- Адам боллукъ, атламындан белгили болур.
- Уллу суу бла уллу ауруудан башынгы сакъла.
- Юйюнг бла джау болгъандан эсе, элинг бла джау бол.
- Ётюрюкчюню шагъаты – къатында.
- Ётюрюк хапар аякъ тюбю бла джюрюйдю.
- Бир абыннган – минг сюрюнюр.
- Билеги кючлю, бирни джыгъар, билими кючлю, мингни джыгъар.
- Джарлыны эшигин махтагъан джабар.
- Акъыл къартда, джашда тюйюлдю – башдады.
- Кёзню ачылгъаны – иги, ауузну джабылгъаны – иги.
- Джаз бир кюнню джатсанг, къыш талай кюнню абынырса.
- Садакъачыны джаны – къапчыгъында.
- Къан бла кирген, джан бла чыгъар.
- Тюкюрюк баш джармаз, налат кёз чыгъармаз!
- Кёз – сюйген джерде, къол – ауругъан джерде.
- Алгъанда – джууукъ, бергенде – джау.
- Аууздан келген, къолдан келсе, ким да патчах болур эди.
- Тёрени джагъы джокъ.
- Ач – эснер, ат – кишнер.
- Окъдан джара эртде-кеч болса да бителир, сёз джара, ёмюрге къалыр.
- Ач уят къоймаз.
- Джашда акъыл джокъ, къартда къарыу джокъ.
- Оюмсуз атлагъан, аджалсыз ёлюр.
- Джаш болсун, къыз болсун, акъылы, саны тюз болсун.
- Тойгъан джерден туугъан джер игиди.
- Сормай – алма, чакъырылмай – барма.
- Адамны адамлыгъы къыйынлыкъда айгъакъланады.
- Узун джолну барсанг, бюгюн келирсе, къысха джолну барсанг, тамбла келирсе.
- Эринчекге кюн узун.
- Ачлыкъ отха секиртир.
- Ишин билген, аны сыйын чыгъарады.
- Чакъырылмай келген къонакъ сыйланмай кетер.
- Суугъа – чабакъ, къаягъа – ыргъакъ.
- Акъыл неден да кючлюдю.
- Эрине къаргъыш этген къатын, эрнин къабар.
- Окъ къызбайны джокълайды.
- Ата джурт – алтын бешик.
- Къоркъакъны кёзю экили кёрюр.
- Джаным-тиним – окъуу, билим.
- Къайгъы тюбю – тенгиз.
- Уллу къазанда бишген эт, чий къалмаз.
- Къыйынлы джети элге оноу этер.
- Юй кюйдю да, кюйюз чыкъды, ортасындан тюйюш чыкъды.
- Гугурук къычырмаса да, тангны атары къалмаз.
- Эринчекни аурууу – кёб.
- Арбаз къынгырды да, ийнек сауалмайма.
- Тёгюлген тюгел джыйылмайды.
- Кесине гебен этелмеген, биреуге черен эте эди.
- Эри аманны, къатыны – аман.
- Эрни эр этерик да, къара джер этерик да, тиширыуду.
Энциклопедия ответов на доводы приверженцев суфизма
Читают тему (гостей: 1)