Расширенный поиск
27 Июня 2026 года
Логин: Регистрация
Пароль: Забыли пароль?
Навигация
Словарь
  • Аллахдан тилесенг, кёб тиле.
  • Хазыр ашха – терен къашыкъ.
  • Ёпкелегенни ашы татлы болады.
  • Ёлген эшек бёрюден къоркъмайды.
  • Ашын ашагъанынгы, башын да сыйла.
  • Къазанны башы ачыкъ болса, итге уят керекди.
  • Адам сёзюнден белгили.
  • Тёзген – тёш ашар!
  • Адам къыйынлыгъын кёлтюрюр, зауукълугъун кёлтюрмез.
  • Шекер бла туз – бир болмаз, ушамагъан – юй болмаз.
  • Тешик этген тынчды, аны джамагъан къыйынды.
  • Къалгъан ишге къар джауар.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Эли джокъну – кёлю джокъ.
  • Эки къатын алгъанны къулагъы тынгнгаймаз.
  • Татлы тилде – сёз ариу, чемер къолда – иш ариу.
  • Кюн – узун, ёмюр – къысха.
  • Садакъачыны джаны – къапчыгъында.
  • Чакъырылмагъан къонакъ – орунсуз.
  • Ишни ахырын ойламай, аллын башлама.
  • Иги – алгъыш этер, аман – къаргъыш этер.
  • Айтылгъан буйрукъ, сёгюлмез
  • Адамны аманы адамны бети бла ойнар.
  • Адамны адамлыгъы къыйынлыкъда айгъакъланады.
  • Ёгюзню мюйюзлери ауурлукъ этмейдиле.
  • Ариуну – ауруу кёб.
  • Биреуню эскиси биреуге джангы болмайды.
  • Ишленмеген джаш – джюгенсиз ат, ишленмеген къыз – тузсуз хант.
  • Бастасын ашагъан, хантусун да ичер.
  • Игиге айтсанг – билир, аманнга айтсанг – кюлюр.
  • Ач – эснер, ат – кишнер.
  • Айранны сюйген, ийнек тутар.
  • Ачлыкъ отха секиртир.
  • Хансыз джомакъ болмаз.
  • Джолда аягъынга сакъ бол, ушакъда тилинге сакъ бол.
  • Адамгъа аман кюн соруб келмейди.
  • Айтхан – тынч, этген – къыйын.
  • Тойчу джашха къарама, къойчу джашха къара.
  • Аш хазыр болса, иш харам болур.
  • Кёлю джокъну – джолу джокъ.
  • Таякъ этден ётер, тил сюекден ётер.
  • Кенгеш болса, уруш болмаз.
  • Уллу къашыкъ эрин джыртар.
  • Къазанчы аман болса, къазаны къайнамаз.
  • Ариу сёз аурууунгу алыр.
  • Биреу къой излей, биреу той излей.
  • Тюкюрюк баш джармаз, налат кёз чыгъармаз!
  • Къызын тута билмеген, тул этер, джашын тута билмеген, къул этер.
  • Чакъырылмагъан джерге барма, чакъырылгъан джерден къалма.
  • Ата Джуртча джер болмаз, туугъан элча эл болмаз.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачай
(Голосов: 3, Рейтинг: 5)

Описание

Дата: 27.11.2013
Прослушиваний: 3180
Скачиваний: 754
Размер: 4 МБ
Текст песни:
Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай,
Акъыл сёзлю, дугъум кёзлю Къарачай!

Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай,
Акъ башлыкълы, джашилчепкен Къарачай!

Алма терек чакъгъан кюнде, эшикде
Джукълаб тургъан балачыкъны бешикде
Тылпыуундан тогъугъанча, мен алай
Солуучанма тау хауангы, Къарачай!

Таудан саркъыб, кёкге чыгъыб, джауарыкъ,
Ахыр кюнде санларымы джууарыкъ,
Сууларынгдан, мен ичеме тоялмай,
Ана кёлча таза суулу Къарачай!

Саным сени топурагъынга къошулур, 
Джаным сингиб тау хауанга, хош болур, 
Аджалым да айырмазча, мен алай
Байланыбма сеннге, шыйых Къарачай!

Комментариев нет

  • Зарегистрируйтесь чтобы пользоваться плейлистом.