- Джаным-тиним – окъуу, билим.
- Байны къызы баймакъ болса да, юйде къалмаз!
- Эки къатын алгъанны къулагъы тынгнгаймаз.
- Чабакъсыз кёлге къармакъ салгъанлыкъгъа, чабакъ тутмазса.
- Хар адамгъа кеси миннген тау кибик.
- Ёлген ийнек сютлю болур.
- Ач отунчуну ачыуу – бурнунда.
- Бёрю да ач къалмасын, эчки да ашалмасын.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джылкъыдан – ат чыгъар, тукъумдан – джаш чыгъар.
- Чомартны къолун джокълукъ байлар.
- Сескекли кесин билдирир.
- Джолда аягъынга сакъ бол, ушакъда тилинге сакъ бол.
- Гырджын – тепсини тамадасы.
- Ёгюзню мюйюзлери ауурлукъ этмейдиле.
- Билмегенинги, билгеннге сор.
- Aдам боллукъ, сыфатындан белгили.
- Намысы джокъну – дуниясы джокъ.
- Тилчиден кери бол.
- Адебни адебсизден юрен.
- Эркиши – от, тиширыу – суу.
- Адам туугъан джеринде, ит тойгъан джеринде.
- Насыблы элин сюер, насыбсыз кесин сюер.
- Булут кёкге джарашыу, уят бетге джарашыу.
- Рысхысына кёре, джаш ёсер, къышлыгъына кёре, мал ёсер.
- Адеб джокъда, намыс джокъ.
- Тил бла келеди джыр да.
- Малны кют, джерни тюрт.
- Тамырсыз терекге таянма – джыгъылырса.
- Билмейме деген – бир сёз
- Ат да турмайды бир териде.
- Джыйырма къойну юч джыйырма эбзе кюте эди.
- Айран ичген – къутулду, джугъусун джалагъан – тутулду.
- Къарнынг тойгъунчу аша да, белинг талгъынчы ишле.
- Ёлюк кебинсиз къалмаз.
- Рысхы – насыбха къор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чыкълы кюнде чыкъмагъан, чыкъса къуру кирмеген.
- Аман къатын алгъан, арыр, иги къатын алгъан джарыр.
- Аман хансны – урлугъу кёб.
- Ишлегенде эринме, ишде чолакъ кёрюнме.
- Эр сокъур болсун, къатын тилсиз болсун.
- Иги адам абынса да, джангылмаз.
- Къан бла кирген, джан бла чыгъар.
- Джаз бир кюнню джатсанг, къыш талай кюнню абынырса.
- Джылар джаш, атасыны сакъалы бла ойнар.
- Ханнга да келеди хариблик.
- Хар ишни да аллы къыйынды.
- Тик ёргени, тик энгишгеси да болады.
- Башынга джетмегенни сорма.
Ислам в Библии ? 200 пророчеств [для размышляющих обязательно!]
|
|
|
|
|
|
Читают тему (гостей: 1)