- Къызгъанчдан ычхыныр, мухардан ычхынмаз.
- Ауругъаннга – кийик саулукъ, джетген къызгъа – чилле джаулукъ.
- Сёлеш деб шай берген, тохта деб, сом берген.
- Ёмюрлюк шохлукъну джел элтмез.
- Эки итни арасына сюек атма, эки адамны арасында сёз чыгъарма.
- Кийим тукъум сордурур.
- Ашхы болсанг, атынг чыгъар, аман болсанг, джанынг чыгъар.
- Босагъагъа джууукъ орун болса, ашыгъыб тёрге озма.
- Тёзген – тёш ашар!
- Билеги кючлю, бирни джыгъар, билими кючлю, мингни джыгъар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу джол аджал келтирмез.
- Тынгылагъан тынгы бузар.
- Къарнынг тойгъунчу аша да, белинг талгъынчы ишле.
- Эрни эр этерик да, къара джер этерик да, тиширыуду.
- Уллу суу бла уллу ауруудан башынгы сакъла.
- Келинин тута билмеген, къул этер, къызын тута билмеген, тул этер.
- Арба аугъандан сора, джол кёргюзтюучю кёб болур.
- Джол бла сёзню къыйыры джокъ.
- Кюлме джашха – келир башха.
- Аз сёлеш, кёб ишле.
- Насыблы элин сюер, насыбсыз кесин сюер.
- Огъурлуну сёзю – суу, огъурсузну сёзю – уу.
- Бермеген къол, алмайды.
- Джетген къыз джерли эшекни танымаз.
- Джолунга кёре – джюрюшюнг, джагъанга кёре – юлюшюнг.
- Суу да къайтады чыкъгъан джерине.
- Ойнай билмеген, уруб къачар.
- Ата – баланы уясы.
- Тай асырагъан, атха минер.
- Урунуу – насыбны анасы.
- Къолунгдан къуймакъ ашатсанг да, атаны борчундан къутулмазса.
- Чомарт къолда мал къалмаз.
- Таякъ этден ётер, тил сюекден ётер.
- Джюрекден джюрекге джол барды.
- Къыз тиширыу кеси юйюнде да къонакъды.
- «Ёгюз, джаргъа джууукъ барма, меннге джюк боллукъса», - дегенди эшек.
- Махтаннган къыз, тойда джукълар.
- Элге къуллукъ этмеген, элге ие болмаз.
- Тойгъандан сора, ашны сёкме.
- Къонакъны къачан кетерин сорма, къачан келлигин сор.
- От этилмеген джерден тютюн чыкъмайды.
- Бир абыннган – минг сюрюнюр.
- Киштикге къанат битсе, чыпчыкъ къалмаз эди.
- Садакъачыны джаны – къапчыгъында.
- Таукел тауну аудурур.
- Нафысынгы айтханын этме, намысынгы айтханын эт.
- Бозанг болмагъан джерге, къалагъынгы сукъма.
- Хар сёзню орну барды.
- Чомарт бергенин айтмаз.
Энциклопедия ответов на доводы приверженцев суфизма
Читают тему (гостей: 1)