- Тюз сёз баргъан сууну тыяр.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу къашыкъ эрин джыртар.
- Биреуню къыйынлыгъы бла кесинге джол ишлеме.
- Окъугъанны бети джарыкъ.
- Адебни адебсизден юрен.
- Окъуу – билимни ачхычы, окъуу – дунияны бачхычы.
- Окъугъан – асыу, окъумагъан – джарсыу.
- Бир абыннган – минг сюрюнюр.
- Уллу суу бла уллу ауруудан башынгы сакъла.
- Айтылгъан сёз ызына къайтмаз.
- Нарт сёз – тилни бети.
- Адамны адамлыгъы къыйынлыкъда айгъакъланады.
- Босагъа таш юйге кирмей эди, тыбыр таш эшикге чыкъмай эди.
- Кенгеш болса, уруш болмаз.
- Сакъалы текени да бар, мыйыгъы киштикни да бар.
- Тойгъа алгъа да барма, тойда артха да къалма.
- Бек ашыкъгъан меннге джетсин, дегенди аракъы.
- Адам сёзюнден белгили.
- Ач бёрюге мекям джокъ.
- Кюн – узун, ёмюр – къысха.
- Аман адамны тепсинге олтуртсанг, къызынгы тилер.
- Джаралыны джастыгъында сау ёлюр.
- Ханнга да келеди хариблик.
- Магъанасыз сёз – тауушсуз сыбызгъы.
- Азыгъы аз, алгъа къабар, аты аман, алгъа чабар.
- Эки къатын алгъан – эки ташны ортасына башын салгъан.
- Тешигини къатында, чычхан да батыр болур.
- Чомартха хар кюн да байрамды.
- Рысхы джалгъанды: келген да этер, кетген да этер.
- Джашынгы кесинг юретмесенг, джашау юретир.
- Телиге от эт десенг, юйюнге от салыр.
- Ауругъан – джашаудан умутчу.
- Джаханимни кёрмей, джандетге кёл салмазса.
- Джигер – джаннга къыйынлыкъ.
- Байлыкъдан саулукъ ашхыды.
- Джаш болсун, къыз болсун, акъылы, саны тюз болсун.
- Кёзню ачылгъаны – иги, ауузну джабылгъаны – иги.
- Аман эсирсе, юйюн ояр.
- Нафысынгы айтханын этме, намысынгы айтханын эт.
- Тас болгъан бычакъны сабы – алтын.
- Мал кёб болса, джууукъ кёб болур.
- Ашын ашагъанынгы, башын да сыйла.
- Олтуруб кёрюнмей эди да, ёрге туруб кёрюне эди.
- Ишленмеклик адамлыкъды.
- Адамны бетине къарама, адетине къара.
- Ашына кёре табагъы, балына кёре къалагъы.
- Аурууну келиую тынч, кетиую – къыйын.
- Джыгъылгъанны сырты джерден тоймаз.
- Уллу атлама – абынырса, уллу къабма – къарылырса.
Создание мусульманской общины в г. Железнодорожный
Читают тему (гостей: 1)