- Ана къолу ачытмаз.
- Азыкълы ат арымаз, къатыны аман джарымаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Байлыкъ тауусулур, билим тауусулмаз.
- Айтылгъан буйрукъ, сёгюлмез
- Сууда джау джокъ, кёб сёзде магъана джокъ.
- Тёрени джагъы джокъ.
- Ариу – кёзге, акъыл – джюрекге.
- Билген билмегенни юретген адетди.
- Адам боллукъ, атламындан белгили болур.
- Тенги кёбню джау алмаз, акъылы кёбню дау алмаз.
- Сакъ юйюне сау барыр.
- Тенгни тенглиги джашай барсанг билинир.
- Узун джолну барсанг, бюгюн келирсе, къысха джолну барсанг, тамбла келирсе.
- Аманнга да, игиге да оноусуз къатышма.
- Этни бети бла шорпасы.
- Аман эсирсе, юйюн ояр.
- Шайтан алдады, тюзлюк къаргъады.
- Алим болгъандан эсе, адам болгъан къыйынды.
- Оюмсуз атлагъан, аджалсыз ёлюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Азыгъы аз, алгъа къабар, аты аман, алгъа чабар.
- Юйюнгден чыкъдынг – кюнюнгден чыкъдынг.
- Эм ашхы къайын ана мамукъ бла башынгы тешер.
- Аман киши кеси юйюнде – къонакъ.
- Ашыкъгъанны этеги бутуна чырмалыр.
- Эки итни арасына сюек атма, эки адамны арасында сёз чыгъарма.
- Таугъа чыгъаллыкъ эсенг, тюзде къалма.
- Кюн – узун, ёмюр – къысха.
- Къыз тиширыу кеси юйюнде да къонакъды.
- Ишленмеклик адамлыкъды.
- Агъач халкъгъа алтынды, иссиликге салкъынды.
- Сёз – кюмюш, джыр – алтын.
- Сабий кёргенин унутмаз.
- Адам туугъан джеринде, ит тойгъан джеринде.
- Эллинг бла джау болсанг да, юйюнг бла джау болма.
- Къолу уллу – асыу, аягъы уллу – джарсыу.
- Сакъламагъан затынга джолукъсанг, не бек къууанаса, не бек ачыйса.
- Биреу ашаб къутулур, биреу джалаб тутулур.
- Алтыннга тот къонмаз.
- Хансыз джомакъ болмаз.
- Окъуу – билимни ачхычы, окъуу – дунияны бачхычы.
- Билимли ёлмез, билимсиз кёрмез.
- Джашлыкъ этмеген, башлыкъ этмез.
- Харам къарнашдан, халал тенг ашхы.
- Аш кетер да бет къалыр.
- Накъырданы арты керти болур.
- Атынг аманнга чыкъгъандан эсе, джанынг тамагъынгдан чыкъсын.
- Айтхан сёзюне табылгъан.
- Алма терегинден кери кетмез.
[ Закрыто ] Хочу лялю но хорошую маму найти трудно 2
|
Если есть желание поговорить о семье и детях просьба открыть тему с более приемлемым названием.. и написать в других похожих темах.
|
||||
|
|
|
|||
Читают тему (гостей: 1)