- Адам туугъан джеринде, ит тойгъан джеринде.
- Юйюнгден чыкъдынг – кюнюнгден чыкъдынг.
- Бек ашыкъгъан меннге джетсин, дегенди аракъы.
- Баргъанынга кёре болур келгенинг.
- Малны кют, джерни тюрт.
- Аманны тукъумуна къарама, игини тукъумун сорма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Этек чакъмакълары баш джаргъан, сёлешген сёзлери таш джаргъан.
- Келинин тута билмеген, къул этер, къызын тута билмеген, тул этер.
- Сабий кёргенин унутмаз.
- Тёрдеги кюлсе, эшикдеги ышарыр.
- Аман къатын алгъан, арыр, иги къатын алгъан джарыр.
- Джаш къарыу бла кючлю, къарт акъыл бла кючлю.
- Болджал ишни бёрю ашар.
- Бичгенде ашыкъма, тикгенде ашыкъ.
- Чабакъгъа акъыл, табагъа тюшсе келеди.
- Эрине къаргъыш этген къатын, эрнин къабар.
- Намысы болмагъанны, сыйы болмаз.
- Минг тенг да азды, бир джау да кёбдю.
- Чабакъсыз кёлге къармакъ салгъанлыкъгъа, чабакъ тутмазса.
- Айраннга суу къош, телиге джол бош.
- Экеу тутушса, биреу джыгъылыр.
- Тёгюлген тюгел джыйылмайды.
- Чабакъ башындан чирийди.
- Кесине гебен этелмеген, биреуге черен эте эди.
- Къонакъ кёб келюучю юйню, къазаны отдан тюшмез.
- Ётюрюкню къуйругъу – бир тутум.
- Сууда джау джокъ, кёб сёзде магъана джокъ.
- Эл бла кёргенинг эрелей.
- Аманнга да, игиге да оноусуз къатышма.
- Эр сокъур болсун, къатын тилсиз болсун.
- Бал чибинни ургъаны – ачы, балы – татлы.
- Кесинг сынамагъан затны, адамгъа буюрма.
- Хаухну атма, ёнгкючню сатма.
- Тин – байлыгъынг, терен саулугъунг.
- Тенгинг джокъ эсе – изле, бар эсе – сакъла!
- Бети бедерден, намыс сакълама.
- Гугурук къычырмаса да, тангны атары къалмаз.
- Къонакъны къачан кетерин сорма, къачан келлигин сор.
- Ачлыкъда тары гырджын халыуадан татлы.
- Телини эшигин, махтау джабар.
- Ачлыкъ отха секиртир.
- Чабар ат – джетген къыз.
- Акъыл бла адеб эгизледиле.
- Рысхы – сют юсюнде кёмюк кибикди.
- Кёл – къызбай, къол – батыр.
- Алгъанда – джууукъ, бергенде – джау.
- Аман адам этегингден тутса, кес да къач.
- Терек ауса, отунчу – кёб.
- Элге къуллукъ этмеген, элге ие болмаз.
