- Эринчекни эр алмаз, эр алса да, кёл салмаз, кёл салса да, кёб бармаз!
- Хар сёзню орну барды.
- Къызбайны юйюне дери сюрсенг, батыр болур.
- Ойнай билмеген, уруб къачар.
- Суу кетер, таш къалыр.
- Алтыда кюлмеген, алтмышда кюлмез.
- Ойнай-ойнай кёз чыгъар.
- Тыш элде солтан болгъандан эсе, кесинги элде олтан болгъан игиди!
- Кесинге джетмегенни, кёб сёлешме.
- Ашыкъгъан cуу, тенгизге джетмез.
- Сууда джау джокъ, кёб сёзде магъана джокъ.
- Ата джурт – алтын бешик.
- Окъ къызбайны джокълайды.
- Къралынгы – душмандан, башынгы от бла суудан сакъла.
- Акъыл бла адеб эгизледиле.
- Сакъламагъан затынга джолукъсанг, не бек къууанаса, не бек ачыйса.
- Юйлю уругъа ит чабмаз.
- Эшекни не къадар тюйсенг да, ат болмаз.
- Тойчу джашха къарама, къойчу джашха къара.
- Аман киши кеси юйюнде – къонакъ.
- Къарнынг тойгъунчу аша да, белинг талгъынчы ишле.
- Тешигини къатында, чычхан да батыр болур.
- Къыйынлы джети элге оноу этер.
- Айтхан сёзюне табылгъан.
- Тилчиден кери бол.
- Таукелге нюр джауар.
- Ашха уста, юйюнде болсун
- Аллахдан тилесенг, кёб тиле.
- Ариу – кёзге, акъыл – джюрекге.
- Бал ашаргъа сюе эсенг, чибин ургъаннга тёз.
- Аман эсирсе, юйюн ояр.
- Терек ауса, отунчу – кёб.
- Ашлыкъны арба юйге келтирир, чана базаргъа элтир.
- Тойгъа алгъа да барма, тойда артха да къалма.
- Суугъа – таянма, джаугъа – ийнанма.
- Чоюнну башы ачыкъ болса, итге уят керекди.
- Ашхы – джыяр, аман – джояр.
- Ач уят къоймаз.
- Чалманны аллы къалай башланса, арты да алай барады.
- Эрни эр этерик да, къара джер этерик да, тиширыуду.
- Эшекге миннген – биринчи айыб, андан джыгъылгъан – экинчи айыб.
- Бичгенде ашыкъма, тикгенде ашыкъ.
- Биреуню тёрюнден, кесинги эшик артынг игиди.
- Малны кют, джерни тюрт.
- Ашлыкъ – бюртюкден, джюн – тюкден.
- Къарыусузгъа кюлме, онгсузгъа тийме.
- Ана кёлю – балада, бала кёлю – талада.
- Босагъагъа джууукъ орун болса, ашыгъыб тёрге озма.
- Ариуну – ауруу кёб.
- Аман къатын сабий табса, бий болур…
Очень нужна помощь
|
кто знает хорошего онколога?
Необходимо обследование.
|
|
|
|
|
Читают тему (гостей: 1)