- Джашлыкъ этмеген, башлыкъ этмез.
- Ётюрюкню къуйругъу – бир тутум.
- Мал тутхан – май джалар.
- Бастасын ашагъан, хантусун да ичер.
- Къралынгы – душмандан, башынгы от бла суудан сакъла.
- Окъугъан озар, окъумагъан тозар.
- Нафысынгы айтханын этме, намысынгы айтханын эт.
- Бир онгсуз адам адет чыгъарды, деб эштирик тюлсе.
- Ана – юйню кюн джарыгъы.
- Шайтан алдады, тюзлюк къаргъады.
- Татлы сёз – балдан татлы.
- Ата – билек, ана – джюрек!
- Тойгъа алгъа да барма, тойда артха да къалма.
- Хазыр ашха – терен къашыкъ.
- Иги сеники эсе да, сюйген кесимикин этеме.
- Орундукъ тюбюнде атылсам да, орта джиликме, де да айлан.
- Айранын берсенг, челегин да къызгъанма.
- Адамны джюреги нени кёрюрге сюйсе, кёзю да аны кёрюрге ёч болады.
- Чомарт джарлы болмаз.
- Окъугъанны бети джарыкъ.
- Булут кёкге джарашыу, уят бетге джарашыу.
- Тойчу джашха къарама, къойчу джашха къара.
- «Ёгюз, джаргъа джууукъ барма, меннге джюк боллукъса», - дегенди эшек.
- Эринчекни эр алмаз, эр алса да, кёл салмаз, кёл салса да, кёб бармаз!
- Халкъны юйю – туугъан джери.
- Чакъырылгъанны аты, чакъырылмагъанны багъасы болур.
- Байлыкъ тауусулур, билим тауусулмаз.
- Джаз бир кюнню джатсанг, къыш талай кюнню абынырса.
- Ач уят къоймаз.
- Мадар болса, къадар болур.
- Аууз сакълагъан – джан сакълар.
- Ичимден чыкъды хата, къайры барайым сата?
- Тойгъандан сора, ашны сёкме.
- Джюз элде джюз ёгюзюм болгъандан эсе, джюз джууугъум болсун.
- Чабакъсыз кёлге къармакъ салгъанлыкъгъа, чабакъ тутмазса.
- Джерни букъусу кёкге къонмаз.
- Уллу къазанда бишген эт, чий къалмаз.
- Накъырда – кертини келечиси.
- Акъыл неден да кючлюдю.
- Аман хансны – урлугъу кёб.
- Ёлмесенг да, къарт дамы болмазса?
- Ёгюзню мюйюзюнден тутадыла, адамны сёзюнден тутадыла.
- Къаллай салам берсенг, аллай джууаб алырса.
- Этим кетсе да, сюегим къалыр.
- Хата – гитчеден.
- Ойнай-ойнай кёз чыгъар.
- Билимсиз иш бармаз.
- Джюрекге ариу – кёзге да ариу.
- Акъыллы башны – тили къысха.
- Къыз чыгъаргъан – къызыл къымжа.
