- Аман адам этегингден тутса, кес да къач.
- Билим къая тешер.
- Эркиши – от, тиширыу – суу.
- Ач отунчуну ачыуу – бурнунда.
- Аджашханны ызындагъы кёреди, джангылгъанны джанындагъы биледи.
- Агъач – джерни чырайы, кийим – эрни чырайы.
- Къайтырыкъ эшигинги, къаты уруб чыкъма.
- Таш ата билмеген, башына урур.
- Ёмюрлюк шохлукъну джел элтмез.
- Баланы адам этген анады.
- Къозулугъунда тоймагъан, къойлугъунда тоймаз.
- Ашхы сёз таш тешер.
- Тилчиден кери бол.
- Джылар джаш, атасыны сакъалы бла ойнар.
- Къонагъы джокъну – шоху джокъ.
- Чакъырылмагъан къонакъ – орунсуз.
- Ичимден чыкъды хата, къайры барайым сата?
- Иги – алгъыш этер, аман – къаргъыш этер.
- Ойнай билмеген, уруб къачар.
- Джерни букъусу кёкге къонмаз.
- Иесиз малны бёрю ашар.
- Хазыр ашха – терен къашыкъ.
- Этни бети бла шорпасы.
- Ишлегенде эринме, ишде чолакъ кёрюнме.
- Дуния мал дунияда къалады.
- Адамны аманы адамны бети бла ойнар.
- Хунаны тюбюн къазсанг, юсюнге ауар.
- Ашына кёре табагъы, балына кёре къалагъы.
- Джумушакъ сёз къаты таякъны сындырыр.
- Акъыллы эркиши атын махтар, акъылсыз эркиши къатынын махтар.
- Айтхан – тынч, этген – къыйын.
- Эки итни арасына сюек атма, эки адамны арасында сёз чыгъарма.
- Адебни адебсизден юрен.
- Эр сокъур болсун, къатын тилсиз болсун.
- Насыб бютеу халкъны юлюшюдю.
- Нёгерсизни джолу узун.
- Юйюнгден чыкъдынг – кюнюнгден чыкъдынг.
- Къонакъ кёб келюучю юйню, къазаны отдан тюшмез.
- Къошда джокъгъа – юлюш джокъ.
- Башы ишлегенни, ауузу да ишлер.
- Борчунг бар эсе, хурджунунга ойлаб узал.
- Ёлген эшек бёрюден къоркъмайды.
- Ач келгенни – тойдур, кеч келгенни – къондур.
- Джарлы эскисин джамаса, къууаныр.
- Билмейме деген – бир сёз
- Кесине гебен этелмеген, биреуге черен эте эди.
- Бюгюн дуния кибик, тамбла ахыратды.
- Къаллай салам берсенг, аллай джууаб алырса.
- Ариу сёз – къылычдан джити.
- Акъыл къартда, джашда тюйюлдю – башдады.
Лекции "70 воспитательных польз от поста"
Читают тему (гостей: 1)