- Кёбге таш атма.
- Таукел тауну аудурур.
- Джырына кёре эжиую.
- Аллахдан тилесенг, кёб тиле.
- Тойгъан джерден туугъан джер игиди.
- Чомарт къонакъ юй иесин сыйлар.
- Джолунга кёре – джюрюшюнг, джагъанга кёре – юлюшюнг.
- Биреуге аманлыкъ этиб, кесинге игилик табмазса.
- Эки итни арасына сюек атма, эки адамны арасында сёз чыгъарма.
- Чомартха Тейри да борчлуду.
- Тёзгеннге, джабылгъан эшик ачылыр.
- Тынгылагъан тынгы бузар.
- Кёрмегеннге кебек – танг, битмегеннге сакъал – танг.
- Кёб ант этген, кёб ётюрюк айтыр.
- Ауурну тюбю бла, дженгилни башы бла джюрюген.
- Адамны бетине къарама, адетине къара.
- Джюрек кёзден алгъа кёрюр.
- Ариу сёз – джаннга азыкъ, аман сёз – башха къазыкъ.
- Джол бла сёзню къыйыры джокъ.
- Аман къатын сабий табса, бий болур…
- Аджашхан тёгерек айланыр.
- Адам туугъан джеринде, ит тойгъан джеринде.
- Къайтырыкъ эшигинги, къаты уруб чыкъма.
- Агъач – джерни чырайы, кийим – эрни чырайы.
- Ёпкелегенни ашы татлы болады.
- Чабакъгъа акъыл, табагъа тюшсе келеди.
- Джигер – джаннга къыйынлыкъ.
- Ач бёрюге мекям джокъ.
- Биреуню къыйынлыгъы бла кесинге джол ишлеме.
- Къатын къылыкъсыз, эр тынчлыкъсыз.
- Къыйынлы джети элге оноу этер.
- Махтаннган къыз, тойда джукълар.
- Халкъгъа джарагъан, джарлы къалмаз.
- Иги болса, тамадама – махтау, аман болса, меннге – айыб.
- Эртде тургъан джылкъычыны эркек аты тай табар.
- Ачлыкъда тары гырджын халыуадан татлы.
- Урама да – ёледи, сатама да – келеди.
- Накъырданы арты керти болур.
- Байдан умут эте, джарлыдан ёгюз багъасы къорады.
- Эри аманны, къатыны – аман.
- Къолунгдан къуймакъ ашатсанг да, атаны борчундан къутулмазса.
- Ат да турмайды бир териде.
- Окъдан джара эртде-кеч болса да бителир, сёз джара, ёмюрге къалыр.
- Алгъанда – джууукъ, бергенде – джау.
- Дуния малгъа сатылма, кесингден телиге къатылма.
- Уллу атлама – абынырса, уллу къабма – къарылырса.
- Суугъа – чабакъ, къаягъа – ыргъакъ.
- Келинни – келгинчи, бёркню кийгинчи кёр.
- Эл ауузу – элия.
- Ойнай билмеген, оюн бузар.
