Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Адам боллукъ, атламындан белгили болур.
  • Уллу айтханны этмеген – уллаймаз.
  • Мураты болгъанны джюрек тебюую башхады.
  • Чомарт бергенин айтмаз.
  • Таула не мийик болсала да, аууш табылыр.
  • Таукел тауну аудурур.
  • Эрине къаргъыш этген къатын, эрнин къабар.
  • Алма терегинден кери кетмез.
  • Адамны сыфатына къарама, сёзюне къара.
  • Уллу суу бла уллу ауруудан башынгы сакъла.
  • Уясында не кёрсе, учханында аны этер.
  • Баланы адам этген анады.
  • Аманны къуугъан, аманлыкъ табар.
  • Малны кют, джерни тюрт.
  • Айтхан – тынч, этген – къыйын.
  • Ханнга да келеди хариблик.
  • Ашлыкъны арба юйге келтирир, чана базаргъа элтир.
  • Къралынгы – душмандан, башынгы от бла суудан сакъла.
  • Ач къарным, тынч къулагъым.
  • Чомартны къолун джокълукъ байлар.
  • Къыз чыгъаргъан – къызыл къымжа.
  • Кеси юйюмде мен да ханма.
  • Кюл тюбюндеги от кёрюнмейди.
  • Мал тутхан – май джалар.
  • Кёбден умут этиб, аздан къуру къалма.
  • Окъугъан озар, окъумагъан тозар.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Таш бла ургъанны, аш бла ур.
  • Бермеген къол, алмайды.
  • Тенгни тенглиги джашай барсанг билинир.
  • Джолунга кёре – джюрюшюнг, джагъанга кёре – юлюшюнг.
  • Байдан умут эте, джарлыдан ёгюз багъасы къорады.
  • Ариу сёз джыланны орнундан чыгъарыр.
  • Бозанг болмагъан джерге, къалагъынгы сукъма.
  • Хар сёзню орну барды.
  • Тойгъа барсанг, тоюб бар, эски тонунгу къоюб бар.
  • Бек анасы джыламаз.
  • Аман къатын сабий табса, бий болур…
  • Иесиз малны бёрю ашар.
  • Aдам боллукъ, сыфатындан белгили.
  • Ачны эсинде – аш.
  • Сыфатында болмагъаны, суратында болмаз.
  • Ашхы – джыяр, аман – джояр.
  • Джюрекге ариу – кёзге да ариу.
  • Ишге юренсин къоллары, халкъ бла болсун джоллары.
  • Тёзгеннге, джабылгъан эшик ачылыр.
  • Чабакъ башындан чирийди.
  • Биреу къой излей, биреу той излей.
  • Акъылсызны джууукъгъа алма, акъыллыны кенгнге салма.
  • Адам сёзге тынгыла, акъыл сёзню ангыла.

Аудио

Байчоров Азрет

Файлов: 4

Обновлен: 06.07.2017

  • Байчоров Азрет Заманыма къайыталмасам
(Голосов: 1, Рейтинг: 4)

Описание

Дата: 11.12.2013
Прослушиваний: 1522
Скачиваний: 53
Размер: 6.28 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.