- Сабий болмагъан джерде, мёлек болмаз.
- Къумурсхала джыйылсала, пилни да джыгъадыла.
- Урунуу – насыбны анасы.
- Сёз – кюмюш, джыр – алтын.
- Эрни эр этерик да, къара джер этерик да, тиширыуду.
- Ёлген аслан – сау чычхан.
- Атлыны кёрсе, джаяуну буту талыр.
- Ач отунчуну ачыуу – бурнунда.
- Дууулдаса – бал чибин, къонса – къара чибин.
- Кесине гебен этелмеген, биреуге черен эте эди.
- Элде адам къалмаса, ит тахтагъа минер.
- Ишленмеклик адамлыкъды.
- Бети бедерден, намыс сакълама.
- Хунаны тюбюн къазсанг, юсюнге ауар.
- Адамны артындан къара сабан сюрме.
- Кимни – тили, тиши онглу, кимни – къолу, иши онглу.
- Джашлыкъ этмеген, башлыкъ этмез.
- Гугук кесини атын айтыб къычыргъанча, мен, мен деб нек тураса?
- Аман адам элни бир-бирине джау этер.
- Бойнуму джети джерден кессенг да, мен ол ишни этеллик тюлме.
- Нафысынгы айтханын этме, намысынгы айтханын эт.
- Насыб бютеу халкъны юлюшюдю.
- Айтылгъан буйрукъ, сёгюлмез
- Оюмсуз атлагъан, аджалсыз ёлюр.
- Ариу – кёзге, акъыл – джюрекге.
- Къартны бурнун сюрт да, оноугъа тут.
- Келгинчи, къонакъ уялыр, келгенден сора, къонакъбай уялыр.
- Танг атмайма десе да, кюн къоярыкъ тюйюлдю.
- Этни да ашады, бетни да ашады.
- Биреуге аманлыкъны тилеме да, кесинге ашхылыкъны тиле.
- Малны кют, джерни тюрт.
- «Ёгюз, джаргъа джууукъ барма, меннге джюк боллукъса», - дегенди эшек.
- Иги адамны бир сёзю эки болмаз.
- Халкъгъа джарагъан, джарлы къалмаз.
- Сютню башын джалагъан къутулур, тюбюн ичген тутулур.
- Къаллай салам берсенг, аллай джууаб алырса.
- Къарыусузгъа кюлме, онгсузгъа тийме.
- Окъуусуз билим – джокъ, билимсиз кюнюнг – джокъ.
- Айтылгъан сёз ызына къайтмаз.
- Аманнга алтын чыдамаз.
- Адамны сыфатына къарама, сёзюне къара.
- Тёзген – тёш ашар!
- Тойгъан антын унутур.
- Джаным-тиним – окъуу, билим.
- Джылкъыдан – ат чыгъар, тукъумдан – джаш чыгъар.
- Къоркъакъны кёзю экили кёрюр.
- Нёгер болсанг, тенг бол, тенг болмасанг, кенг бол.
- Тешик этген тынчды, аны джамагъан къыйынды.
- Чакъырылмагъан къонакъ къачан кетерин сормаз.
- Адамгъа аман кюн соруб келмейди.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)