Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Ашарыкъда сайлагъаннга – чий гырджын.
  • Къралынгы – душмандан, башынгы от бла суудан сакъла.
  • Джахил болса анасы, не билликди баласы?
  • Кесине оноу эте билмеген, халкъына да эте билмез.
  • Джаш болсун, къыз болсун, акъылы, саны тюз болсун.
  • Ат басханны джер билед.
  • Бермеген къол, алмайды.
  • Эрни эр этерик да, къара джер этерик да, тиширыуду.
  • Ариу – кёзге, акъыл – джюрекге.
  • Джаз бир кюнню джатсанг, къыш талай кюнню абынырса.
  • Сагъыш – къартлыкъгъа сюйюмчю.
  • Сормай – алма, чакъырылмай – барма.
  • Нёгер болсанг, тенг бол, тенг болмасанг, кенг бол.
  • Окъугъан – асыу, окъумагъан – джарсыу.
  • Ауузу бла къуш тута айланады.
  • Окъуусуз билим – джокъ, билимсиз кюнюнг – джокъ.
  • Бетинги сатма, малынгы сат.
  • Баргъанынга кёре болур келгенинг.
  • Къыйынлы джети элни къайгъысын этер.
  • Джаш къарыу бла кючлю, къарт акъыл бла кючлю.
  • Джаралыны джастыгъында сау ёлюр.
  • Чакъырылмагъан къонакъ къачан кетерин сормаз.
  • Башынга джетмегенни сорма.
  • Чомарт джарлы болмаз.
  • Киштикге къанат битсе, чыпчыкъ къалмаз эди.
  • Ушамагъан – джукъмаз.
  • Джарлыны эшигин махтагъан джабар.
  • Ашлыкъ – бюртюкден, джюн – тюкден.
  • Тёрде – темир таякълы, къаяда – чыпчыкъ аякълы.
  • Чомартны къолун джокълукъ байлар.
  • Тил – миллетни джаны.
  • Бети бедерден, намыс сакълама.
  • Тёгюлген тюгел джыйылмайды.
  • Аман адам этегингден тутса, кес да къач.
  • Джигер – джаннга къыйынлыкъ.
  • Сакъ юйюне сау барыр.
  • Акъыллы башны – тили къысха.
  • Тенгни тенглиги джашай барсанг билинир.
  • Ашын ашагъанынгы, башын да сыйла.
  • Халкъны юйю – туугъан джери.
  • Тюзлюк тас болмайды.
  • Къан бла кирген, джан бла чыгъар.
  • Къазанны башы ачыкъ болса, итге уят керекди.
  • Аман къатын алгъан, арыр, иги къатын алгъан джарыр.
  • Адам къаллай бир ишленмесе, аллай бир кесин уллу кёреди.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Тенгинг джокъ эсе – изле, бар эсе – сакъла!
  • Башланнган иш битер, къымылдагъан тиш тюшер.
  • Айраннга суу къош, телиге джол бош.
  • Къызны минг тилер, бир алыр.

Аудио

Узденов Альберт

Файлов: 48

Обновлен: 06.07.2017

  • Узденов Альберт Хурметли ингирде
(Голосов: 1, Рейтинг: 5)

Описание

Дата: 10.11.2013
Прослушиваний: 2348
Скачиваний: 542
Размер: 5.25 МБ
Текст песни:
Музыка и стихи Альберта Узденова.

Иш хапарны къояйыкъчы, тенгле, биз
Бир солуюкъ, сагъыш этмей чырт джукъгъа!
Къайгъыладан тазалансын эсибиз,
Алгъыш айта Джуртха, тенгнге, джууукъгъа!

Бюгюн, тенгле, ичибизден биз кюлмей,
Махтанчакъны, дюргенни да кечейик.
Бизни кемсиз сюйгенлени биз билмей,
Джашаб тургъан джанла ючюн ичейик!

Сёз этмейин, тил этмейин бюгюн биз,
Кюнюбюзню бир сыйлы кюн этейик!
Бетсинеди деб уялмай бетибиз,
Хар адамны онглу джерин чертейик!

Хей, тамада, алгъыш сёз бер саугъагъа,
Тёзалмайды, кёлюм сёзден болуб токъ!
Джылы сёзню къызгъанмайыкъ саулагъа,
Ёлюб кетсек, джылы сёзден джылыу джокъ.

Комментариев нет

  • Зарегистрируйтесь чтобы пользоваться плейлистом.