- Арыгъан къош чамчы болур.
- Адам сёзюнден белгили.
- Кёл ашады да, кеси ашады.
- Биреуге аманлыкъны тилеме да, кесинге ашхылыкъны тиле.
- Ханнга да келеди хариблик.
- Къартны сыйын кёрмеген, къартлыгъында сыйлы болмаз.
- Джетген къыз джерли эшекни танымаз.
- Джарлы тюеге минсе да, ит къабар.
- Ёлген ийнек сютлю болур.
- Орундукъ тюбюнде атылсам да, орта джиликме, де да айлан.
- Къан бла кирген, джан бла чыгъар.
- Ёнгкюч къууана барыр, джылай келир.
- Тилсиз миллет джокъ болур.
- Аджашхан тёгерек айланыр.
- Акъдан къара болмаз.
- Аман адам элни бир-бирине джау этер.
- Къумурсхала джыйылсала, пилни да джыгъадыла.
- Эри аманны, къатыны – аман.
- Джаралыны джастыгъында сау ёлюр.
- Баланы адам этген анады.
- Башда акъыл болмаса, эки аякъгъа кюч джетер.
- Тил – миллетни джаны.
- Ашхылыкъ джерде джатмайды, аманлыкъ суугъа батмайды.
- Къызгъанчдан ычхыныр, мухардан ычхынмаз.
- Акъыллы айтыр эди, акъылсыз къоймайды.
- Ёмюрлюк шохлукъну джел элтмез.
- Дууулдаса – бал чибин, къонса – къара чибин.
- Бозанг болмагъан джерге, къалагъынгы сукъма.
- Аманнга игилик этсенг, юйюнге сау бармазса.
- Магъанасыз сёз – тауушсуз сыбызгъы.
- Чабар ат – джетген къыз.
- Чомартны къолу берекет.
- Башы ишлегенни, ауузу да ишлер.
- Джырчы ёлсе, джыры къалыр.
- Аз сёлешген, къайгъысыз турур.
- Ата джурт – алтын бешик.
- Эки ойлашыб, бир сёлешген.
- Аман къатын алгъан, арыр, иги къатын алгъан джарыр.
- Бети – къучакълар, джюреги – бычакълар.
- Къошда джокъгъа – юлюш джокъ.
- Кёз – сюйген джерде, къол – ауругъан джерде.
- Айтхан – тынч, этген – къыйын.
- Кесинг сынамагъан затны, адамгъа буюрма.
- Адамны сыфатына къарама, сёзюне къара.
- Ургъан суудан башынгы сакъла.
- Джети тилни билген джети кишиди.
- Тойгъандан сора, ашны сёкме.
- Кёб ант этген, кёб ётюрюк айтыр.
- Тилде сюек болмаса да, сюек сындырыр.
- Ишленмеклик адамлыкъды.
Создание мусульманской общины в г. Железнодорожный
Читают тему (гостей: 1)