- Таукел къуру къалмаз.
- Сабийни джумушха джибер да, ызындан бар.
- Къартха ушагъан джаш – акъыллы, джашха ушагъан къарт – тели.
- Джукъу тёшек сайламайды.
- Аякъларынгы джууургъанынга кёре узат.
- Чакъырылмагъан къонакъ тёрге атламаз.
- Тил – миллетни джаны.
- Къарын къуру болса, джюрек уру болур.
- Ёзденликни кёбю ётюрюк.
- Ашха уста, юйюнде болсун
- Эм уллу байлыкъ – джан саулукъ.
- Айтхан – тынч, этген – къыйын.
- Сакъалы текени да бар, мыйыгъы киштикни да бар.
- Эли джокъну – кёлю джокъ.
- Бал – татлы, балдан да бала – татлы.
- Тилчи тилден къаныкъмаз.
- Чарсда алчыны эл кёреди.
- Джангыз терек къынгыр ёсер.
- Эл ауузу – элек, анга ийнаннган – халек.
- Ариу сёзде ауруу джокъ.
- Аш хазыр болса, иш харам болур.
- Адеб джокъда, намыс джокъ.
- Аман къатын сабий табса, бий болур…
- Онгсузну – джакъла, тенгликни – сакъла.
- Кёб джашагъан – кёб билир.
- Къарыусузгъа кюлме, онгсузгъа тийме.
- Башда акъыл болмаса, эки аякъгъа кюч джетер.
- Элде адам къалмаса, ит тахтагъа минер.
- Ата Джуртун танымагъан, атасын да танымаз.
- Ашлыкъны арба юйге келтирир, чана базаргъа элтир.
- Тилде сюек болмаса да, сюек сындырыр.
- Кенгеш болса, уруш болмаз.
- Акъыл къартда, джашда тюйюлдю – башдады.
- Илму – джашауну джолу.
- Къаллай салам берсенг, аллай джууаб алырса.
- Аурууну келиую тынч, кетиую – къыйын.
- Ишленмеген джаш – джюгенсиз ат, ишленмеген къыз – тузсуз хант.
- Тойгъан джерге джети къайт.
- Адамны сыфатына къарама, сёзюне къара.
- Тойгъан джерден туугъан джер игиди.
- Къанны къан бла джуума, аманны аман бла къуума.
- Кесине гебен этелмеген, биреуге черен эте эди.
- Игиге айтсанг – билир, аманнга айтсанг – кюлюр.
- Азыкъ аз болса, эртде орун сал.
- Элге къуллукъ этмеген, элге ие болмаз.
- Башынга джетмегенни сорма.
- Эр абынмай, эл танымаз.
- Къобан да къуру да къобханлай турмайды, адам да къуру да патчахлай турмайды.
- Тюзлюк шохлукъну бегитир.
- Тойгъан антын унутур.
