- Иги сеники эсе да, сюйген кесимикин этеме.
- Ашхы – джыяр, аман – джояр.
- Джиби бир къат джетмей эди да, эки къат тарта эди.
- Бети – къучакълар, джюреги – бычакълар.
- Аман адам элни бир-бирине джау этер.
- Аман адам этегингден тутса, кес да къач.
- Къарт бла баш аша, джаш бла аякъ аша.
- Келгинчи, къонакъ уялыр, келгенден сора, къонакъбай уялыр.
- Мен да «сен», дейме, сен да «кесим», дейсе.
- Аман хансны – урлугъу кёб.
- Дженгил джетерикме деб, узун джолну къоюб, къысхасын барма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къулакъдан эсе, кёзге ышан.
- Тойгъандан сора, ашны сёкме.
- Джылыгъа джылан илешир.
- Джаралыны джастыгъында сау ёлюр.
- Мураты болгъанны джюрек тебюую башхады.
- Тёрдеги кюлсе, эшикдеги ышарыр.
- Сабыр джетер муратха, сабырсыз къалыр уятха.
- Кёзюнде тереги болгъан, чёбю болгъаннга кюле эди.
- Ач къарынны, токъ билмез
- Эки къатын алгъан – эки ташны ортасына башын салгъан.
- Мухар, кеси тойса да, кёзю тоймаз.
- Бир онгсуз адам адет чыгъарды, деб эштирик тюлсе.
- Минг тенг да азды, бир джау да кёбдю.
- Тамчы таш тешер.
- Аш берме да, къаш бер.
- Ата Джуртча джер болмаз, туугъан элча эл болмаз.
- Аман адамны тепсинге олтуртсанг, къызынгы тилер.
- Иги сёз – джаннга азыкъ, аман сёз башха – къазыкъ.
- Экеулен сёлеше тура эселе, орталарына барыб кирме.
- Азыгъы аз, алгъа къабар, аты аман, алгъа чабар.
- Таугъа чыгъаллыкъ эсенг, тюзде къалма.
- Къонакъны къачан кетерин сорма, къачан келлигин сор.
- Биреуге аманлыкъ этиб, кесинге игилик табмазса.
- Миллетни бойну – базыкъ, аны бла кюрешген – джазыкъ.
- Киштикге къанат битсе, чыпчыкъ къалмаз эди.
- Суугъа – таянма, джаугъа – ийнанма.
- Кийимни бичсенг, кенг бич, тар этген къыйын тюлдю.
- Иги – алгъыш этер, аман – къаргъыш этер.
- Тамырсыз терекге таянма – джыгъылырса.
- Окъугъанны бети джарыкъ.
- Ашхы тенг джолгъа салыр, аман тенг джолдан тайдырыр.
- Аманнга игилик этсенг, юйюнге сау бармазса.
- Баш болса, бёрк табылыр.
- Окъугъан – асыу, окъумагъан – джарсыу.
- Къуру гыбыт бек дыгъырдар.
- Тилде сюек болмаса да, сюек сындырыр.
- Уллу айтханны этмеген – уллаймаз.
- Шайтан алдады, тюзлюк къаргъады.
