- Билим ат болуб да чабар, къуш болуб да учар.
- Ишни ахырын ойламай, аллын башлама.
- Борчунг бар эсе, хурджунунга ойлаб узал.
- Къарнынг къанлынга кийирир.
- Ётюрюкню къуйругъу – бир тутум.
- Эл тойса, тоймагъан, эл къойса, къоймагъан.
- Иги болса, тамадама – махтау, аман болса, меннге – айыб.
- Огъурлуну сёзю – суу, огъурсузну сёзю – уу.
- Мен да «сен», дейме, сен да «кесим», дейсе.
- Ашхы атаны – джашы ашхы, ашхы ананы – къызы ашхы.
- Окъуусуз билим – джокъ, билимсиз кюнюнг – джокъ.
- Игиге айтсанг – билир, аманнга айтсанг – кюлюр.
- Къуру гыбыт бек дыгъырдар.
- Ата Джуртуму башы болмасам да, босагъасында ташы болайым.
- Ишлегенден, къарагъан уста.
- Зар адамны насыбы болмаз.
- Тулпарлыкъ, билекден тюл – джюрекден.
- Ауурну тюбю бла, дженгилни башы бла джюрюген.
- Джаш къарыу бла кючлю, къарт акъыл бла кючлю.
- Чомарт къолда мал къалмаз.
- «Ма», - дегенни билмесенг, «бер», - дегенни билмезсе.
- Ашхы адам – халкъ байлыгъы, ашхы джер – джашау байлыгъы.
- Къонакъны къачан кетерин сорма, къачан келлигин сор.
- Термилгенинги табмазса, кюлгенинге тюберсе.
- Ичимден чыкъды хата, къайры барайым сата?
- Азыгъы аз, алгъа къабар, аты аман, алгъа чабар.
- Эркишини аманы тиширыуну джылатыр.
- Хантына кёре тузу, юйюне кёре къызы.
- Аджашхан тёгерек айланыр.
- Джахил болса анасы, не билликди баласы?
- Тыш элде солтан болгъандан эсе, кесинги элде олтан болгъан игиди!
- Малны кют, джерни тюрт.
- Тюкюрюк баш джармаз, налат кёз чыгъармаз!
- Аман киши кеси юйюнде – къонакъ.
- Джашлыкъ этмеген, башлыкъ этмез.
- Юреннген ауруу къалмаз.
- Азыкъ аз болса, эртде орун сал.
- Билмегенинги, билгеннге сор.
- Кёбге таш атма.
- Аш хазыр болса, иш харам болур.
- Сууда джау джокъ, кёб сёзде магъана джокъ.
- Къазанны башы ачыкъ болса, итге уят керекди.
- Ата – баланы уясы.
- Бермеген къол, алмайды.
- Бети – къучакълар, джюреги – бычакълар.
- Ашыкъгъанны этеги бутуна чырмалыр.
- Баланы адам этген анады.
- Чакъырылмагъан къонакъ – орунсуз.
- Намыс сатылыб алынмайды.
- Аджалсыз ёлюм болмаз.
Лекции "70 воспитательных польз от поста"
Читают тему (гостей: 1)