- Ёзденликни джайгъан – джокълукъ.
- Ойнай билмеген, оюн бузар.
- Юйюнгден чыкъдынг – кюнюнгден чыкъдынг.
- Халкъгъа джарагъан, джарлы къалмаз.
- Къанны къан бла джуума, аманны аман бла къуума.
- Айранын берсенг, челегин да къызгъанма.
- Эринчекге кюн узун.
- Джаханимни кёрмей, джандетге кёл салмазса.
- Джукъу тёшек сайламайды.
- Къошда джокъгъа – юлюш джокъ.
- Айтылгъан сёз ызына къайтмаз.
- Айран ичген – къутулду, джугъусун джалагъан – тутулду.
- Ёлмесенг да, къарт дамы болмазса?
- Тешигини къатында, чычхан да батыр болур.
- Намысы джокъну – дуниясы джокъ.
- Биреу ашаб къутулур, биреу джалаб тутулур.
- Ашхы адам – халкъ байлыгъы, ашхы джер – джашау байлыгъы.
- Арбаз сайлама да, хоншу сайла.
- Рысхы – насыбха къор.
- Эр абынмай, эл танымаз.
- Аз сёлеш, кёб ишле.
- Ана кёлю – балада, бала кёлю – талада.
- Ишни аллы бла къууанма да, арты бла къууан.
- Эл ауузу – элек, анга ийнаннган – халек.
- Иги сеники эсе да, сюйген кесимикин этеме.
- Булут кёкге джарашыу, уят бетге джарашыу.
- Окъуу – билимни ачхычы, окъуу – дунияны бачхычы.
- Абынмазлыкъ аякъ джокъ, джангылмазлыкъ джаякъ джокъ.
- Магъанасыз сёз – тауушсуз сыбызгъы.
- Джылар джаш, атасыны сакъалы бла ойнар.
- Ёлген ийнек сютлю болур.
- Кюлме джашха – келир башха.
- Байны оноуу, джарлыгъа джарамаз.
- Билмегенинги, билгеннге сор.
- Акъыллы эркиши атын махтар, акъылсыз эркиши къатынын махтар.
- Тилчи бир сагъатха айлыкъ хата этер.
- Дуния мал дунияда къалады.
- Къарнынг тойгъунчу аша да, белинг талгъынчы ишле.
- Билим ат болуб да чабар, къуш болуб да учар.
- Телини эшигин, махтау джабар.
- Ана – юйню кюн джарыгъы.
- Асхат ашлыкъ сата, юйдегиси ачдан къата.
- Ачны эсинде – аш.
- Тойгъан джерге джети къайт.
- Къонакъ хазыр болгъанлыкъгъа, къонакъбай хазыр тюлдю.
- Ариу сёз аурууунгу алыр.
- Керти сёзге тёре джокъ.
- Байлыкъ тауусулур, билим тауусулмаз.
- Кёлю джокъну – джолу джокъ.
- Этни да ашады, бетни да ашады.
Срочная помощь больному лейкозом
Читают тему (гостей: 1)