- Тойгъан джерден туугъан джер игиди.
- Ишни аллы бла къууанма да, арты бла къууан.
- Хаухну атма, ёнгкючню сатма.
- Зар адам ашынгы ашар, кесинги сатар.
- Къонакъ аман болса, къонакъбай джунчур
- Атадан ёксюз – бир ёксюз, анадан ёксюз – эки ёксюз.
- Ата – баланы уясы.
- «Ма», - дегенни билмесенг, «бер», - дегенни билмезсе.
- Чомартха Тейри да борчлуду.
- Мадар болса, къадар болур.
- Тилде сюек болмаса да, сюек сындырыр.
- Билим – акъылны чырагъы.
- Айранын берсенг, челегин да къызгъанма.
- Аман адамны тепсинге олтуртсанг, къызынгы тилер.
- Акъыллы айтыр эди, акъылсыз къоймайды.
- Билген билмегенни юретген адетди.
- Эртде тургъан бла эртде юйленнген сокъуранмаз.
- Сютден ауузу кюйген, суугъа юфгюре эди.
- Этим кетсе да, сюегим къалыр.
- Ана къолу ачытмаз.
- Тамчы таш тешер.
- Къатын къылыкъсыз, эр тынчлыкъсыз.
- Джангызны оту джарыкъ джанмаз!
- Эринчекни аурууу – кёб.
- Ёгюзню мюйюзюнден тутадыла, адамны сёзюнден тутадыла.
- Къонакъ аз олтурур, кёб сынар.
- Аманнга да, игиге да оноусуз къатышма.
- Тойчу джашха къарама, къойчу джашха къара.
- Къаллай салам берсенг, аллай джууаб алырса.
- Джаным-тиним – окъуу, билим.
- Ётюрюкден тюбю джокъ, кёлтюрюрге джиби джокъ.
- Чабакъ башындан чирийди.
- Эки ойлашыб, бир сёлешген.
- Айтылгъан буйрукъ, сёгюлмез
- Юйлю уругъа ит чабмаз.
- Джашда акъыл джокъ, къартда къарыу джокъ.
- Соргъан айыб тюлдю, билмеген айыбды.
- Бичгенде ашыкъма, тикгенде ашыкъ.
- Окъугъан озар, окъумагъан тозар.
- Айырылмаз джууугъунга, унутмаз сёзню айтма.
- Ана – юйню кюн джарыгъы.
- Къарнынг бла ёч алма.
- Биреуге аманлыкъ этиб, кесинге игилик табмазса.
- Оюмсуз атлагъан, аджалсыз ёлюр.
- Джарлы тюеге минсе да, ит къабар.
- Адамны артындан къара сабан сюрме.
- Эски джаугъа ышанма.
- Аз айтсам, кёб ангылагъыз.
- Джюрек кёзден алгъа кёрюр.
- Келгинчи, къонакъ уялыр, келгенден сора, къонакъбай уялыр.
