Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Керек ташны ауурлугъу джокъ.
  • Сакъламагъан затынга джолукъсанг, не бек къууанаса, не бек ачыйса.
  • Кюн – узун, ёмюр – къысха.
  • Узун джолну барсанг, бюгюн келирсе, къысха джолну барсанг, тамбла келирсе.
  • Тюз сёз баргъан сууну тыяр.
  • Къыз тиширыу кеси юйюнде да къонакъды.
  • Садакъачыны джаны – къапчыгъында.
  • Тойну къарнашы – харс, джырны къарнашы – эжиу.
  • Къарнынг ауруса, ауузунгу тый
  • Бал – татлы, балдан да бала – татлы.
  • Тёзгеннге, джабылгъан эшик ачылыр.
  • Баланы адам этген анады.
  • Насыблы элин сюер, насыбсыз кесин сюер.
  • Адебсиз адам – джюгенсиз ат.
  • Джюрекге ариу – кёзге да ариу.
  • Ётген ёмюр – акъгъан суу.
  • Билим – акъылны чырагъы.
  • Чыкълы кюнде чыкъмагъан, чыкъса къуру кирмеген.
  • Джогъун бар этген, барын бал этген.
  • Гитче джилтин уллу элни джандырыр.
  • Джарашыу сюйген – джалынчакъ.
  • Халкъны юйю – туугъан джери.
  • Джан саулукъ бермей, сан саулукъ бермезсе.
  • Урунуу – насыбны анасы.
  • Ач къарным, тынч къулагъым.
  • Халкъны джырын джырласанг, халкъ санга эжиу этер.
  • Таш ата билмеген, башына урур.
  • Билимли ёлмез, билимсиз кёрмез.
  • Азыгъы аз, алгъа къабар, аты аман, алгъа чабар.
  • Суугъа – чабакъ, къаягъа – ыргъакъ.
  • Ханнга да келеди хариблик.
  • Келлик заман – къартлыкъ келтирир, кетген заман – джашлыкъ ёлтюрюр.
  • Ашхы атаны – джашы ашхы, ашхы ананы – къызы ашхы.
  • Къолу уллу – асыу, аягъы уллу – джарсыу.
  • Ёлюк кебинсиз къалмаз.
  • Тамырсыз терекге таянма – джыгъылырса.
  • Эл элде бирер малынг болгъандан эсе, бирер тенгинг болсун.
  • Акъыллы – эл иеси, тели – эл баласы.
  • Къарнынг тойгъунчу аша да, белинг талгъынчы ишле.
  • Иесиз малны бёрю ашар.
  • Бек ашыкъгъан меннге джетсин, дегенди аракъы.
  • Халкъгъа джарагъан, джарлы къалмаз.
  • Адам боллукъ, атламындан белгили болур.
  • Аманны тукъумуна къарама, игини тукъумун сорма.
  • Кесине оноу эте билмеген, халкъына да эте билмез.
  • Чакъырылгъанны аты, чакъырылмагъанны багъасы болур.
  • Эл бла кёргенинг эрелей.
  • Джаралыны джастыгъында сау ёлюр.
  • Ана къойну – балагъа джандет.
  • Баш – акъыл ючюн, акъылман – халкъ ючюн.

Аудио

Каракетов Махар

Файлов: 11

Обновлен: 06.07.2017

  • Каракетов Махар Таурухдача джашайды Къарачай
(Голосов: 2, Рейтинг: 5)

Описание

Дата: 14.05.2014
Прослушиваний: 2594
Скачиваний: 263
Размер: 10.22 МБ
Текст песни:
Муз. и сл. Махара Каракотова.

Къарлы тауладан, нарат чегетледен,
Минги Тауубуздан, Къобаныбыздан,
Къабарты-Малкъардан, Къарачай-Черкесден,
Мени багъалы сыйлы тенглеримден,

Къартдан, джашдан да эмда хар бир юйден
Саулай дуниягъа джылы салам бизден.

Припев:
Орайда, кёремисиз майна
Учадыла чуукъ кёкде къушла.
Ол сейир табигъатгъа ушай,
Таурухдача, джашайды Къарачай.

Бизни джерибизни бир келиб, кёргенле
Джерни джети этегинден келелле,
Хауа бла солуй, нарзан, айран иче,
Джюрек ауруулу болуб кетелле.

Таулагъа къараб, Аллахдан тилейле:
"Энтда келирча, Сен насыб бер бизге".

Припев.

Бир болайыкъ, акъыл, кюч джыйайыкъ,
Келген къонакъны бурунча, сыйлайыкъ.
Къыбылагъа айланыб, малланы сояйыкъ,
Ашайыкъ, ичейик, тебсейик, ойнайыкъ.

Бир бирибизни тансыкълай джашайыкъ,
Ата джуртубузну сыйын тутайыкъ.

Припев.

Заман джетиб, кетсек джарыкъ дуниядан,
Уялмазча къартладан, туудукъладан,
Сен джунчуб къалма, алан, дуния малдан,
Санга тылпыу, сан берген Уллу Аллахдан.

Джетген аман айтмазча хар инсан,
Миллетинг разылыкъ берсин ызынгдан.

Припев.

Комментарии (1)

    Джаратама0
    admin
    16.05.2014 17:07:08
    :)
    Ссылка
    • Зарегистрируйтесь чтобы пользоваться плейлистом.