- Эл ауузу – элек, анга ийнаннган – халек.
- Билими азны – ауузунда кирит.
- Къызын тута билмеген, тул этер, джашын тута билмеген, къул этер.
- Этек чакъмакълары баш джаргъан, сёлешген сёзлери таш джаргъан.
- Суу ичген шауданынга тюкюрме.
- Таукел тауну аудурур.
- Кёбню кёрген – кёб билир.
- Орну джокъну – сыйы джокъ.
- Тамбла алтындан бюгюн багъыр ашхы.
- Тилсиз миллет джокъ болур.
- Акъыллы айтыр эди, акъылсыз къоймайды.
- Рысхы – сют юсюнде кёмюк кибикди.
- Махтаннган къыз, тойда джукълар.
- Адам сёзге тынгыла, акъыл сёзню ангыла.
- Айтханы чапыракъдан ётмеген.
- Чакъырылмагъан къонакъ къачан кетерин сормаз.
- Минг тенг да азды, бир джау да кёбдю.
- Байны къызы баймакъ болса да, юйде къалмаз!
- Ач да бол, токъ да бол – намысынга бек бол.
- Джумушакъ сёз къаты таякъны сындырыр.
- Тешигини къатында, чычхан да батыр болур.
- Тойчу джашха къарама, къойчу джашха къара.
- Сёз – кюмюш, джыр – алтын.
- Соргъан айыб тюлдю, билмеген айыбды.
- Ариу сёз – къылычдан джити.
- Ётюрюк хапар аякъ тюбю бла джюрюйдю.
- Аууздан келген, къолдан келсе, ким да патчах болур эди.
- Аманнга алтын чыдамаз.
- Тюзлюк шохлукъну бегитир.
- Билмезни кёзю кёрмез, этмезни къулагъы эшитмез.
- Таш бла ургъанны, аш бла ур.
- Рысхы – насыбха къор.
- Кёбден умут этиб, аздан къуру къалма.
- Джарашыу сюйген – джалынчакъ.
- Тойгъан антын унутур.
- Шапа кёб болса, аш татымсыз болур.
- Айыбны суу бла джууалмазса.
- Алим болгъандан эсе, адам болгъан къыйынды.
- Адамны аты башхача, акъылы да башхады.
- Ариуну – ауруу кёб.
- Аш кетер да бет къалыр.
- Намысы джокъну – дуниясы джокъ.
- Алтыда кюлмеген, алтмышда кюлмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Къумурсхала джыйылсала, пилни да джыгъадыла.
- Мадар болса, къадар болур.
- Ёлюр джаннга, ёкюл джокъ.
- Къарнынг бла ёч алма.
- Ёлген эшек бёрюден къоркъмайды.
- Джашынгы кесинг юретмесенг, джашау юретир.
Создание мусульманской общины в г. Железнодорожный
Читают тему (гостей: 1)