- «Ёгюз, джаргъа джууукъ барма, меннге джюк боллукъса», - дегенди эшек.
- Иги адамны бир сёзю эки болмаз.
- Эки къатын алгъан – эки ташны ортасына башын салгъан.
- Аш иеси бла татлыды.
- Къайтырыкъ эшигинги, къаты уруб чыкъма.
- Къайгъыны сюйген, къайгъы табар.
- Тойну къарнашы – харс, джырны къарнашы – эжиу.
- Къалгъан ишге къар джауар.
- Къолу уллу – асыу, аягъы уллу – джарсыу.
- Таукел адам тау тешер.
- Мухарны эси – ашарыкъда.
- Ойнаб айтсанг да, эслеб айт.
- Акъыл аздырмаз, билим тоздурмаз.
- Булут кёкге джарашыу, уят бетге джарашыу.
- Ётюрюкню башын керти кесер.
- Ач, тоймам, дейди, тойгъан, ач болмам, дейди.
- Адебни адебсизден юрен.
- Таш ата билмеген, башына урур.
- Ачлыкъда тары гырджын халыуадан татлы.
- Акъыллы айтыр эди, акъылсыз къоймайды.
- Ойнай билмеген, уруб къачар.
- Махтаннган къыз, тойда джукълар.
- Къатын байлыкъны сюер, эр саулукъну сюер.
- Онгсузну – джакъла, тенгликни – сакъла.
- Ёлген эшек бёрюден къоркъмайды.
- Керилген да, ургъан кибикди.
- Билген билмегенни юретген адетди.
- Башы джабылгъан челекге, кир тюшмез.
- Ашхы болсанг, атынг чыгъар, аман болсанг, джанынг чыгъар.
- Къаллай салам берсенг, аллай джууаб алырса.
- Ат басханны джер билед.
- Ёлген ийнек сютлю болур.
- Ауурну тюбю бла, дженгилни башы бла джюрюген.
- Иги болса, тамадама – махтау, аман болса, меннге – айыб.
- Къартны бурнун сюрт да, оноугъа тут.
- Къонакъ кёб келюучю юйню, къазаны отдан тюшмез.
- Акъыл неден да кючлюдю.
- Хазыр ашха – терен къашыкъ.
- Тешик этген тынчды, аны джамагъан къыйынды.
- Биреуге аманлыкъ этиб, кесинге игилик табмазса.
- Биреуню тёрюнден, кесинги эшик артынг игиди.
- Билим насыб берир, билим джолну керир.
- Аман адамны тепсинге олтуртсанг, къызынгы тилер.
- Кесине гебен этелмеген, биреуге черен эте эди.
- Ёлмесенг да, къарт дамы болмазса?
- Тилчи бир сагъатха айлыкъ хата этер.
- Алтыда кюлмеген, алтмышда кюлмез.
- Ишлемеген – тишлемез.
- Хоншуну тауугъу къаз кёрюнюр, келини къыз кёрюнюр.
- Мал кёб болса, джууукъ кёб болур.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)