- Къонакъ кёб келюучю юйню, къазаны отдан тюшмез.
- Айтхан – тынч, этген – къыйын.
- Суу кетер, таш къалыр.
- Сабыр джетер муратха, сабырсыз къалыр уятха.
- Джюрек кёзден алгъа кёрюр.
- Сёз сёзню айтдырыр.
- Мал ёлсе, сюек къалыр, адам ёлсе, иши къалыр.
- Аллахдан тилесенг, кёб тиле.
- Акъыл къартда, джашда тюйюлдю – башдады.
- Хар адамгъа кеси миннген тау кибик.
- Къыйынлы джети элни къайгъысын этер.
- Тойгъандан сора, ашны сёкме.
- Иги сёз – джаннга азыкъ, аман сёз башха – къазыкъ.
- Айраннга суу къош, телиге джол бош.
- Зарда марда джокъ.
- Зар адам ашынгы ашар, кесинги сатар.
- Джыйырма къойну юч джыйырма эбзе кюте эди.
- Тамбла алтындан бюгюн багъыр ашхы.
- Чарсда алчыны эл кёреди.
- Дууулдаса – бал чибин, къонса – къара чибин.
- Бал ашаргъа сюе эсенг, чибин ургъаннга тёз.
- Гырджын – тепсини тамадасы.
- Уллу сёлешме да, уллу къаб.
- Джырчы джырчыгъа – къарнаш.
- Тилчи тилден къаныкъмаз.
- Байдан умут эте, джарлыдан ёгюз багъасы къорады.
- Татлы сёз – балдан татлы.
- Игиге айтсанг – билир, аманнга айтсанг – кюлюр.
- Башы ишлегенни, ауузу да ишлер.
- Эл ауузу – элек, анга ийнаннган – халек.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эки элинги тыйсанг, джети элде махталырса.
- Харам къарнашдан, халал тенг ашхы.
- Асхат ашлыкъ сата, юйдегиси ачдан къата.
- Окъугъанны бети джарыкъ.
- Тешигини къатында, чычхан да батыр болур.
- Ата джурт – алтын бешик.
- Кийим тукъум сордурур.
- Къартны сыйын кёрмеген, къартлыгъында сыйлы болмаз.
- Адам боллукъ, атламындан белгили болур.
- Ашлыкъны арба юйге келтирир, чана базаргъа элтир.
- Кёл ашады да, кеси ашады.
- Сабийни джумушха джибер да, ызындан бар.
- Билим къая тешер.
- Эл элде бирер малынг болгъандан эсе, бирер тенгинг болсун.
- Ойнаб айтсанг да, эслеб айт.
- Тёзген – тёш ашар!
- Сёз садакъдан кючлюдю.
- Ышармагъан – кюлмез, кюлмеген – къууанчны билмез.
- Джырчы ёлсе, джыры къалыр.
Помним
Читают тему (гостей: 1)