- Юреннген ауруу къалмаз.
- Аякъларынгы джууургъанынга кёре узат.
- Аман адамны тепсинге олтуртсанг, къызынгы тилер.
- Джарлы эскисин джамаса, къууаныр.
- Кёл – къызбай, къол – батыр.
- Душманны тышы – акъ, ичи – къара.
- Башы ишлегенни, ауузу да ишлер.
- Джылыгъа джылан илешир.
- Кёпюр салгъан кеси ётер, уру къазгъан кеси кетер.
- Бюгюн дуния кибик, тамбла ахыратды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарны аманнга къазан такъдырма, къолу аманнга от джакъдырма.
- Тилчи бир сагъатха айлыкъ хата этер.
- Насыблы элин сюер, насыбсыз кесин сюер.
- Хар адамгъа кеси миннген тау кибик.
- Айтхан сёзюне табылгъан.
- Кюн – узун, ёмюр – къысха.
- Биреу ашаб къутулур, биреу джалаб тутулур.
- Таукел адам тау тешер.
- Термилгенинги табмазса, кюлгенинге тюберсе.
- Ариуну – ауруу кёб.
- Джарлыны тону джаз битер.
- Гугук кесини атын айтыб къычыргъанча, мен, мен деб нек тураса?
- Акъыллы айтыр эди, акъылсыз къоймайды.
- Джылкъыдан – ат чыгъар, тукъумдан – джаш чыгъар.
- Уллу сёзде уят джокъ.
- Аш иеси бла татлыды.
- Байны къызы баймакъ болса да, юйде къалмаз!
- Ашлыкъ – бюртюкден, джюн – тюкден.
- Билим насыб берир, билим джолну керир.
- Биреуню эскиси биреуге джангы болмайды.
- Атлыны кёрсе, джаяуну буту талыр.
- Сёз сёзню айтдырыр.
- Таукелге нюр джауар.
- Адам боллукъ, атламындан белгили болур.
- Акъыллы эркиши атын махтар, акъылсыз эркиши къатынын махтар.
- Абынмазлыкъ аякъ джокъ, джангылмазлыкъ джаякъ джокъ.
- Ата Джуртча джер болмаз, туугъан элча эл болмаз.
- Чабакъ башындан чирийди.
- Ауузу аманнга «иги», деме.
- Окъумагъан сокъурду, сокъур ташха абыныр!
- Берекет берсин деген джерде, берекет болур.
- Биреуге кёлтюрген таягъынг, кесинги башынга урур.
- Биреу къой излей, биреу той излей.
- Тойгъан джерге джети къайт.
- Къарын къуру болса, джюрек уру болур.
- Нёгерсизни джолу узун.
- Адеб базарда сатылмаз.
- Чомарт къонакъ юй иесин сыйлар.
- Сагъыш – къартлыкъгъа сюйюмчю.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)