- Дженгил джетерикме деб, узун джолну къоюб, къысхасын барма.
- Сабий кёргенин унутмаз.
- Таугъа чыгъаллыкъ эсенг, тюзде къалма.
- Джангыз терек къынгыр ёсер.
- Хар ишни да аллы къыйынды.
- Иги сёз – джаннга азыкъ, аман сёз башха – къазыкъ.
- Ашлыкъ – бюртюкден, джюн – тюкден.
- Башы джабылгъан челекге, кир тюшмез.
- Ана къолу ачытмаз.
- Ауругъаннга – кийик саулукъ, джетген къызгъа – чилле джаулукъ.
- Адам боллукъ, атламындан белгили болур.
- Джукъу тёшек сайламайды.
- Билим ат болуб да чабар, къуш болуб да учар.
- Чыбыкълыкъда бюгюлмеген, къазыкълыкъда бюгюлмей эди.
- Кёкдеги болмаса, джердегин кёрмейди.
- Адам сёзюнден белгили.
- Аз сёлеш, кёб ишле.
- Бети бедерден, намыс сакълама.
- Бети – къучакълар, джюреги – бычакълар.
- Азыкъ аз болса, эртде орун сал.
- Кечеси – аяз, кюню – къыш, джарлы къаргъагъа бир аш тюш!
- Тил джюрекге джол ишлейди.
- Айныгъанлы алты кюн, тогъайгъанлы тогъуз кюн.
- Къарыусузгъа кюлме, онгсузгъа тийме.
- Бет бетге къараса, бет да джерге къарар.
- Ишлерге уял да, ашаргъа табма.
- Кёзден кетген, кёлден да кетеди.
- Бал чибинни ургъаны – ачы, балы – татлы.
- Бозаны арты дауур болур.
- Бети къызарыучу адамны, джюреги харам болмаз.
- Къарнынг ауруса, ауузунгу тый
- Тура эдим джата, къайдан чыкъды хата?
- Акъыл неден да кючлюдю.
- Хантына кёре тузу, юйюне кёре къызы.
- Джол бла сёзню къыйыры джокъ.
- Тулпарлыкъ, билекден тюл – джюрекден.
- Адам къаллай бир ишленмесе, аллай бир кесин уллу кёреди.
- Садакъачыны джаны – къапчыгъында.
- Насыб бютеу халкъны юлюшюдю.
- Кёзюнде тереги болгъан, чёбю болгъаннга кюле эди.
- Къонакъ аз олтурур, кёб сынар.
- Къанны къан бла джуума, аманны аман бла къуума.
- Ким бла джюрюсенг, аны кёзю бла кёрюнюрсе.
- Иги адамны бир сёзю эки болмаз.
- Гугурук къычырмаса да, тангны атары къалмаз.
- Миллетни бойну – базыкъ, аны бла кюрешген – джазыкъ.
- Тынгылагъан тынгы бузар.
- Кёбню кёрген – кёб билир.
- Адамны сабийин сюйген джюреги, бычакъча, джитиди.
- Кюн – узун, ёмюр – къысха.
