- Кёб джат да, бек чаб.
- Джетген къыз джерли эшекни танымаз.
- Булут кёкге джарашыу, уят бетге джарашыу.
- Билим насыб берир, билим джолну керир.
- Аман эсирсе, юйюн ояр.
- Аджаллыгъа окъсуз шкок атылыр.
- Арба аугъандан сора, джол кёргюзтюучю кёб болур.
- Аш кетер да бет къалыр.
- Къартны бурнун сюрт да, оноугъа тут.
- Тик ёргени, тик энгишгеси да болады.
- Билим ат болуб да чабар, къуш болуб да учар.
- Олтуруб кёрюнмей эди да, ёрге туруб кёрюне эди.
- Къызгъанчдан ычхыныр, мухардан ычхынмаз.
- Тенгни тенглиги джашай барсанг билинир.
- Керти сёзге тёре джокъ.
- Джигер – джаннга къыйынлыкъ.
- Гырджын – тепсини тамадасы.
- Башы ишлегенни, ауузу да ишлер.
- Ушамагъан – джукъмаз.
- Билимли ёлмез, билимсиз кёрмез.
- Эрни эр этерик да, къара джер этерик да, тиширыуду.
- Телини эшигин, махтау джабар.
- Ашхы тенг джолгъа салыр, аман тенг джолдан тайдырыр.
- Ашхы атаны – джашы ашхы, ашхы ананы – къызы ашхы.
- Ачны эсинде – аш.
- Къарт бла баш аша, джаш бла аякъ аша.
- Кирсизни – саны таза, халалны – къаны таза.
- Байлыкъ келсе, акъыл кетер.
- Ач уят къоймаз.
- Джюрекден джюрекге джол барды.
- Аллахдан тилесенг, кёб тиле.
- Къайтырыкъ эшигинги, къаты уруб чыкъма.
- Ана кёлю – балада, бала кёлю – талада.
- Зар адам ашынгы ашар, кесинги сатар.
- Юй кюйдю да, кюйюз чыкъды, ортасындан тюйюш чыкъды.
- Ауурну тюбю бла, дженгилни башы бла джюрюген.
- Юйлю уругъа ит чабмаз.
- Абынмазлыкъ аякъ джокъ, джангылмазлыкъ джаякъ джокъ.
- Адам туугъан джеринде, ит тойгъан джеринде.
- Кёл ашады да, кеси ашады.
- Харам къарнашдан, халал тенг ашхы.
- Джети тилни билген джети кишиди.
- От кюйдюрген, сау болса да, тот кюйдюрген, сау болмаз.
- Суу кетер, таш къалыр.
- Билими азны – ауузунда кирит.
- Аманнга игилик этсенг, юйюнге сау бармазса.
- Магъанасыз сёз – тауушсуз сыбызгъы.
- Келинин тута билмеген, къул этер, къызын тута билмеген, тул этер.
- Сакъалы текени да бар, мыйыгъы киштикни да бар.
- Суу да къайтады чыкъгъан джерине.
Срочная помощь больному лейкозом
Читают тему (гостей: 1)