- Шайтан алдады, тюзлюк къаргъады.
- Хоншуну тауугъу къаз кёрюнюр, келини къыз кёрюнюр.
- Этек чакъмакълары баш джаргъан, сёлешген сёзлери таш джаргъан.
- Джарлы эскисин джамаса, къууаныр.
- Къатыны харакетли болса, эри къымсыз болур.
- Къартны бурнун сюрт да, оноугъа тут.
- Чакъырылгъанны аты, чакъырылмагъанны багъасы болур.
- Башда акъыл болмаса, эки аякъгъа кюч джетер.
- Къонакъ аман болса, къонакъбай джунчур
- Кёкдеги болмаса, джердегин кёрмейди.
- Кёрмегеннге кебек – танг, битмегеннге сакъал – танг.
- Адамны аманы адамны бети бла ойнар.
- Телиге акъыл салгъандан эсе, ёлгеннге джан салырса.
- Окъуу – билимни ачхычы, окъуу – дунияны бачхычы.
- Сагъыш – къартлыкъгъа сюйюмчю.
- Ашына кёре табагъы, балына кёре къалагъы.
- Акъылсызны джууукъгъа алма, акъыллыны кенгнге салма.
- Аууз сакълагъан – джан сакълар.
- Адебни адебсизден юрен.
- Нарт сёз къарт болмаз.
- Тынгылагъан тынгы бузар.
- Ана къолу ачытмаз.
- Эки итни арасына сюек атма, эки адамны арасында сёз чыгъарма.
- Джюрекден джюрекге джол барды.
- Тамбла алтындан бюгюн багъыр ашхы.
- Тешигини къатында, чычхан да батыр болур.
- Киштикге къанат битсе, чыпчыкъ къалмаз эди.
- Тенги кёбню джау алмаз, акъылы кёбню дау алмаз.
- Олтуруб кёрюнмей эди да, ёрге туруб кёрюне эди.
- Эшекге миннген – биринчи айыб, андан джыгъылгъан – экинчи айыб.
- Къарт айтханны этмеген, къартаймаз.
- Кёб джат да, бек чаб.
- Акъыл аздырмаз, билим тоздурмаз.
- Намысы джокъну – дуниясы джокъ.
- Ётюрюкден тюбю джокъ, кёлтюрюрге джиби джокъ.
- Ач, тоймам, дейди, тойгъан, ач болмам, дейди.
- Къарыусузгъа кюлме, онгсузгъа тийме.
- Джашда акъыл джокъ, къартда къарыу джокъ.
- Игини сыйлагъан адетди.
- Этни бети бла шорпасы.
- Азыгъы аз, алгъа къабар, аты аман, алгъа чабар.
- Мен да «сен», дейме, сен да «кесим», дейсе.
- Иесиз малны бёрю ашар.
- Адамны джюреги нени кёрюрге сюйсе, кёзю да аны кёрюрге ёч болады.
- Чомартны къолу берекет.
- Суу ичген шауданынга тюкюрме.
- Айтылгъан сёз ызына къайтмаз.
- Тили узунну, намысы – къысха.
- Джюрек кёзден алгъа кёрюр.
- Ач уят къоймаз.
Срочная помощь больному лейкозом
Читают тему (гостей: 1)