- Болджал ишни бёрю ашар.
- Къан бла кирген, джан бла чыгъар.
- Аман къатын алгъан, арыр, иги къатын алгъан джарыр.
- Чомарт джарлы болмаз.
- Эр абынмай, эл танымаз.
- Бети – къучакълар, джюреги – бычакълар.
- Ёгюзню мюйюзлери ауурлукъ этмейдиле.
- Хансыз джомакъ болмаз.
- Нёгерсизни джолу узун.
- Эр сокъур болсун, къатын тилсиз болсун.
- Джиби бир къат джетмей эди да, эки къат тарта эди.
- Къулакъдан эсе, кёзге ышан.
- Ёксюзню тилеги къабыл болур.
- Агъач – джерни чырайы, кийим – эрни чырайы.
- Аман эсирсе, юйюн ояр.
- Акъыллы эркиши атын махтар, акъылсыз эркиши къатынын махтар.
- Окъуу – билимни ачхычы, окъуу – дунияны бачхычы.
- Ёлген аслан – сау чычхан.
- Тынгылагъан тынгы бузар.
- Аш берме да, къаш бер.
- Билмейме деген – бир сёз
- Эринчекге кюн узун.
- Тулпарлыкъ, билекден тюл – джюрекден.
- Ач, тоймам, дейди, тойгъан, ач болмам, дейди.
- Къайгъыны сюйген, къайгъы табар.
- Дууулдаса – бал чибин, къонса – къара чибин.
- Магъанасыз сёз – тауушсуз сыбызгъы.
- Сормай – алма, чакъырылмай – барма.
- Айран тёгюлсе, джугъусу къалыр.
- Джюз элде джюз ёгюзюм болгъандан эсе, джюз джууугъум болсун.
- Уллу къазанда бишген эт, чий къалмаз.
- Башланнган иш битер, къымылдагъан тиш тюшер.
- Элге къуллукъ этмеген, элге ие болмаз.
- Ата джурт – алтын бешик.
- Сакъламагъан затынга джолукъсанг, не бек къууанаса, не бек ачыйса.
- Бети къызарыучу адамны, джюреги харам болмаз.
- Къозулугъунда тоймагъан, къойлугъунда тоймаз.
- Иги адам абынса да, джангылмаз.
- Ачыкъ джюрекге джол – ачыкъ.
- Чыбыкълыкъда бюгюлмеген, къазыкълыкъда бюгюлмей эди.
- Хар ишни да аллы къыйынды.
- Ачлыкъ отха секиртир.
- Таукел къуру къалмаз.
- Хазыр ашха – терен къашыкъ.
- Тау башында, тау болмаз, джангыз терек, бау болмаз.
- Кесине гебен этелмеген, биреуге черен эте эди.
- Ишлемеген – тишлемез.
- Эри аманны, къатыны – аман.
- Ёмюрлюк шохлукъну джел элтмез.
- Адам боллукъ, атламындан белгили болур.
