- Тил джюрекге джол ишлейди.
- Къарт айтханны этмеген, къартаймаз.
- Ётюрюкню къуйругъу – бир тутум.
- Сютню башын джалагъан къутулур, тюбюн ичген тутулур.
- Сакъалы текени да бар, мыйыгъы киштикни да бар.
- Тенгни тенглиги джашай барсанг билинир.
- Таякъ этден ётер, тил сюекден ётер.
- Берекет берсин деген джерде, берекет болур.
- От этилмеген джерден тютюн чыкъмайды.
- Эри аманны, къатыны – аман.
- Сёз – кюмюш, джыр – алтын.
- Уясында не кёрсе, учханында аны этер.
- Оюмсуз атлагъан, аджалсыз ёлюр.
- Билим къая тешер.
- Билмейме деген – бир сёз
- Кийимни бичсенг, кенг бич, тар этген къыйын тюлдю.
- Ауузу аманнга «иги», деме.
- Хар адамгъа кеси миннген тау кибик.
- Тойгъа алгъа да барма, тойда артха да къалма.
- Иги адам абынса да, джангылмаз.
- Джаным-тиним – окъуу, билим.
- Эринчекни эр алмаз, эр алса да, кёл салмаз, кёл салса да, кёб бармаз!
- Къыз чыгъаргъан – къызыл къымжа.
- Эм ашхы къайын ана мамукъ бла башынгы тешер.
- Ана кёлю – балада, бала кёлю – талада.
- Адебни адебсизден юрен.
- Онгсузну – джакъла, тенгликни – сакъла.
- Адеби болмагъан къыз – тузсуз хант.
- Кийим тукъум сордурур.
- Рысхы – насыбха къор.
- Къартны бурнун сюрт да, оноугъа тут.
- Джолунга кёре – джюрюшюнг, джагъанга кёре – юлюшюнг.
- Сабыр джетер муратха, сабырсыз къалыр уятха.
- Айранны сюйген, ийнек тутар.
- Ёлген аслан – сау чычхан.
- Тамчы таш тешер.
- Кимни – тили, тиши онглу, кимни – къолу, иши онглу.
- Айран ичген – къутулду, джугъусун джалагъан – тутулду.
- Ач, тоймам, дейди, тойгъан, ач болмам, дейди.
- Джерни букъусу кёкге къонмаз.
- Бет бетге къараса, бет да джерге къарар.
- Къаллай салам берсенг, аллай джууаб алырса.
- Адебсиз адам – джюгенсиз ат.
- Ашхы тенг джолгъа салыр, аман тенг джолдан тайдырыр.
- Сормай – алма, чакъырылмай – барма.
- Байны оноуу, джарлыгъа джарамаз.
- Сютден ауузу кюйген, суугъа юфгюре эди.
- Чабакъгъа акъыл, табагъа тюшсе келеди.
- Малны кют, джерни тюрт.
- Юй ишлеген балта эшикде къалыр.
Помним
Читают тему (гостей: 1)