- Адеб базарда сатылмаз.
- Тенги кёбню джау алмаз, акъылы кёбню дау алмаз.
- Эл бла кёргенинг эрелей.
- Тулпарлыкъ, билекден тюл – джюрекден.
- Тура эдим джата, къайдан чыкъды хата?
- Джангыз терек къынгыр ёсер.
- Туз, гырджын аша, тюзлюк бла джаша.
- Айтханы чапыракъдан ётмеген.
- Бичгенде ашыкъма, тикгенде ашыкъ.
- Эркишиге тары кебек танг кёрюнюр.
- Тюзлюк шохлукъну бегитир.
- Дууулдаса – бал чибин, къонса – къара чибин.
- Терек ауса, отунчу – кёб.
- Тынгылагъан тынгы бузар.
- Билим – акъылны чырагъы.
- Джашда акъыл джокъ, къартда къарыу джокъ.
- Тилчиден кери бол.
- Мал тутхан – май джалар.
- Агъач халкъгъа алтынды, иссиликге салкъынды.
- Кёкдеги болмаса, джердегин кёрмейди.
- Оюмсуз атлагъан, аджалсыз ёлюр.
- Мухардан ач ычхынмаз.
- Бек анасы джыламаз.
- Бозанг болмагъан джерге, къалагъынгы сукъма.
- Эки къатын алгъанны къулагъы тынгнгаймаз.
- Хансыз джомакъ болмаз.
- Къарын къуру болса, джюрек уру болур.
- Ана къолу ачытмаз.
- Байлыкъ адамны сокъур этер.
- Къыз келсе, джумуш эте келеди, къатын келсе, ушакъ эте келеди.
- Джырчы ёлсе, джыры къалыр.
- Сабий болмагъан джерде, мёлек болмаз.
- Джаханимни кёрмей, джандетге кёл салмазса.
- Тойгъан джерден туугъан джер игиди.
- Къызбайны юйюне дери сюрсенг, батыр болур.
- Кёлсюзден сёзсюз тууар.
- Бал чибинни ургъаны – ачы, балы – татлы.
- Ашхы сёз таш тешер.
- Бети къызарыучу адамны, джюреги харам болмаз.
- Кёб джат да, бек чаб.
- Сагъыш – къартлыкъгъа сюйюмчю.
- Керек ташны ауурлугъу джокъ.
- Джюрекден джюрекге джол барды.
- Джылар джаш, атасыны сакъалы бла ойнар.
- Аман адамны тепсинге олтуртсанг, къызынгы тилер.
- Адам къыйынлыгъын кёлтюрюр, зауукълугъун кёлтюрмез.
- Сёз сёзню айтдырыр.
- Къанны къан бла джуума, аманны аман бла къуума.
- Тыш элде солтан болгъандан эсе, кесинги элде олтан болгъан игиди!
- Ата Джуртун танымагъан, атасын да танымаз.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)