- Агъач халкъгъа алтынды, иссиликге салкъынды.
- Айтылгъан буйрукъ, сёгюлмез
- Къар – келтирди, суу – элтди.
- Олтуруб кёрюнмей эди да, ёрге туруб кёрюне эди.
- Эркишини аманы тиширыуну джылатыр.
- Ушамагъан – джукъмаз.
- Бал ашаргъа сюе эсенг, чибин ургъаннга тёз.
- Чомартны къолу берекет.
- Аз сёлеш, кёб ишле.
- Джарашыу сюйген – джалынчакъ.
- Сёз – кюмюш, джыр – алтын.
- Бети бедерден, намыс сакълама.
- Кёзюнде тереги болгъан, чёбю болгъаннга кюле эди.
- Урунуу – насыбны анасы.
- Тилчиден кери бол.
- Сагъыш – къартлыкъгъа сюйюмчю.
- Тёзген – тёш ашар!
- Ана къойну – балагъа джандет.
- Тил – миллетни джаны.
- Тёгюлген тюгел джыйылмайды.
- Къайгъы тюбю – тенгиз.
- Сютню башын джалагъан къутулур, тюбюн ичген тутулур.
- Бет бетге къараса, бет да джерге къарар.
- Джуртун къоругъан озар.
- Байны оноуу, джарлыгъа джарамаз.
- Оюмсуз атлагъан, аджалсыз ёлюр.
- Битмегеннге сакъал – танг.
- Мадар болса, къадар болур.
- Къая джолда джортма, ачыкъ сёзден къоркъма.
- Мени джылытмагъан кюн, меннге тиймесин!
- Ачлыкъда тары гырджын халыуадан татлы.
- Джол бла сёзню къыйыры джокъ.
- Адамны сыфатына къарама, сёзюне къара.
- Къызны минг тилер, бир алыр.
- Аджалсыз ёлюм болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сакъ юйюне сау барыр.
- Тешик этген тынчды, аны джамагъан къыйынды.
- Борчунг бар эсе, хурджунунга ойлаб узал.
- Насыб бютеу халкъны юлюшюдю.
- Аурууну келиую тынч, кетиую – къыйын.
- Тёзгеннге, джабылгъан эшик ачылыр.
- Баш – акъыл ючюн, акъылман – халкъ ючюн.
- Джаралыны джастыгъында сау ёлюр.
- Ёзденликни кёбю ётюрюк.
- Джарлыны тону джаз битер.
- Бойнуму джети джерден кессенг да, мен ол ишни этеллик тюлме.
- Адам къыйынлыгъын кёлтюрюр, зауукълугъун кёлтюрмез.
- Бир онгсуз адам адет чыгъарды, деб эштирик тюлсе.
- Аман эсирсе, юйюн ояр.
