- Къолу уллу – асыу, аягъы уллу – джарсыу.
- Тик ёргени, тик энгишгеси да болады.
- Биреуге кёлтюрген таягъынг, кесинги башынга урур.
- Акъдан къара болмаз.
- Ёмюрлюк шохлукъну джел элтмез.
- Халкъны юйю – туугъан джери.
- Татлы тилде – сёз ариу, чемер къолда – иш ариу.
- Игиге айтсанг – билир, аманнга айтсанг – кюлюр.
- Джаш болсун, къыз болсун, акъылы, саны тюз болсун.
- Тилде сюек болмаса да, сюек сындырыр.
- Ашхы тенг джолгъа салыр, аман тенг джолдан тайдырыр.
- Этни да ашады, бетни да ашады.
- Телиге от эт десенг, юйюнге от салыр.
- Сагъышы джокъ – джукъучу, акъылы джокъ – къаугъачы.
- Аз айтсам, кёб ангылагъыз.
- Оюмсуз атлагъан, аджалсыз ёлюр.
- Ашын ашагъанынгы, башын да сыйла.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарны аманнга къазан такъдырма, къолу аманнга от джакъдырма.
- Тёгюлген тюгел джыйылмайды.
- Ёгюзню мюйюзюнден тутадыла, адамны сёзюнден тутадыла.
- Биреу ашаб къутулур, биреу джалаб тутулур.
- Сёз сёзню айтдырыр.
- Бал чибинни ургъаны – ачы, балы – татлы.
- Ауурну тюбю бла, дженгилни башы бла джюрюген.
- Кёб ант этген, кёб ётюрюк айтыр.
- Ашхы атаны – джашы ашхы, ашхы ананы – къызы ашхы.
- Къыз тиширыу кеси юйюнде да къонакъды.
- Ана къойну – балагъа джандет.
- Башынга джетмегенни сорма.
- Кютгени беш эчки, сызгъыргъаны уа, джерни джарады.
- Джарлыны тону джаз битер.
- Босагъа таш юйге кирмей эди, тыбыр таш эшикге чыкъмай эди.
- Аман адам элни бир-бирине джау этер.
- Байлыкъ болгъан джерде, тынчлыкъ джокъду.
- Ачылгъан эт джабылыр, кёрген кёз унутмаз.
- Юреннген ауруу къалмаз.
- Аман эсирсе, юйюн ояр.
- Бетинги сатма, малынгы сат.
- Этек чакъмакълары баш джаргъан, сёлешген сёзлери таш джаргъан.
- Тилчиден кери бол.
- Сабийни джумушха джибер да, ызындан бар.
- Абынмазлыкъ аякъ джокъ, джангылмазлыкъ джаякъ джокъ.
- Бёрю да ач къалмасын, эчки да ашалмасын.
- Арпа, будай – ащды, алтын, кюмюш а – ташды.
- Джолунга кёре – джюрюшюнг, джагъанга кёре – юлюшюнг.
- Экеу тутушса, биреу джыгъылыр.
- Чомартны къолу берекет.
- Таякъ этден ётер, тил сюекден ётер.
- Кёпюр салгъан кеси ётер, уру къазгъан кеси кетер.
Лекции "70 воспитательных польз от поста"
Читают тему (гостей: 1)