- Къарнынг къанлынга кийирир.
- Тешик этген тынчды, аны джамагъан къыйынды.
- Аман эсирсе, юйюн ояр.
- Ана кёлю – балада, бала кёлю – талада.
- Сёз къанатсыз учар.
- Адам сёзюнден белгили.
- Эринчекни аурууу – кёб.
- Аякъларынгы джууургъанынга кёре узат.
- Кёз – сюйген джерде, къол – ауругъан джерде.
- Ашатыргъа иш – ашхы, ишлетирге аш – ашхы.
- Ата Джуртча джер болмаз, туугъан элча эл болмаз.
- Тин – байлыгъынг, терен саулугъунг.
- От этилмеген джерден тютюн чыкъмайды.
- Агъач – джерни чырайы, кийим – эрни чырайы.
- Билим къая тешер.
- Хата – гитчеден.
- Билмейме деген – бир сёз
- Тамбла алтындан бюгюн багъыр ашхы.
- Байлыкъ тауусулур, билим тауусулмаз.
- Тели турса – той бузар.
- Юйлю уругъа ит чабмаз.
- Тилчиден кери бол.
- Ишленмеген джаш – джюгенсиз ат, ишленмеген къыз – тузсуз хант.
- Сакъламагъан затынга джолукъсанг, не бек къууанаса, не бек ачыйса.
- Тил – кесген бычакъ, сёз – атылгъан окъ.
- Джашынгы кесинг юретмесенг, джашау юретир.
- Акъыллы башны – тили къысха.
- Къууут – джелге, берне – бошха.
- Иги адамны бир сёзю эки болмаз.
- Келинни – келгинчи, бёркню кийгинчи кёр.
- Адамны артындан къара сабан сюрме.
- Эркишини аманы тиширыуну джылатыр.
- Махтаннган къыз, тойда джукълар.
- Шекер бла туз – бир болмаз, ушамагъан – юй болмаз.
- Тойгъан антын унутур.
- Айтылгъан буйрукъ, сёгюлмез
- Юйюнгден чыкъдынг – кюнюнгден чыкъдынг.
- Кюлме джашха – келир башха.
- Ашхы болсанг, атынг чыгъар, аман болсанг, джанынг чыгъар.
- Кюн кёрмеген, кюн кёрсе, кюндюз чыракъ джандырыр.
- Рысхысына кёре, джаш ёсер, къышлыгъына кёре, мал ёсер.
- Уллу суу бла уллу ауруудан башынгы сакъла.
- Адамны адамлыгъы къыйынлыкъда айгъакъланады.
- Ач келгенни – тойдур, кеч келгенни – къондур.
- Дуния малгъа сатылма, кесингден телиге къатылма.
- Сакъалы текени да бар, мыйыгъы киштикни да бар.
- Чабакъсыз кёлге къармакъ салгъанлыкъгъа, чабакъ тутмазса.
- Арба аугъандан сора, джол кёргюзтюучю кёб болур.
- Къалгъан ишге къар джауар.
- Болджал ишни бёрю ашар.
[ Закрыто ] Хочу лялю но хорошую маму найти трудно 2
|
Если есть желание поговорить о семье и детях просьба открыть тему с более приемлемым названием.. и написать в других похожих темах.
|
||||
|
|
|
|||
Читают тему (гостей: 1)