Расширенный поиск
9 Сентября 2026 года
Логин: Регистрация
Пароль: Забыли пароль?
Навигация
Словарь
  • Олтуруб кёрюнмей эди да, ёрге туруб кёрюне эди.
  • Джарлы эскисин джамаса, къууаныр.
  • Соргъан айыб тюлдю, билмеген айыбды.
  • Къуру гыбыт бек дыгъырдар.
  • Борчунг бар эсе, хурджунунга ойлаб узал.
  • Бастасын ашагъан, хантусун да ичер.
  • Къайгъыны сюйген, къайгъы табар.
  • Билимсиз иш бармаз.
  • Кийимни бир кюнню аясанг, минг кюннге джарар.
  • Къызгъанчдан ычхыныр, мухардан ычхынмаз.
  • Аманнга алтын чыдамаз.
  • Чабакъ башындан чирийди.
  • Босагъа таш юйге кирмей эди, тыбыр таш эшикге чыкъмай эди.
  • Керти сёзге тёре джокъ.
  • Къая джолда джортма, ачыкъ сёзден къоркъма.
  • Джангызны оту джарыкъ джанмаз!
  • Адамны артындан къара сабан сюрме.
  • Байма, деб да, къууанма, джарлыма, деб да, джылама.
  • Ашлыкъны арба юйге келтирир, чана базаргъа элтир.
  • Суу да къайтады чыкъгъан джерине.
  • Адамгъа аман кюн соруб келмейди.
  • От кюйдюрген, сау болса да, тот кюйдюрген, сау болмаз.
  • Джангыз терек къынгыр ёсер.
  • Тик ёргени, тик энгишгеси да болады.
  • Шапа кёб болса, аш татымсыз болур.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Аз айтсам, кёб ангылагъыз.
  • Джылкъыдан – ат чыгъар, тукъумдан – джаш чыгъар.
  • Кёб ант этген, кёб ётюрюк айтыр.
  • Элиб деген, элге болушур.
  • Билмезни кёзю кёрмез, этмезни къулагъы эшитмез.
  • Чомарт къонакъ юй иесин сыйлар.
  • Ачлыкъда тары гырджын халыуадан татлы.
  • Ачылгъан эт джабылыр, кёрген кёз унутмаз.
  • Ёлюр джаннга, ёкюл джокъ.
  • Джюрекден джюрекге джол барды.
  • Тюзлюк шохлукъну бегитир.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Эки элинги тыйсанг, джети элде махталырса.
  • Къазанда болса, чолпугъа чыгъар.
  • Джумушакъ сёз къаты таякъны сындырыр.
  • Дуния аламаты сен эсенг да, игиме деб айтма.
  • Ач къалгъандан, кеч къалгъан къолай.
  • Тешик этген тынчды, аны джамагъан къыйынды.
  • Кёлсюзден сёзсюз тууар.
  • Босагъагъа джууукъ орун болса, ашыгъыб тёрге озма.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ач уят къоймаз.
  • Джашны джигитлиги сорулур, къызны джигерлиги сорулур.
  • Уллу атлама – абынырса, уллу къабма – къарылырса.

Аудио

Учкекен (группа)

Файлов: 42

Обновлен: 06.07.2017

  • Учкекен (группа) Ючкекен элим
(Голосов: 5, Рейтинг: 5)

Описание

Дата: 20.06.2014
Прослушиваний: 2899
Скачиваний: 175
Размер: 6 МБ
Текст песни:
Музыка Курман-Али Узденова, стихи Биляла Аппаева.

Кюн тийгенди мийик кёкде, нюрюн чача,
Уллу юйле сюелелле, къалалача,
Къонакъ келсе, эшиклерин кенгнге ача,
Сен джашайса туугъан элим - Ючкекеним.

Чагъадыла этеклеринг - кенг талала,
Гум бойнунда малла джая, чалкъы чала,
Бюгюнюнгден тамблагъа айбат бола,
Сен джашайса туугъан элим - Ючкекеним.

Кёрмегенме сендеча ариу къызланы мен
Ийнан, бирин унутады бирин кёрген, -
Аладыла кёб джашлагъа ауруу берген,
Кюёу айырыб сайлагъан Ючкекеним.

Эскиликни аякълары тутмай, тая,
Джангылыкъгъа къанатларын кенге джая,
Сенге къараб къууанады Къалеж къая,
Туугъан джерим, ариу элим - Ючкекеним.

Джашларынг а учхан къушдан тюк алалла,
Алыб ташны сыкъсала, сют чыгъаралла,
Урунууда кёблеге юлгю болалла...
Джигитлени бешигисе, Ючкекеним.

Джетишимле кёрюнелле къарамынгда,
Уллу шохлукъ къуршча бегиб халкъларынгда,
Шахар тюрсюн кёрюнеди хар орамда,
Туугъан элим, джаным-тиним - Ючкекеним.

Комментариев нет

  • Зарегистрируйтесь чтобы пользоваться плейлистом.