Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Ана кёлю – балада, бала кёлю – талада.
  • Кёкдеги болмаса, джердегин кёрмейди.
  • Мухардан ач ычхынмаз.
  • Эки ойлашыб, бир сёлешген.
  • Къолу уллу – асыу, аягъы уллу – джарсыу.
  • Джашынгы кесинг юретмесенг, джашау юретир.
  • Иги сёз – джаннга азыкъ, аман сёз башха – къазыкъ.
  • Элни кючю – эмеген.
  • Ариу сёз джыланны орнундан чыгъарыр.
  • Юйюнг бла джау болгъандан эсе, элинг бла джау бол.
  • Джуртун къоругъан озар.
  • Биреуню тёрюнден, кесинги эшик артынг игиди.
  • Адебсиз адам – джюгенсиз ат.
  • Джолунга кёре – джюрюшюнг, джагъанга кёре – юлюшюнг.
  • Аман адам этегингден тутса, кес да къач.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Чакъырылмагъан къонакъ тёрге атламаз.
  • Аз сёлеш, кёб ишле.
  • Элиб деген, элге болушур.
  • Ёнгкюч къууана барыр, джылай келир.
  • Борчунг бар эсе, хурджунунга ойлаб узал.
  • Ашыкъгъан cуу, тенгизге джетмез.
  • Къайтырыкъ эшигинги, къаты уруб чыкъма.
  • Рысхы – сют юсюнде кёмюк кибикди.
  • Сагъыш – къартлыкъгъа сюйюмчю.
  • Адам къыйынлыгъын кёлтюрюр, зауукълугъун кёлтюрмез.
  • Хаухну атма, ёнгкючню сатма.
  • Мал тутхан – май джалар.
  • Ачылгъан эт джабылыр, кёрген кёз унутмаз.
  • Къартны бурнун сюрт да, оноугъа тут.
  • Атлыны кёрсе, джаяуну буту талыр.
  • Сабий кёргенин унутмаз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Кенгеш болса, уруш болмаз.
  • Соргъан айыб тюлдю, билмеген айыбды.
  • Ач бёрюге мекям джокъ.
  • Эртде тургъан бла эртде юйленнген сокъуранмаз.
  • Танг атмайма десе да, кюн къоярыкъ тюйюлдю.
  • Гугук кесини атын айтыб къычыргъанча, мен, мен деб нек тураса?
  • Ауругъан – джашаудан умутчу.
  • Джиби бир къат джетмей эди да, эки къат тарта эди.
  • Тилчи бир сагъатха айлыкъ хата этер.
  • Шайтан алдады, тюзлюк къаргъады.
  • Чакъырылмагъан къонакъ – орунсуз.
  • Келинин тута билмеген, къул этер, къызын тута билмеген, тул этер.
  • Таугъа чыгъаллыкъ эсенг, тюзде къалма.
  • Мени джылытмагъан кюн, меннге тиймесин!
  • Арбаз къынгырды да, ийнек сауалмайма.
  • Керек ташны ауурлугъу джокъ.
  • Орундукъ тюбюнде атылсам да, орта джиликме, де да айлан.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачай
(Голосов: 3, Рейтинг: 5)

Описание

Дата: 27.11.2013
Прослушиваний: 3211
Скачиваний: 754
Размер: 4 МБ
Текст песни:
Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай,
Акъыл сёзлю, дугъум кёзлю Къарачай!

Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай,
Акъ башлыкълы, джашилчепкен Къарачай!

Алма терек чакъгъан кюнде, эшикде
Джукълаб тургъан балачыкъны бешикде
Тылпыуундан тогъугъанча, мен алай
Солуучанма тау хауангы, Къарачай!

Таудан саркъыб, кёкге чыгъыб, джауарыкъ,
Ахыр кюнде санларымы джууарыкъ,
Сууларынгдан, мен ичеме тоялмай,
Ана кёлча таза суулу Къарачай!

Саным сени топурагъынга къошулур, 
Джаным сингиб тау хауанга, хош болур, 
Аджалым да айырмазча, мен алай
Байланыбма сеннге, шыйых Къарачай!

Комментариев нет

  • Зарегистрируйтесь чтобы пользоваться плейлистом.