Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Эки итни арасына сюек атма, эки адамны арасында сёз чыгъарма.
  • Юйюнг бла джау болгъандан эсе, элинг бла джау бол.
  • Байлыкъ тауусулур, билим тауусулмаз.
  • Джаралыны джастыгъында сау ёлюр.
  • Тёгюлген тюгел джыйылмайды.
  • Оюмсуз атлагъан, аджалсыз ёлюр.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Этни да ашады, бетни да ашады.
  • Сабыр джетер муратха, сабырсыз къалыр уятха.
  • Ашаса, ашамаса да, бёрюню ауузу – къан.
  • Окъдан джара эртде-кеч болса да бителир, сёз джара, ёмюрге къалыр.
  • Арбаз сайлама да, хоншу сайла.
  • Юйлю уругъа ит чабмаз.
  • Ана – юйню кюн джарыгъы.
  • Айырылгъанланы айю ашар, бёлюннгенлени бёрю ашар.
  • Бал чибинни ургъаны – ачы, балы – татлы.
  • Тойгъа алгъа да барма, тойда артха да къалма.
  • Ётюрюкню къуйругъу – бир тутум.
  • Джолда аягъынга сакъ бол, ушакъда тилинге сакъ бол.
  • Къобан да къуру да къобханлай турмайды, адам да къуру да патчахлай турмайды.
  • Къартха ушагъан джаш – акъыллы, джашха ушагъан къарт – тели.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Кенгеш болса, уруш болмаз.
  • Бек анасы джыламаз.
  • Урунуу – насыбны анасы.
  • Аман киши кеси юйюнде – къонакъ.
  • Ач да бол, токъ да бол – намысынга бек бол.
  • Эринчекге кюн узун.
  • Биреуге аманлыкъ этиб, кесинге игилик табмазса.
  • Джерни букъусу кёкге къонмаз.
  • Ариу сёз аурууунгу алыр.
  • Аякъларынгы джууургъанынга кёре узат.
  • Джогъун бар этген, барын бал этген.
  • Къайгъы тюбю – тенгиз.
  • Къызын тута билмеген, тул этер, джашын тута билмеген, къул этер.
  • Бозаны арты дауур болур.
  • Суугъа – чабакъ, къаягъа – ыргъакъ.
  • Айтханы чапыракъдан ётмеген.
  • Шайтан алдады, тюзлюк къаргъады.
  • Иши джокъну, сыйы джокъ.
  • Ариуну – ауруу кёб.
  • Арпа, будай – ащды, алтын, кюмюш а – ташды.
  • Тамбла алтындан бюгюн багъыр ашхы.
  • Кёзден кетген, кёлден да кетеди.
  • Аз сёлешген, къайгъысыз турур.
  • Эки къатын алгъан – эки ташны ортасына башын салгъан.
  • Тынгылагъан тынгы бузар.
  • Къызбайны юйюне дери сюрсенг, батыр болур.
  • Татлы тилде – сёз ариу, чемер къолда – иш ариу.
  • Байма, деб да, къууанма, джарлыма, деб да, джылама.

Аудио

Узденов Зураб

Файлов: 7

Обновлен: 06.07.2017

  • Узденов Зураб Къарачайны Къадау ташы
(Голосов: 2, Рейтинг: 4.5)

Описание

Дата: 30.04.2014
Прослушиваний: 1852
Скачиваний: 129
Размер: 6.28 МБ
Текст песни:
Музыка и стихи Башира Батчаева.

Къарачайны Къадау ташын
Таудан ургъан салкъын аяз сылайды.
Деу Къарчаны бёгек джашын
Кюн кесине нёгерликге сайлайды.

Припев:
Бир джарлыны юзмей ашын,
Тау миллетим къыйыны бла джашайды.
Къум тюзледе да тутханд башын,
Уясына къайтхан къушха ушайды.

Кёре джерни сууукъ къышын,
Малчы къоюн, тууарын да къурайды.
Къарачайны Къадау ташын
Ай сылаб да, туурасындан къарайды.

Припев.

Таулу къызны кёзюн, къашын
Тау джитиден Чолпан джулдуз марайды.
Къарачайны Къадау ташын
Ёхтем таулу огъурлукъгъа санайды.

Припев.

Комментариев нет

  • Зарегистрируйтесь чтобы пользоваться плейлистом.