Расширенный поиск
24 Июня 2026 года
Логин: Регистрация
Пароль: Забыли пароль?
Навигация
Словарь
  • Нёгерсизни джолу узун.
  • Азыкълы ат арымаз, къатыны аман джарымаз.
  • Булут кёкге джарашыу, уят бетге джарашыу.
  • Миллетни бойну – базыкъ, аны бла кюрешген – джазыкъ.
  • Баланы адам этген анады.
  • Илму – джашауну джолу.
  • Эки къатын алгъан – эки ташны ортасына башын салгъан.
  • Къонакъ болсанг, ийнакъ бол.
  • Билген билмегенни юретген адетди.
  • Этек чакъмакълары баш джаргъан, сёлешген сёзлери таш джаргъан.
  • Акъыллы эркиши атын махтар, акъылсыз эркиши къатынын махтар.
  • Чабакъсыз кёлге къармакъ салгъанлыкъгъа, чабакъ тутмазса.
  • Ёгюзню мюйюзлери ауурлукъ этмейдиле.
  • «Ма», - дегенни билмесенг, «бер», - дегенни билмезсе.
  • Сакъламагъан затынга джолукъсанг, не бек къууанаса, не бек ачыйса.
  • Къарнынг ауруса, ауузунгу тый
  • Артына баргъанны, къатына барма.
  • Бети – къучакълар, джюреги – бычакълар.
  • Элиб деген, элге болушур.
  • Джангыз торгъай джырламаз.
  • Тёзгеннге, джабылгъан эшик ачылыр.
  • Экеу тутушса, биреу джыгъылыр.
  • Ач, тоймам, дейди, тойгъан, ач болмам, дейди.
  • Ачылгъан эт джабылыр, кёрген кёз унутмаз.
  • Акъыллы – эл иеси, тели – эл баласы.
  • Эки элинги тыйсанг, джети элде махталырса.
  • Кюл тюбюндеги от кёрюнмейди.
  • Ачлыкъда тары гырджын халыуадан татлы.
  • Адам къаллай бир ишленмесе, аллай бир кесин уллу кёреди.
  • Байлыкъ келсе, акъыл кетер.
  • Ёнгкюч къууана барыр, джылай келир.
  • Аманнга игилик этсенг, юйюнге сау бармазса.
  • Ауузу бла къуш тута айланады.
  • Адам сёзге тынгыла, акъыл сёзню ангыла.
  • Тынгылагъан тынгы бузар.
  • Джаралыны джастыгъында сау ёлюр.
  • Кёкдеги болмаса, джердегин кёрмейди.
  • Джарашыу сюйген – джалынчакъ.
  • Къарт айтханны этмеген, къартаймаз.
  • Юреннген ауруу къалмаз.
  • Къарнынг тойгъунчу аша да, белинг талгъынчы ишле.
  • Ётюрюк хапар аякъ тюбю бла джюрюйдю.
  • Тели турса – той бузар.
  • Акъыллы башны – тили къысха.
  • Аджашхан тёгерек айланыр.
  • Джарлы эскисин джамаса, къууаныр.
  • Джаным-тиним – окъуу, билим.
  • Ётюрюкден тюбю джокъ, кёлтюрюрге джиби джокъ.
  • Хансыз джомакъ болмаз.
  • Туз, гырджын аша, тюзлюк бла джаша.

Аудио

Отаров Омар

Файлов: 265

Обновлен: 06.07.2017

  • Отаров Омар Кёгала (с Алтуевоей Зоей)
(Голосов: 2, Рейтинг: 5)

Описание

Дата: 11.04.2013
Прослушиваний: 2460
Скачиваний: 1326
Размер: 6.24 МБ
Текст песни:
музыка Маджита Ногайлиева
стихи Азамата Суюнчева

Джашла:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Кёгала:
Кёкле тюбюнде, кёкбаш юйледе
Мен бек къайгъысыз джашаеем,
Тойгъа-оюнга къошулмай эдим,
Мен сюймекликден ташаем.

Джашла:
Джарыкъ джулдузча, сени сыфатынг
Къууат салады шахаргъа,
Ышаргъанчыгъынг, ала кёзлеринг
Къоймайла бизни джашаргъа.

Кёгала:
Бизни тийреге сиз тойгъа келиб,
Юйде олтутуруб кетдигиз,
Бирден кёзюме къараб ышарыб,
Мени тынчлыкъсыз этдигиз.

Джашла:
Субай санынга ариу джарашхан
Кёк бетли чепкен кийесе,
Экеулен болуб сени сюебиз,
Сен къайсыбызны сюесе?

Кёгала:
Экигизге да бир сёзюм джокъду,
Джашла, сиз ашхы, аламат.
Халал тенглени шохлугъун бузсам,
Не айтыр манга джамагъат?

Джашла:
Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

Кёгала:
Экигизни мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.

Комментариев нет

  • Зарегистрируйтесь чтобы пользоваться плейлистом.