар малындан, кёзю къыйыб, ашамаз,
Бу дунияны къайгъысындан бошамаз,
Этген иши шериатха ушамаз.

Ахыратын дуния малгъа ол сатар,
Джассы намаз этмегенлей ол джатар,
Узунуна джатыб джукълар, сын къатар,
Джукълай кетсе, бир заманда танг атар.

Кюн тийгинчи кие билмез кёлегин,
Къууандырыр кяфыр шайтан халегин,
Мыдах этер сууаб джазгъан мёлегин,
Ашар-ичер, тамам этер керегин.

Ашаб битсе, ныгъышлада олтурур,
Ныгъышланы фитна бла толтурур.
Аман тилин фитна сёзден тыялмаз,
Аллах къараб кёре турса уялмаз.

Аллах, кюч бер Китаб айтханны этерге,
Къыямат кюн джандетлеге кетерге.

Ля иляха илля Ллаху! Я Аллах!
Ля иляха илля Ллаху! Я Аллах!

Бу дунияда сакъ болайыкъ намазгъа,
Къыямат кюн джаханимге бармазгъа.

Бек тутайыкъ оразаны, намазны –
Къыямат кюн сен табарса хар затны.

Ойлашмасанг бу дунияны халындан,–
Кёзюнг тоймаз бу дунияны малындан.

Чархынг къоркъмаз джаханимни отундан,
Айланырса, шайтан сюрюб артынгдан.

Аллах, мени сен иймандан айырма,
Мен джарлыны – дин исламдан айырма...

Топурагъынг басар мени санымы,
Кяфырлыкъгъа къыйнаб алыр джанымы.

Атам, анам билмез анда халымы,
Къара джылан ичер анда къанымы.

Гюнахланы тар къабырда джетдирир,
Намазланы къызгъан темирде этдирир.

Хар намазын къатлаб-къатлаб тёлетир,
Ургъан сайын мен джарлыны кюл этер.

Кёрмеймисе адамланы кетгенин,
Къолларына не зат алыб элтгенин?

Муслиманла, ийман джолгъа къайтайыкъ,
Тоба этиб, «Аллах, Аллах» айтайыкъ.

Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!

Комментариев нет

  • Зарегистрируйтесь чтобы пользоваться плейлистом.