- Джаз бир кюнню джатсанг, къыш талай кюнню абынырса.
- Иги адам абынса да, джангылмаз.
- Аякъларынгы джууургъанынга кёре узат.
- Кёбню кёрген – кёб билир.
- Ашхы болсанг, атынг чыгъар, аман болсанг, джанынг чыгъар.
- Ариу сёз джыланны орнундан чыгъарыр.
- Ач бёрюге мекям джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таукел тауну аудурур.
- Адам боллукъ, атламындан белгили болур.
- Арбаз къынгырды да, ийнек сауалмайма.
- Ёксюзню тилеги къабыл болур.
- Кюлме джашха – келир башха.
- Атлыны кёрсе, джаяуну буту талыр.
- Тойгъанлыкъ къойгъа джарашады.
- Аджалсыз ёлюм болмаз.
- Эртде тургъан джылкъычыны эркек аты тай табар.
- Мадар болса, къадар болур.
- Айранын берсенг, челегин да къызгъанма.
- Адам къаллай бир ишленмесе, аллай бир кесин уллу кёреди.
- Алтыннга тот къонмаз.
- Экиндини кеч къылсанг, чабыб джетер ашхам.
- Тойгъан джерге джети къайт.
- Таукел къуру къалмаз.
- Ётюрюк хапар аякъ тюбю бла джюрюйдю.
- Мал тутхан – май джалар.
- Ётюрюкден тюбю джокъ, кёлтюрюрге джиби джокъ.
- Ишни аллы бла къууанма да, арты бла къууан.
- Таякъ этден ётер, тил сюекден ётер.
- Керти сёзге тёре джокъ.
- Тенгинг джокъ эсе – изле, бар эсе – сакъла!
- Джеринден айырылгъан – джети джылар, джуртундан айырылгъан – ёлгюнчю джылар.
- Джарашыу сюйген – джалынчакъ.
- Таукел адам тау тешер.
- Къартны бурнун сюрт да, оноугъа тут.
- Къазанчы аман болса, къазаны къайнамаз.
- «Ма», - дегенни билмесенг, «бер», - дегенни билмезсе.
- Башсыз урчукъ тюзюне айланмаз.
- Акъдан къара болмаз.
- Ач – эснер, ат – кишнер.
- Къатыны харакетли болса, эри къымсыз болур.
- Тулпарлыкъ, билекден тюл – джюрекден.
- Джангызны оту джарыкъ джанмаз!
- Айтхан – тынч, этген – къыйын.
- Ашхылыкъ джерде джатмайды, аманлыкъ суугъа батмайды.
- Этни бети бла шорпасы.
- Кесинге джетмегенни, кёб сёлешме.
- Къарыусузгъа кюлме, онгсузгъа тийме.
- Чыкълы кюнде чыкъмагъан, чыкъса къуру кирмеген.
- Ат да турмайды бир териде.
Очень нужна помощь
|
кто знает хорошего онколога?
Необходимо обследование.
|
|
|
|
|
Читают тему (гостей: 1)