- Иги адамны бир сёзю эки болмаз.
- Къонакъны къачан кетерин сорма, къачан келлигин сор.
- Уруну арты – къуру.
- Джаш болсун, къыз болсун, акъылы, саны тюз болсун.
- Ач бёрюге мекям джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Тас болгъан бычакъны сабы – алтын.
- Сабий болмагъан джерде, мёлек болмаз.
- Хаухну атма, ёнгкючню сатма.
- Хар адамгъа кеси миннген тау кибик.
- Миллетни бойну – базыкъ, аны бла кюрешген – джазыкъ.
- Билеги кючлю, бирни джыгъар, билими кючлю, мингни джыгъар.
- Ач да бол, токъ да бол – намысынга бек бол.
- Ач уят къоймаз.
- Къартны сыйын кёрмеген, къартлыгъында сыйлы болмаз.
- Суугъа – таянма, джаугъа – ийнанма.
- Ишлегенде эринме, ишде чолакъ кёрюнме.
- Байлыкъ адамны сокъур этер.
- Окъдан джара эртде-кеч болса да бителир, сёз джара, ёмюрге къалыр.
- Адам къаллай бир ишленмесе, аллай бир кесин уллу кёреди.
- Мадар болса, къадар болур.
- Кёзюнде тереги болгъан, чёбю болгъаннга кюле эди.
- Акъыл сабырлыкъ берир.
- Ашхы болсанг, атынг чыгъар, аман болсанг, джанынг чыгъар.
- Къоркъакъны кёзю экили кёрюр.
- Къыз тиширыу кеси юйюнде да къонакъды.
- Бёрю да ач къалмасын, эчки да ашалмасын.
- Окъумагъан сокъурду, сокъур ташха абыныр!
- Аш берме да, къаш бер.
- Гыдай эчки суугъа къараб, мюйюзле кёрмесе, джашма алкъын, дегенди.
- Ичимден чыкъды хата, къайры барайым сата?
- Акъыл бла адеб эгизледиле.
- Алим болгъандан эсе, адам болгъан къыйынды.
- Бети бедерден, намыс сакълама.
- Кёзню ачылгъаны – иги, ауузну джабылгъаны – иги.
- Атынг аманнга чыкъгъандан эсе, джанынг тамагъынгдан чыкъсын.
- Киштикге къанат битсе, чыпчыкъ къалмаз эди.
- Акъдан къара болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чомартны къолун джокълукъ байлар.
- Ойнай билмеген, уруб къачар.
- Аджал соруб келмез, келсе, къайтыб кетмез.
- Иги – алгъыш этер, аман – къаргъыш этер.
- Биреу къой излей, биреу той излей.
- Сангырау къулакъ эл бузар.
- Сютден ауузу кюйген, суугъа юфгюре эди.
- Ёмюрлюк шохлукъну джел элтмез.
- Ишлемеген – тишлемез.
- Джахил болса анасы, не билликди баласы?
- Адамны аты башхача, акъылы да башхады.
