- Берекет берсин деген джерде, берекет болур.
- Аурууну келиую тынч, кетиую – къыйын.
- Кесинге джетмегенни, кёб сёлешме.
- Таугъа чыгъаллыкъ эсенг, тюзде къалма.
- Тил джюрекге джол ишлейди.
- Aдам боллукъ, сыфатындан белгили.
- Кюн – узун, ёмюр – къысха.
- Адам къыйынлыгъын кёлтюрюр, зауукълугъун кёлтюрмез.
- Джылыгъа джылан илешир.
- Бети къызарыучу адамны, джюреги харам болмаз.
- Аз сёлешген, къайгъысыз турур.
- Нарт сёз къарт болмаз.
- Ат да турмайды бир териде.
- Ауругъаннга – кийик саулукъ, джетген къызгъа – чилле джаулукъ.
- Кийиминг бла танылма, адамлыкъ бла таныл.
- Башда акъыл болмаса, эки аякъгъа кюч джетер.
- Иги джашны ышаны – аз сёлешиб, кёб тынгылар.
- Айранын берсенг, челегин да къызгъанма.
- Къатын байлыкъны сюер, эр саулукъну сюер.
- Ашхы адам – халкъ байлыгъы, ашхы джер – джашау байлыгъы.
- Келинин тута билмеген, къул этер, къызын тута билмеген, тул этер.
- Чакъырылмагъан джерге барма, чакъырылгъан джерден къалма.
- Джумушакъ сёз къаты таякъны сындырыр.
- Ата джурт – алтын бешик.
- Акъыллы эркиши атын махтар, акъылсыз эркиши къатынын махтар.
- Таякъ этден ётер, тил сюекден ётер.
- Башсыз урчукъ тюзюне айланмаз.
- Бал чибинни ургъаны – ачы, балы – татлы.
- Джылкъыдан – ат чыгъар, тукъумдан – джаш чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Бек ашыкъгъан меннге джетсин, дегенди аракъы.
- Къоркъакъны кёзю экили кёрюр.
- Тил бла келеди джыр да.
- Тешик этген тынчды, аны джамагъан къыйынды.
- Алим болгъандан эсе, адам болгъан къыйынды.
- Юй ишлеген балта эшикде къалыр.
- Аманны къуугъан, аманлыкъ табар.
- Ачылгъан эт джабылыр, кёрген кёз унутмаз.
- Окъуусуз билим – джокъ, билимсиз кюнюнг – джокъ.
- Ана кёлю – балада, бала кёлю – талада.
- Ариу джол аджал келтирмез.
- Адамны артындан къара сабан сюрме.
- Нёгерсизни джолу узун.
- Билмейме деген – бир сёз
- Алтыннга тот къонмаз.
- Ашлыкъ – бюртюкден, джюн – тюкден.
- Адамны джюреги нени кёрюрге сюйсе, кёзю да аны кёрюрге ёч болады.
- Биреуню къыйынлыгъы бла кесинге джол ишлеме.
- Бет бетге къараса, бет да джерге къарар.
- Чомарт къонакъ юй иесин сыйлар.
