Расширенный поиск
27 Июня 2026 года
Логин: Регистрация
Пароль: Забыли пароль?
Навигация
Словарь
  • Суугъа – таянма, джаугъа – ийнанма.
  • Джырчы ёлсе, джыры къалыр.
  • Элде адам къалмаса, ит тахтагъа минер.
  • Тюз сёз баргъан сууну тыяр.
  • Нёгерсизни джолу узун.
  • Бозанг болмагъан джерге, къалагъынгы сукъма.
  • Къонакъ хазыр болгъанлыкъгъа, къонакъбай хазыр тюлдю.
  • Алма терегинден кери кетмез.
  • Къарт айтханны этмеген, къартаймаз.
  • Иги болса, тамадама – махтау, аман болса, меннге – айыб.
  • Чомарт къолда мал къалмаз.
  • Харам къарнашдан, халал тенг ашхы.
  • Джарашыу сюйген – джалынчакъ.
  • Этим кетсе да, сюегим къалыр.
  • Тилде сюек болмаса да, сюек сындырыр.
  • Баланы адам этген анады.
  • Баргъанынга кёре болур келгенинг.
  • Эртде тургъан джылкъычыны эркек аты тай табар.
  • Кёлю джокъну – джолу джокъ.
  • Сакъ юйюне сау барыр.
  • Байдан умут эте, джарлыдан ёгюз багъасы къорады.
  • Аш хазыр болса, иш харам болур.
  • Биреуню эскиси биреуге джангы болмайды.
  • Ётген ёмюр – акъгъан суу.
  • Джогъун бар этген, барын бал этген.
  • Джюрекден джюрекге джол барды.
  • Адам къаллай бир ишленмесе, аллай бир кесин уллу кёреди.
  • Эшекни не къадар тюйсенг да, ат болмаз.
  • Зар адам ашынгы ашар, кесинги сатар.
  • Уллу сёлешме да, уллу къаб.
  • Къолу уллу – асыу, аягъы уллу – джарсыу.
  • Татлы тилде – сёз ариу, чемер къолда – иш ариу.
  • Акъыллы эркиши атын махтар, акъылсыз эркиши къатынын махтар.
  • Эл ауузу – элия.
  • Адамны джюреги нени кёрюрге сюйсе, кёзю да аны кёрюрге ёч болады.
  • Аманнга да, игиге да оноусуз къатышма.
  • Ёлюк кебинсиз къалмаз.
  • Таш ата билмеген, башына урур.
  • Оюмсуз атлагъан, аджалсыз ёлюр.
  • Аманны тукъумуна къарама, игини тукъумун сорма.
  • Чомартха хар кюн да байрамды.
  • Бастасын ашагъан, хантусун да ичер.
  • Тойгъан джерге джети къайт.
  • Тенгни тенглиги джашай барсанг билинир.
  • Сютден ауузу кюйген, суугъа юфгюре эди.
  • Ашыкъгъанны этеги бутуна чырмалыр.
  • Аш иеси бла татлыды.
  • Аман адамны тепсинге олтуртсанг, къызынгы тилер.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Тилчиден кери бол.

Аудио

Кайтаев Магомед

Файлов: 11

Обновлен: 10.07.2017

  • Кайтаев Магомед Ламбада (чам джыр)
(Голосов: 3, Рейтинг: 4)

Описание

Дата: 18.09.2013
Прослушиваний: 1891
Скачиваний: 129
Размер: 6.55 МБ
Текст песни:
Карачаево-балкарская шуточная версия песни "Llorando Se Fue" боливийской группы "Los Kjarkas", больше известной как "Lambada" в исполнении французской группы "Kaoma".

Музыка Улисеса Эрмоса (Ulises Hermosa), слова Магомеда Кайтаева.

О кёлюнг къурурукъ, кёрдюнгмю ол тепсегенлени,
О къан джауарыкъ, сындыра эдиле беллерин?!
Бу бедишликге сабийле къарайла,
Бир гырам да бизден уялмайла!

Мени баппушларымча бир тюрлю джан таялла,
Бир бирлерине тагъылыб бир тюрлю баралла.
Оу, эки эшигим, неге ушайды бу,
Чындай киймейин, ачыкъ буту?!

Эй, Къыстырмахан, къыяма айлана турады,
Сен Доммай была тепсеген заманчыкъ къайдады?
Оу, тюб боллукъла, болгъанлары къымжа,
«Ай-яй-яй», - деб бир-бирге къычыра!

Биздеги къарт сер шашханды къарай алагъа,
Мен кёрмей къалсам, «Кел, къара», - деб этед гузаба.
«Ай, джаш заман!», - деб, тобукъларын тюед,
Энди аллай тепсеулени бек сюед!

Комментариев нет

  • Зарегистрируйтесь чтобы пользоваться плейлистом.