- Хатерли къул болур.
- Аманнга игилик этсенг, юйюнге сау бармазса.
- Ишин билген, аны сыйын чыгъарады.
- Ач отунчуну ачыуу – бурнунда.
- Ашхы – джыяр, аман – джояр.
- Терек ауса, отунчу – кёб.
- Мухар, кеси тойса да, кёзю тоймаз.
- Ётюрюкчюню шагъаты – къатында.
- Билмезни кёзю кёрмез, этмезни къулагъы эшитмез.
- Къатын байлыкъны сюер, эр саулукъну сюер.
- Тюкюрюк баш джармаз, налат кёз чыгъармаз!
- Бойнуму джети джерден кессенг да, мен ол ишни этеллик тюлме.
- Кеси юйюмде мен да ханма.
- Ишлегенде эринме, ишде чолакъ кёрюнме.
- Нёгерсизни джолу узун.
- Уллу къашыкъ эрин джыртар.
- Таугъа чыгъаллыкъ эсенг, тюзде къалма.
- Ёгюзню мюйюзюнден тутадыла, адамны сёзюнден тутадыла.
- Джырына кёре эжиую.
- Къумурсхала джыйылсала, пилни да джыгъадыла.
- Ауузу бла къуш тута айланады.
- Азыкъ аз болса, эртде орун сал.
- Накъырда – кертини келечиси.
- Намыс болмагъан джерде, насыб болмаз.
- Биреу ашаб къутулур, биреу джалаб тутулур.
- Сёз къанатсыз учар.
- Юйюнг бла джау болгъандан эсе, элинг бла джау бол.
- Джарлы джети элни сёзюн этер.
- Ёлюк кебинсиз къалмаз.
- Джюрекден джюрекге джол барды.
- Эр абынмай, эл танымаз.
- Эр сокъур болсун, къатын тилсиз болсун.
- Керек ташны ауурлугъу джокъ.
- Халкъны джырын джырласанг, халкъ санга эжиу этер.
- Биреуге кёлтюрген таягъынг, кесинги башынга урур.
- Ёксюзню тилеги къабыл болур.
- Сютню башын джалагъан къутулур, тюбюн ичген тутулур.
- Ана къойну – балагъа джандет.
- Сибиртки да сыйлы болду, кюрек да кюнлю болду.
- Адамны аманы адамны бети бла ойнар.
- Байлыкъ адамны сокъур этер.
- Суу да къайтады чыкъгъан джерине.
- Къазанда болса, чолпугъа чыгъар.
- Джолунга кёре – джюрюшюнг, джагъанга кёре – юлюшюнг.
- Ата Джуртун танымагъан, атасын да танымаз.
- Уллу суу бла уллу ауруудан башынгы сакъла.
- Ариу сёз аурууунгу алыр.
- Ачны эсинде – аш.
- Къуру гыбыт бек дыгъырдар.
- Сууда джау джокъ, кёб сёзде магъана джокъ.
Ислам в Библии ? 200 пророчеств [для размышляющих обязательно!]
|
|
|
|
|
|
Читают тему (гостей: 1)