- Оюмсуз атлагъан, аджалсыз ёлюр.
- Эл ауузу – элия.
- Окъугъан – асыу, окъумагъан – джарсыу.
- Ашатыргъа иш – ашхы, ишлетирге аш – ашхы.
- Ариу сёзде ауруу джокъ.
- Татлы сёз – балдан татлы.
- Билмезни кёзю кёрмез, этмезни къулагъы эшитмез.
- Ёгюзню мюйюзюнден тутадыла, адамны сёзюнден тутадыла.
- Бет бетге къараса, бет да джерге къарар.
- Ач къарынны, токъ билмез
- Ушамагъан – джукъмаз.
- Къартха ушагъан джаш – акъыллы, джашха ушагъан къарт – тели.
- Тёзген – тёш ашар!
- Гитче джилтин уллу элни джандырыр.
- Тёгюлген тюгел джыйылмайды.
- Тёзгеннге, джабылгъан эшик ачылыр.
- Ауругъанны сау билмез, ач къарынны токъ билмез.
- Айтылгъан сёз ызына къайтмаз.
- Халкъны джырын джырласанг, халкъ санга эжиу этер.
- Бермеген къол, алмайды.
- Сууда джау джокъ, кёб сёзде магъана джокъ.
- Айныгъанлы алты кюн, тогъайгъанлы тогъуз кюн.
- Тюзлюк шохлукъну бегитир.
- Ышармагъан – кюлмез, кюлмеген – къууанчны билмез.
- Билмегенинги, билгеннге сор.
- Ашын ашагъанынгы, башын да сыйла.
- Гугурук къычырмаса да, тангны атары къалмаз.
- Кесине гебен этелмеген, биреуге черен эте эди.
- Юре билмеген ит, къонакъ келтирир.
- Къайгъы тюбю – тенгиз.
- Билеги кючлю, бирни джыгъар, билими кючлю, мингни джыгъар.
- Уллу атлама – абынырса, уллу къабма – къарылырса.
- Урама да – ёледи, сатама да – келеди.
- Джаханимни кёрмей, джандетге кёл салмазса.
- Ёлген ийнек сютлю болур.
- Мухарны эси – ашарыкъда.
- Джолунга кёре – джюрюшюнг, джагъанга кёре – юлюшюнг.
- Чакъырылмагъан къонакъ къачан кетерин сормаз.
- Къонакъны къачан кетерин сорма, къачан келлигин сор.
- Акъыллы – эл иеси, тели – эл баласы.
- Тели турса – той бузар.
- Ата джурт – алтын бешик.
- Адам сёзюнден белгили.
- Байлыкъ тауусулур, билим тауусулмаз.
- Суу кетер, таш къалыр.
- Джуртун къоругъан озар.
- Аманнга да, игиге да оноусуз къатышма.
- Кёкдеги болмаса, джердегин кёрмейди.
- Эртде тургъан бла эртде юйленнген сокъуранмаз.
- Ойнаб айтсанг да, эслеб айт.
