- Тёрени джагъы джокъ.
- Айранын берсенг, челегин да къызгъанма.
- Нёгерсизни джолу узун.
- Ач, тоймам, дейди, тойгъан, ач болмам, дейди.
- Терек ауса, отунчу – кёб.
- Джюз элде джюз ёгюзюм болгъандан эсе, джюз джууугъум болсун.
- Эл бла кёргенинг эрелей.
- Кёзюнде тереги болгъан, чёбю болгъаннга кюле эди.
- Къазанчы аман болса, къазаны къайнамаз.
- Аш берме да, къаш бер.
- Къуллукъчума, деб махтанма, къуллукъ – хаух джамчыды!
- Эринчекге кюн узун.
- Адамны джюреги нени кёрюрге сюйсе, кёзю да аны кёрюрге ёч болады.
- Билеги кючлю, бирни джыгъар, билими кючлю, мингни джыгъар.
- Эте билген, этген этеди, эте билмеген, юретген этеди!
- Таукел къуру къалмаз.
- Джиби бир къат джетмей эди да, эки къат тарта эди.
- Бир онгсуз адам адет чыгъарды, деб эштирик тюлсе.
- Ётюрюк хапар аякъ тюбю бла джюрюйдю.
- Ёлген аслан – сау чычхан.
- Ойнай билмеген, оюн бузар.
- Ачыкъ джюрекге джол – ачыкъ.
- Таш ата билмеген, башына урур.
- Алтыда кюлмеген, алтмышда кюлмез.
- Арбаз къынгырды да, ийнек сауалмайма.
- Аш кетер да бет къалыр.
- Сёлеш деб шай берген, тохта деб, сом берген.
- Зар адам ашынгы ашар, кесинги сатар.
- Ачлыкъда тары гырджын халыуадан татлы.
- Булут кёкге джарашыу, уят бетге джарашыу.
- Эм уллу байлыкъ – джан саулукъ.
- Сёз – кюмюш, джыр – алтын.
- Тай асырагъан, атха минер.
- Ишни ахырын ойламай, аллын башлама.
- Джахил болса анасы, не билликди баласы?
- Джаханимни кёрмей, джандетге кёл салмазса.
- Этни да ашады, бетни да ашады.
- Тенгинг джокъ эсе – изле, бар эсе – сакъла!
- Эри аманны, къатыны – аман.
- Кёлю джокъну – джолу джокъ.
- Байдан умут эте, джарлыдан ёгюз багъасы къорады.
- Джуртун къоругъан озар.
- Ашда уялгъан – мухар, ишде уялгъан – хомух.
- Билим – акъылны чырагъы.
- Телиге акъыл салгъандан эсе, ёлгеннге джан салырса.
- Кесинг сынамагъан затны, адамгъа буюрма.
- Ишлегенде эринме, ишде чолакъ кёрюнме.
- Башы джабылгъан челекге, кир тюшмез.
- Эркишиге тары кебек танг кёрюнюр.
- Аман адам этегингден тутса, кес да къач.
Лекции "70 воспитательных польз от поста"
Читают тему (гостей: 1)