Расширенный поиск
27 Июня 2026 года
Логин: Регистрация
Пароль: Забыли пароль?
Навигация
Словарь
  • Джолда аягъынга сакъ бол, ушакъда тилинге сакъ бол.
  • Ётюрюк хапар аякъ тюбю бла джюрюйдю.
  • Ким бла джюрюсенг, аны кёзю бла кёрюнюрсе.
  • Сёз садакъдан кючлюдю.
  • Кийимни бичсенг, кенг бич, тар этген къыйын тюлдю.
  • Тили узунну, намысы – къысха.
  • Кийимни бир кюнню аясанг, минг кюннге джарар.
  • Баргъанынга кёре болур келгенинг.
  • Эшекни не къадар тюйсенг да, ат болмаз.
  • Кийиминг бла танылма, адамлыкъ бла таныл.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Кюн кёрмеген, кюн кёрсе, кюндюз чыракъ джандырыр.
  • Джаз бир кюнню джатсанг, къыш талай кюнню абынырса.
  • Орундукъ тюбюнде атылсам да, орта джиликме, де да айлан.
  • Къарт болгъан джерде, берекет болур, сабий болгъан джерде, оюн болур.
  • Кийим тукъум сордурур.
  • Аш кетер да бет къалыр.
  • Хар адамгъа кеси миннген тау кибик.
  • Минг тенг да азды, бир джау да кёбдю.
  • Мен да «сен», дейме, сен да «кесим», дейсе.
  • Ариу сёзде ауруу джокъ.
  • Кечеси – аяз, кюню – къыш, джарлы къаргъагъа бир аш тюш!
  • Башы ишлегенни, ауузу да ишлер.
  • Джол бла сёзню къыйыры джокъ.
  • Элиб деген, элге болушур.
  • Ишни ахырын ойламай, аллын башлама.
  • Джылар джаш, атасыны сакъалы бла ойнар.
  • Эшекге миннген – биринчи айыб, андан джыгъылгъан – экинчи айыб.
  • Ачыу алгъа келсе, акъыл артха къалады.
  • Къаллай салам берсенг, аллай джууаб алырса.
  • Нарт сёз къарт болмаз.
  • Юйюнг бла джау болгъандан эсе, элинг бла джау бол.
  • Адамны адамлыгъы къыйынлыкъда айгъакъланады.
  • Башланнган иш битер, къымылдагъан тиш тюшер.
  • От кюйдюрген, сау болса да, тот кюйдюрген, сау болмаз.
  • Окъумагъан сокъурду, сокъур ташха абыныр!
  • Акъыл неден да кючлюдю.
  • Къайгъы тюбю – тенгиз.
  • Бичгенде ашыкъма, тикгенде ашыкъ.
  • Ата Джуртуму башы болмасам да, босагъасында ташы болайым.
  • Тёрде – темир таякълы, къаяда – чыпчыкъ аякълы.
  • Бал ашаргъа сюе эсенг, чибин ургъаннга тёз.
  • Алма терегинден кери кетмез.
  • Шапа кёб болса, аш татымсыз болур.
  • Чомартны къолу берекет.
  • Джырына кёре эжиую.
  • Къатын къылыкъсыз, эр тынчлыкъсыз.
  • Таякъ этден ётер, тил сюекден ётер.
  • Кёкдеги болмаса, джердегин кёрмейди.
  • Мухардан ач ычхынмаз.

Аудио

Узденов Альберт

Файлов: 48

Обновлен: 06.07.2017

  • Узденов Альберт Джашлыгъым
(Голосов: 1, Рейтинг: 5)

Описание

Дата: 10.11.2013
Прослушиваний: 4663
Скачиваний: 1123
Размер: 7.39 МБ
Текст песни:
Музыка и стихи Альберта Узденова.

Кетген кече бир сейирлик тюш кёрдюм,
Къушча учуб бара эди джашлыгъым,
Бек тансыкълаб, джеталмасам деб, кёб сюрдюм,
Уча эдим, джел-джел эте башлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Алдагъанны алдагъанын билгенде,
Алдайса деб,айталмагъан джашлыгъым!
Ол тазалыкъ джокъду бюгюн биргемде,
Алыб кетди къайталмагъан джашлыгъым!

Припев:
Джеталмадым, джеталмадым мен аны,
Къайтарыргъа бармыд мадар заманны?

Бюгюнлюкде тюшлерими джокълагъан,
Насыбы кёб, сагъышы аз джашлыгъым!
Джокъду къачхы булутда да сокъмагъы,
Келлик джаз бла да къайталмаз джашлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Комментариев нет

  • Зарегистрируйтесь чтобы пользоваться плейлистом.