- Къонакъ аман болса, къонакъбай джунчур
- Таукелге нюр джауар.
- Келинни – келгинчи, бёркню кийгинчи кёр.
- Ишге юренсин къоллары, халкъ бла болсун джоллары.
- Билим къая тешер.
- Эри аманны, къатыны – аман.
- Кёлсюзден сёзсюз тууар.
- Таугъа чыгъаллыкъ эсенг, тюзде къалма.
- Накъырданы арты керти болур.
- Тёзген – тёш ашар!
- Кёбге таш атма.
- Шайтан алдады, тюзлюк къаргъады.
- Къатын къылыкъсыз, эр тынчлыкъсыз.
- Къарнынг бла ёч алма.
- Билимден уллу байлыкъ джокъду.
- Джырчы ёлсе, джыры къалыр.
- Эл ауузу – элек, анга ийнаннган – халек.
- Суугъа – чабакъ, къаягъа – ыргъакъ.
- Мени джылытмагъан кюн, меннге тиймесин!
- Сибиртки да сыйлы болду, кюрек да кюнлю болду.
- Бир абыннган – минг сюрюнюр.
- Джангыз терек къынгыр ёсер.
- Нёгер болсанг, тенг бол, тенг болмасанг, кенг бол.
- Сууда джау джокъ, кёб сёзде магъана джокъ.
- Джигер – джаннга къыйынлыкъ.
- Сакъ юйюне сау барыр.
- Окъугъанны бети джарыкъ.
- Ёзденликни кёбю ётюрюк.
- Адамны адамлыгъы къыйынлыкъда айгъакъланады.
- Джеринден айырылгъан – джети джылар, джуртундан айырылгъан – ёлгюнчю джылар.
- Магъанасыз сёз – тауушсуз сыбызгъы.
- Хар ишни да аллы къыйынды.
- Ёксюзню къалачы уллу кёрюнюр.
- Эл элде бирер малынг болгъандан эсе, бирер тенгинг болсун.
- Къыз тиширыу кеси юйюнде да къонакъды.
- Джол бла сёзню къыйыры джокъ.
- Окъдан джара эртде-кеч болса да бителир, сёз джара, ёмюрге къалыр.
- Тилчи тилден къаныкъмаз.
- Тыш элде солтан болгъандан эсе, кесинги элде олтан болгъан игиди!
- Иесиз малны бёрю ашар.
- Башланнган иш битер, къымылдагъан тиш тюшер.
- Хансыз джомакъ болмаз.
- Байлыкъдан саулукъ ашхыды.
- Иги болса, тамадама – махтау, аман болса, меннге – айыб.
- Зар адамны насыбы болмаз.
- Айырылгъанланы айю ашар, бёлюннгенлени бёрю ашар.
- Къоркъакъны кёзю экили кёрюр.
- Ашын ашагъанынгы, башын да сыйла.
- Хантына кёре тузу, юйюне кёре къызы.
- Аз сёлешген, къайгъысыз турур.
